YEREMIA 23:24 - Biblía Axweesantá Hhohho' ar Mungú 2004

²⁴ Xáy, hee nahhaata gaqo aleesláya ngway qo tsuwa araaká? Ahaá, anuú AAKOÓ MUNGÚ a kudá' dawaakáhe umuú diiro, gawaá doori nee baraá yaamuwo? Anuú AAKOÓ MUNGÚ tí ngina oó'.

YEREMIA 23:24 Iomraidhean Croise

IIMU/UUNGW 16:13

Inós AAKOÓ MUNGÚ guri umúr atét, kudá' nee inós naa axweesiye'. I kat, «Kuúng a Munguú xumiís.» Asma ina ó', «Tam aníng Mungú ugwa qo tsuwa ári niri kumiít slafiingo?»

1 WAAWITÁ 8:27

«Ala looeemaawo, Mungú, kuúng aqo hóta baraakaá yaamuú wa ale? Bar doori, laqaá tam dooraá gáwtí saaw, sleeme u buiaaká, do'owí aníng naa tleéhh adór ir bu'uuti a adoomá!

2 QOM'I 2:6

Ala heé Mungú gu dó' i tleéhh a heemá bar doori nee dooriidá' gáwtí saawá' in bu'utiaaká. Xáy, aníng a heemá nguwa tsuwa dó' i tleehh, aqo har dír mooyángw tsuú' kuwa dirós i da/a/amaánaáke?

2 QOM'I 6:18

Ala Mungú, kuúng aqo tsuwa hóta baraaká daanduú yaamuwo dinkwa nee muu? Bar doori nee dooriidá' gáwtí saawá' in bu'umitiaaká, xáy, do'owí aníng naa tleéhh adór ir bu'uuti?

YOBU 34:21

Asma Mungú lohdaá muu gin ga/áy nee tlehhmi'ii'ín sleémeero gin ga/áy.

YOBU 34:22

Dír giiw nee ar boo/ i káhh dirose, ar múk tlákw i nahhaati ar kiwa ariiká.

WARA'AMI 10:11

Tlakusmo i baraá muunaáwós i kaahi, «Mungú aa sagaqwaár, ilaawós gaa tuuntuúk, i baloó xuumisiiká.»

WARA'AMI 139:7

Amór ni nahhaat a amoomá ar qeeruuwók iwa ariiká? Amór ni goow a amoomá ar kuúng uwa ilagoow?

WARA'AMI 139:8

Bara tsa/ám gawaá doori, kuúng a deer! Bara /eét baraá gi'i kuúng a deer!

WARA'AMI 148:13

Kuká' sleémeero umuú AAKOÓ MUNGÚ ngu xirfayeesiye', asma umuuwós kun ak úr ta umér hatlae, xirfuuwós yaamu gaa waaraáhh nee dooriwo.

WARA'AMI 90:8

Tlakweemaarén ki geehhoo' diroge, tlakweemaá baraá naaqo naa geehhoouyé' baraá gwa/aateemaawoge.

AXWEESANOÓ SAGALOOA 15:3

Ilaá AAKOÓ MUNGÚ umuú diiro i xumiisiyá', Heé tlaákw nee heé hhooe ngu ga/ayá'.

ISAYA 29:15

«Tsaxwaaín mukdá' axweesanay'ín gu dír AAKOÓ MUNGÚ wa lu/u/uúm, nee mukdá' tlehhmi'ii'ín baraá giwtírí diriiá', mukdá' káh, ‹Heé atén ti ga/áw a heemá? Heé atén ti xuú' a heemá?›

ISAYA 57:15

Asma adoorí an adoodá' kuduú gáwtí dirií', kudá' xiríf, kudá' hotaatiím ay alhhe'eesay wasle, kudá' umuuwós ta bay Oo hhoohhoó' i kaahi, «Aníng dír ni hoot a didá' gáwtí dirii', didá' hhoohhoo', slam a dinkwa nee kudá' aa hhu'uu'un, nee oo tsatsaa'aár baraawose. Asma kahhó' qeereemaá múk tsaén ngiwa slafis nee munér mukdá' aa hhu'uu'un ngiwa slafis.

ISAYA 66:1

AAKOÓ MUNGÚ i kaahi, «Doori an kitangw'eé' oo waawuti'iima, nee yaamu an kitángw ya'aaeé' ngi qamiim. Xáy aníng doó kuungá' i tlehha' a doó adoomá? Xáy dír ni hungu/uus a dír adoomá?»

YEREMIA 16:17

Asma aníng tlehhmi'ii'ín sleémeero i ga/áw. Gár aninge aa nahhat i káhh. Tlehhmi'ii'ín sleémeero dír geeraaeene ki geehhoo'.

YEREMIA 32:19

Kuúng an hara'ayusmoó úr nee aleesleemusmo baraá mura' tlehhtuuwo. Ilaawók lohdaá muu ngin ga/ayá', umuú heewo un bú' ar har qoomoó adoodá' hotaawós i dirii'iya', nee adoodá' tlehhmi'iiwós i dirii'iya'.

YEREMIA 49:10

Ala aníng umuú gaaro dír Esauwo aga hayóh, una duúx didaádá' i hotaatina, nahhaata ga malé aleeslayká. Na/iiwós nee hhaeewós nee inslaawaywose kaa hhaamiís. Tam oo wák aa meet i kaahh.

ESEKIELI 8:12

Aluuwo Mungú iri báy, «Heewí, aga aándi kángw bariisér múk Israeli taa tlehhiít baraá giwtír wa alé, umuú heewo i baraá kutuwirós tidá' slaqsa'aá munguaá hatlá' koom. Inooín i kaahiya', ‹AAKOÓ MUNGÚ atén ti ga/ayká. AAKOÓ MUNGÚ yaamu gwaa máy.› »

ESEKIELI 9:9

Inós iri báy, «Tlakweemaá múk Israeli, nee awa múk Yuda, ki ur ló'wa aleeró. Daanduú yaamu aa haáts tseerdaá muko, nee baraá gixsaro heé gan'amuú tlehhiít i kaahh. Asma ta kaahi, ‹AAKOÓ MUNGÚ yaamu gaa máy, AAKOÓ MUNGÚ i xumisiiká.›

DANIELI 2:22

Axweesanoó bó/ nee oo lu/aaráy gun geehhooees, gár baraá ma/ami ga xuu' nee gwa/aateema i dirós i dirii'iyá'.

DANIELI 4:35

Yaamuloouusér daanduú yaamu a gaarooká dirose. Dír malaykedá' gawaá doorí diriia adór i slai gan tlehhiit tam dír múk baraakaá yaamuwo. Heé dakós gu ilaá/ i kaahh tumu wák, laqaá heé gu báw, ‹Gár adoosíng kas tlehhit a milá?›

Efeso 1:23

nee mukdá' tawa slaqwtós. Mukwí sleémeero aa haáts inose, inósuudá' umuúqo gaaro ga boo/eemiís baraá muu sleémeerowo.

Ebrania 4:13

Umuúqo gaaro ar Mungú i harslaaqati arto i káhh. Mura' sleémeero i kístí dirii', nee ku geehhoó' dír ilaawose, nee atén adór tara hootaán an dír geeraawósií kwalilimaán.