YEREMIA 23:16 - Biblía Axweesantá Hhohho' ar Mungú 2004

¹⁶ AAKOÓ MUNGÚ Aleesleemusmo i kaahi, «Axweesantá aaruusedá' kuungá' ma iiárií qamimara'. Inooín harahhifór lama ngi kaahiyá', gár i kaahiya' a tlataaín awa tawo, ala kangwdá' i amor'eé' dahhiiká.»

YEREMIA 23:16 Iomraidhean Croise

1 WAAWITÁ 22:11

Baraá tla/angw'ine aarusmoó wák, Sedekia garmoó Kena'ana, xareemaá muqsla gina tleéhh, iri oó', «AAKOÓ MUNGÚ i kaahi, ‹Xareemikae kuúng múk Aramu un alií ki/ís nee kuri hhaamís.› »

2 WAAWITÁ 17:15

Dabeerós eeharto ngina si'iyé', alqadoodá' aa qaás nee baabi'ii'ín nga oohi'iiká, tam adoorihe naanaqarós ngina si'iyé'. Inooín murslaaqatuú tawo nguna harahhifiyé', inooín nay lamuuse tleehhitiyé', slooír xoordaá hatlá' awa yaamuudá' ngina eehaariyé', tam handá' AAKOÓ MUNGÚ ngaa bayi, «Slooir'ín ma oohara'.»

2 QOM'I 18:5

Naagáy waawutmo Ahabu oo Israeli aaruusér tsiire tsiyáhh gari ateét, nee gari báy, «Aníng a slaqwarár áwa Ramot-gileadi laqaá daqawká?» Inooín tari oó', «Tláw, Mungú kuúng u baalirí haniis.»

AXWEESANOÓ SAGALOOA 19:27

Garmaaeé', a tsiní intsaahhatisa bara meér axamiisuuwo, barqo gaa a xú' an sí' eeharto.

YEREMIA 14:14

AAKOÓ MUNGÚ iri báy, «Aaruuseesíng i lamtá aaririín ar umuueé', ala aníng nga ya/aawiiká, aníng iga bawiiká adoosíng tleehhaak, laqaá aga axweesaniiká nee inooín. Iigu'utuudá' naa ariyé' i amor'eé' dahhiiká. Muruú naa aariné' a muruú tawo oo inslaway'ín.

YEREMIA 2:5

AAKOÓ MUNGÚ i kaahi, «Xáy, gár tlaakw ar baabi'iihúng na ariyé' dir'eene a milá, tam tari puruúts dir'eene, tari eeharín alaá muruú tawór wa alé, nee inooín niri tawo tleehhitiyé'.

YEREMIA 23:21

AAKOÓ MUNGÚ i kaahi, «Aníng aaruuseerí ngaa ya/aawiiká, inooín nina sager'ín ar daqayé'. Aníng kángw naa dir'íní oó' i kaahh, ala inooín nina aariiriné'.

YEREMIA 23:26

Xáy, adoorí i kumaamit ay xaylá? Aaruuseerí qwanoó muner'ín ngu alkomkakoon ay xaylá? Aaru'uumarí ar lama nee al/aymár muner'ín ngi alkomkakoon ay xaylá?

YEREMIA 29:23

Inooín adoorí gin sleér, asma alsi'imu nguna tleehhiyé' baraá yaamaá Israeliro. Inooín fuqi kana tleéhh nee tlaawoó muu, nee lama kana tlaáq ar umuú AAKOÓ MUNGÚ, gár anuú AAKOÓ MUNGÚ ngaa bawiiká kana tlehhiít. Aníng tí a xuú', aníng a lamabu'usmo. Anuú AAKOÓ MUNGÚ tí ngina oó'.»

YEREMIA 29:8

Anuú AAKOÓ MUNGÚ Aleesleemusmo, Munguú Israeli a káh, ‹Al/aymár aaruusedár lamuuse ma iiárií qamiimara', nee qwaslaareedá' tu/u/uum tam tlataaín kudá' mi ya/aamara'.

YEREMIA 9:12

Heé sagaloó' i deéro oo muruuwí tsaahharo gu aleesláw? Heé AAKOÓ MUNGÚ aa i axweés a heemá as kaangwí nguwa alki/iiti dír múk hatlá'? Ahaá waáy, gár yaamu nisa adoorír gwaaiyé', niri deewaiyé' tam gár baraadár waraahh iri káhh?

YEREMIA 9:20

Aá /ameéna, axweesantá AAKOÓ MUNGÚ iiárií qaasaak, nee iiaahúng axweesantá afkós ngi axaasiye'. Dasuuhúng tsuunqumisuwo intsaahhatisaak, nee umuú heewo inslaawmoowós ngu intsaahhatisi daa'ángw folituuwo.

WA/AA/I 2:9

Afér gixsarós aa yaamií sluk'umít, muqslaadá' kar tsegiiti gana giqáy gay hhitín, waawutmoowós nee geeraharuuser'ine i baraá tla/ángw xoordu. Dabe i sangw malé káhh, aaruuseerós iigu'utuú amór AAKOÓ MUNGÚ daáhh gu slasleeraaká.

ESEKIELI 13:16

Gaarí a alhhe'eesoó aruuseedár Israeli aa aariin nee iigu'utuú wayda gwa aan daanduú Yerusalemuro, ala wayda iqo kaahh. Anuú Aakoó MUNGÚ tí aga oó'.»

ESEKIELI 13:23

Daxta kuungá' iigu'utuú al/ayma u malé aanda'aaká, laqaá a malé aariinda'aaká. Aníng muk'eé' u ba/amís gawaá dabaahunge. Daqaní kuungá' a tsahhá' adór aníng tár AAKOÓ MUNGÚ.»

ESEKIELI 13:3

«Aníng Aakoó MUNGÚ a kah, ‹Tsaxwaahúng, kuungaásingaá aaruusér daktana, tidá' inslaway'ín nee iigu'utuuín eeharahar.

ESEKIELI 13:6

Iigu'utuuín a lamtá tawo, nee inooín gár i aariirina' a al/aymár tawo. Inooín ngiwa xuiya' in axweesiyá' kitángw anuú AAKOÓ MUNGÚ wa aleeró, ala aníng ngaa ya/aawiiká, slamí inooín ngi xuiya' aníng tidá' i aariirina' a boo/eés.

ESEKIELI 22:28

Aaruuser'ín i tlakweemaá lu/u/uún adór heé bohóngw baraá koo/i gu tipiím ar da/ara. Iigu'utuú lama ngun ara'ariyá', nee gár ta aariirin a al/aymár tawo, tawa kaahi, ‹Aakoó MUNGÚ i kaahi,› ala aníng gár ngaa báw iqo káhh.

MIKA 2:11

«Heé kuungá' ta sla'a' a kudá' lamtá dahaaremiís nee al/ayma, oo káh, ‹Xuftár yaariir a sleerá' tawa wahaanda' tay oonimitá'.› Aarusmoó adoorír axweés, an kudá' nee kuungá' ti slawá'.

Matayo 7:15

«Ti harmagahhe' dír aaruusér lamuuseero, inooín birni amorhúng kayá' tlabaá bee/aangw nga tsiitiyé', ala laatí baraaine a taweruú xaraásl.

Rumi 1:21

Inooín tam Mungú ngwa tsaahhi'i, ala inooín ngwa xirfayeesi'iiká tawa Mungú, nee slám ngwa sluufmiisi'iiká. Ala inslaway'ín iri daktu'uút, nee muner'ín tidá' sagalooár koomaaká iri ak gíp.

1 Yohana 4:1

Sla'aaruúse, umuú gár ta kaahi ma haratlintatiaara', ala alqaytsitaak, áx amór i dahh a amór Mungúhe. Asma aaruusér yaariir ar lama naa ti'ít.