YEREMIA 23:14 - Biblía Axweesantá Hhohho' ar Mungú 2004

¹⁴ Ala baraá aaruusér Yerusalemuro xisluú dae tlaáq ugwa ár. Inooín in fuquusiyá' nee i /aysenaá tlaaqiyá', mukdaádá' tlakweemaá tlehhiít ngun muunií qaminá', as adoorí heé tlakweemaá mamáw i kaahh. Inooín sleémeero dir'eene an adór múk Sodoma, yaamuloouuser'ín a múk tlákw adór múk Gomora.»

YEREMIA 23:14 Iomraidhean Croise

IIMU/UUNGW 13:13

Ala múk Sodoma a múk tlákw oo tlakweemaá yaariir gaa tlehhahhiit dír geeraá AAKOÓ MUNGUHE.

IIMU/UUNGW 18:20

AAKOÓ MUNGÚ iri oó', «Asma /aa/aá múk Sodoma nee Gomora naa tlahhiyé' nee tlakweemaaín naa dooginé' ló'wa alé,

IIMU/UUNGW 19:24

AAKOÓ MUNGÚ asltá kibiriíti ngiri gawaá doorí wa kwaáhh daanduú Sodoma nee Gomora.

IIMU/UUNGW 19:25

AAKOÓ MUNGÚ gixsaduudá' giri qwaareés ar asla, nee xatsooine, nee kudá' sleémeero baraá gixsaduudá' hootá', nee tidá' sleémeero naa harma/ baraá yaamudae.

ISAYA 9:15

Sage an bariisér ilaiwa/amér koom, hhayshe an aaruuseedá' lamtá intsaahhatimisá'.

YEREMIA 14:14

AAKOÓ MUNGÚ iri báy, «Aaruuseesíng i lamtá aaririín ar umuueé', ala aníng nga ya/aawiiká, aníng iga bawiiká adoosíng tleehhaak, laqaá aga axweesaniiká nee inooín. Iigu'utuudá' naa ariyé' i amor'eé' dahhiiká. Muruú naa aariné' a muruú tawo oo inslaway'ín.

YEREMIA 18:13

AAKOÓ MUNGÚ i kaahi, «Gawaá adoorihe, axáy xoordu sleémeero yaahasaak, kángw adór kwí heé gwa axaas iqo deéro? Múk Israeli adór ló'wa slasla/aar gaa tleéhh.

YEREMIA 20:16

Heewí masók in adór gixsár taa daáhh tleehhiit, tidá' AAKOÓ MUNGÚ aa daáhh ar gurtleemu wasle. Heewí masók tsuunqumis gun axaas matlaatleero, nee tlaatla/aango masók tsimaahhír slaqwara gan axaas.

YEREMIA 23:17

AAKOÓ MUNGÚ i kaahi, «Inooín i lakiitiaaká mukdá' axweesante'eé' ga waaqaqaá' nguwa babaya', ‹Gár tlaakw ar nu slaw i káhh.› Nee umuúqo heewo oo sagagawduuwós gu eeharaahár ngun babaya', ‹Gár tlaakw ar u slaw i káhh.› »

YEREMIA 23:22

Inooín geeraawo bar kwasleemar'eé' ngaa aye', inooín geeraawo axweesante'eé' ngaa dahareemisiyé' dír muk'eé'. Geeraawo muk'eé' kunga ki/ís baraá loohidá' tlaakwe, nee geeraawo kunga duúx baraá tlehhmi'iidá' tlakwe.»

YEREMIA 23:32

Eeít, anuú AAKOÓ MUNGÚ a kah, ‹Aaruuseedá' a i haraatláw, tidá' tlataaín awa lamtá aaririim dír muk'eé', nee muk'eé', ngwa qwaareesiyé' ar lamtaín, nee tlooraaín. Ala aníng iga ya/aawiiká, nee sleeme gár ngaa báw i káhh.› Gawaá adoorihe, gár mukwí nguwa gaa buiya' i káhh, Anuú AAKOÓ MUNGÚ tí ngina oó'.»

YEREMIA 29:21

«Daanduú Ahabu garmoó Kolayawo, nee daanduú Sedekia garmoó Ma'aseya, kudá' kuungá' nu aaru'uumár lamtí kaahá' ar umuueé'. Anuú AAKOÓ MUNGÚ Aleesleemusmo, Munguú Israeli, inooín i haniís gawaá dabaá waawutmo Nebukadnesa oo Babuloni. Inós inooín gin tsuu/ dír ilaahúng wa alé.

YEREMIA 29:23

Inooín adoorí gin sleér, asma alsi'imu nguna tleehhiyé' baraá yaamaá Israeliro. Inooín fuqi kana tleéhh nee tlaawoó muu, nee lama kana tlaáq ar umuú AAKOÓ MUNGÚ, gár anuú AAKOÓ MUNGÚ ngaa bawiiká kana tlehhiít. Aníng tí a xuú', aníng a lamabu'usmo. Anuú AAKOÓ MUNGÚ tí ngina oó'.»

YEREMIA 36:2

«Kitaábu tataahheek axweesantadá' naa kuúngí aaiím sleémeero gooimeek, tidá' naa káh daanduú Israeli, daanduú múk Yuda nee daanduú xoordaá hatlá' sleémeero, tidá' naa aaiím iimidá' axweesani ngiwa iimu/uúm nee kuúng, qoomár waawutmo tawa Yosia ay laarí.

YEREMIA 49:18

Adoodá' gixsár Sodoma nee Gomora nee ayeemoodá inslaawaydá' kira hhitín, anuú AAKOÓ MUNGÚ tí ngina oó', hee tumu wák oo yaamuudá' wa hoót iri kaahh, laqaá tam oo baraadá' i deél i kaahh.

WA/AA/I 4:6

Sakwasleemár muk'eé' aa sláy ka ur, ta ak sakwasleemár múk Sodoma aa slayi, kudá' taa qororo'oós tam pa/ángw daba' kiri gáwtí tleesi kwaa slayká.

ESEKIELI 13:16

Gaarí a alhhe'eesoó aruuseedár Israeli aa aariin nee iigu'utuú wayda gwa aan daanduú Yerusalemuro, ala wayda iqo kaahh. Anuú Aakoó MUNGÚ tí aga oó'.»

ESEKIELI 13:19

Aníng kuungá' iga ló'wa /ooslisliindé' dír geeraá múk wa alé, as tsa/oó wák oo puuruú angaanoó shayiíri kuwa sleera' nee muruú /aymár niiná. Kuungá' múk tsu/utaro harimaaká una tsu/é', nee kudá' tsu/utaaro hariím una meeré' tsu/utaaro. Muk'eé' ugwa lameemaá babeeré', nee inooín lameemoohúng nga haratlinti'iyé'.›

ESEKIELI 22:25

Geeraharuuserhúng in /orótl adór dirángw makiito'ór aa óh ga /aáy. Muu ngun tsu/iyá' daqaari'iimár muu ngin hayoohiná' nee muruudá' tlaxo gawdene'. Faarór /ameenár kwaeeli ngin dogiitiyá'.

HOSEA 6:10

Baraá doó Israeliwo gár ni waak aga ár. Fuqi ana ár dír múk Israeli, nee inooín sleeme tiri kilooín slasla/areesiyé'.

AMOS 4:11

«Muu bahh'alé baraá tla/angwhunge una hhaamiís, adoodá' múk Sodoma nee Gomora ngura hhaamiís. Panaydá' aa meet baraá tla/angwhunge tay adór xwatsaatsír asla aa meetís. Ala tam adoorihe kuungá' naa amor'eéní ki/i'iiká. Anuú AAKOÓ MUNGÚ tí ngina oó'.

MIKA 1:5

Tí sleémeero i tleehharút as dakuúsár múk Yakobo nee as tlakweemaá múk Israeli. Xáy, dakuúsar múk Yakobo a milá? Ahaá, a gixsar'ín tidá' ur ar Samariároke? Xáy, tlakweemaá múk Yuda a milá? Ahaá, a gixsar'ín tidá' ur ar Yerusalemuúwoóke?

MIKA 3:11

Geeraharuuser'ín in waawuti'ii'iín as slukuma ngiwa slaya'. Kaahamuuser'ín an intsaahhatimís as bu'utu nguwa slaya', nee aaruuser'ín in aaririín as peésa ngiwa slaya'. Ala tam adoorihe AAKOÓ MUNGÚ ngun harahhifor'ín i qaminá', slám i kaahiya', «Ahaá, AAKOÓ MUNGÚ i káhhi tla/angwrene? Gár tlaakw ar atén ti aw i káhh.»

SEFANIA 3:4

Aaruuseerós a múk hasliitaaká nee a al/aymuuse. Kaahamuuseerós muruudá' hhohhó' oo Mungú ngwaa meetagaasiyé', dabér AAKOÓ MUNGÚ ngiri hhitiné'.

SEKARIA 13:2

AAKOÓ MUNGÚ aleesleemusmo i kaahi, «Baalaadár kilae aníng slaqsi'iidaá munguaá hatlá' in amór saáwí kwaáhh baraá yaamuwo, baraá inslawoó muko niri gunqaruutiyá', slám aaruusér lama an guús baraá yaamuwo nee qeeruú tlaakwe.

MALAKI 1:1

Kaangwí a axweesantá AAKOÓ MUNGÚ ar afkú aarusmo Malaki dír múk Israeliwo.

Matayo 11:24

Ala aníng kuungá' nun baw, bál deelór sakwasleemaro yaamaá Sodoma a tsiní sakwasleemar'ín ngiwa ilí oohiya', ta kuungae.»

DABE 32:32

Asma xa'anoó sabiíbuuín a xa'anoó Sodomár daáhh, dír kunguwa huúw a Gomora, sabiíbuuwós a sabiíbuú qarkú koóm, mamuuwós i qarqariyá'.

1 Timoteo 4:2

Intsaahhasarí amór i dahh a amór mukduú lamuuse. Afoodá' hho' ar baraá muner'ín aa hhitirút adór gár taa daá/ ar muqslír da/a/aam.

2 Petro 2:6

Nee slám Mungú gixsár Sodoma nee Gomora gari sakwasleemuút, gari daá/ ar asla, gari slaqsaay tleéhh oo dae tlaáq dír múk tlakwe, oo aluuká' wa i tláw.

Yuda 1:7

Múk gixsár Sodoma nee Gomora inslawaak sleeme, nee múk gixsadaá hatlá' awa bihheedií tsewen. Inooín sleeme adoodár malaykeedá' kana tleéhh, tsaatu'uuma kana eehár, ilatleerír tlakw baraá slaqooine ina baaliín, tam tsaatu'uumadár tlakw ar iringeé kana tlehhiít. Mukwí kwaa sakwasleemuút baraá aslá alhhe'eesoó koomaaká as tawa slaqsaay tleehhiti dír múk hatlae.

Geehhoeemaá 11:8

Nee tu'uuín kiri geexáy baraá loohidár gixsár ur. Gixsadá' baraá qeeruuwo umuuwós ta babay Sodoma nee Misri. Nee slám gixsarí an tidá' Aakooín kwi kikií' gawaá msalaába.

Geehhoeemaá 19:20

Makiito'oodá' kari óh dinkwa nee aarusmooduú lama. Aarusmoowí a kudá' tlehhema'aá waa/oo/amo gaa tlehhiit geeraá makiito'oodá' wa ale. Nee slám inós muu guna al/agín ar tlehhemi'iiwós kudá'. Múk taa al/aáy a kudá' layár makiito'o gaa ilaoh nee oo murslaaqatuú makiito'oodá' gwa i tumbarara'aat. Kuká' tsaraawo kiri slafi kwaáhh baraá tlawtadá' asla iwa ohahiin ar kiberiíti.

Geehhoeemaá 21:8

Ala mukduú da'ayuuse, nee kudá' naa haratlinti'ii'iiká, nee kudá' buhhtimisá', nee mukdá' múk tsuú/, nee múk fuquuse, nee da/aluuse, nee múk munguaá hatlá' haratlintaatií', nee lamuuse sleémeero, dir'ín a baraá tlawtadá' asltá kiberiíti iwa ohahiin. Gaarí an gwa'arár tsár.»

Geehhoeemaá 22:15

Amór tsee/aá gixsaro seeaawe i deer, nee da/aluuse, nee fuquuse, nee tsu/utuuse nee kuduú munguaá hatlá' haratlintaatií', nee mukdá' sleémeero axweesanoó lama gwa intsaahh axweesanto.