YEREMIA 23:19 - Biblía Axweesantá Hhohho' ar Mungú 2004

¹⁹ Ga/aawaak, buhhtaá Aakoó Mungú naa hardihiyé', kudaá adór bambaao. Múk tlákw ngu sage slahhiyá'.

YEREMIA 23:19 Iomraidhean Croise

WARA'AMI 58:9

Qoomár ngiwa tsahhi'iiká ki hingeesi, adór xwaansloó laqayá' wa ale.

AXWEESANOÓ SAGALOOA 1:27

Deelór de'ér bambaao burunda eér, nee slahh'amuhúng birinda hardáh adór bambaao, gusisiingw nee slahh'amu burna i hardihiyé',

AXWEESANOÓ SAGALOOA 10:25

Bambaao bira waaráhh heé tlaákw in qwaar, ala heé ganaá' in kumaamiit ay kureeraá kureér.

ISAYA 21:1

Kaangwí a iigu'utuú Mungú aa laqán daanduú yaamaá xaanxoó afaá tlawto. Adoodá' bambaaór baskú daahh ir harafitsaatsit múk ni haratláw baskú wa ale i baraá xaanxoó daahh, amór yaamaá múk xaraásl ngin dahhiyá'.

ISAYA 40:24

Qoomár birka haátl nee birna harma/i'iyé', dír dee/aruuín ngura sihhi'iiká adór xa'anoó wa alé, qoomár AAKOÓ MUNGÚ inooín birnga ifaáhh aqo nin kahiyá', inooín bambaao ginar tleér adór muundáy.

YEREMIA 25:31

Tsimaahhirí iri hardát ay hhapeemo sleémeero. Asma AAKOÓ MUNGÚ daanduú xoorduwo i kwasleemár kón. Muu sleémeero gwaa sakwasleemuút, múk tlákw gu tsuu/ ar paánga. Anuú AAKOÓ MUNGÚ tí ngina oó'.»

YEREMIA 25:32

AAKOÓ MUNGÚ Aleesleemusmo i kaahi, «Qaytsiité', amotlakwe i hardát dír xoorór wák, aluuwo ay dír xoorór hatlá', bambaao kingi tlees baraá ku/uyaá yaamuú wá ale.

YEREMIA 30:23

Qaytsité', bambaaór xaraasl i amór AAKOÓ MUNGÚ dáhh. Buhhta naa hardihiyé', bambaór ló'wa fukukuu'. Heé tlaákw gun saga naasuúr.

YEREMIA 30:24

Buhhtaá xaraaslá' AAKOÓ MUNGÚ i tawo ki/iaaká ay dír tidá' muunaáwose aa slaá' ngay boo/eesi. Deeloodá' birna hardát daqaní kuungá' kaangwí u tsahhá'.»

YEREMIA 4:11

Qoomaadae tari ooi dír mukwí nee dír gixsár Yerusalemu, «Fur'ár da/a/aam ni baraá xaanxoó dáhh, iri hardát dír muk'eé'. Ala fur'aarí ar haritleemisuwooká tidá' muundáy gur tlatlaw.

YEREMIA 51:1

AAKOÓ MUNGÚ i kaahi, «Ga/aaweek, aníng fur'a an dúk ar Babuloni ga hhitiim nee yaamuloouusér Kaldayoro.

ESEKIELI 1:4

Qoomár niwa qaytsiít, bambaaór tluwoó koom ar /iikú daahh ana ár. Huunkír ur kaa harweér nee mankarór wer'eliim, nee ar asltá bir'eeliim qooma sleémeerowo ana ár. Baraá tla/ángw asltadae naxés gár qwiirii/ adór muqslír sirdaa/aat i baraadií dirí'.

ESEKIELI 13:13

«Gawaá adoorihe, anuú Aakoó MUNGÚ a kah, ‹Asma daanduú buhhtaeene aníng bambaao nee tluwoó tlaa/e oo úr ngu huúw, nee koo/i kari yaamií daahh.

AMOS 1:14

Gawaá adoorihe aníng asla a qaás gawaá koo/ír gixsár Raba, asla koo/irós tidá' gawit gari /ák. Deeloodár slaqwaraaro tsimaahhi ka ló'wá ur, nee slaqwara ka ló'wa hhamhhám adór bambaao.

SEKARIA 7:14

Ala án inooín in diyaá/ ar bambaao baraá tla/ángw xoordaá inooín ni xuiaaká. As adoorí yaamuudá' naa geexayé' niri deewaaiyá', tam heé tla/angwdár waaraáhh iri kaahh, asma yaamuudá' sla'atimisá' kaa deewa'ameérí geexáy.»

SEKARIA 9:14

AAKOÓ MUNGÚ mukós gu harati'iit, mahaangós guri tsaxaar adór mankari, Aakoó MUNGÚ tarumbeéta gari ufaahh, inós nin hardah ar bambaaór baskú daahh.