YEREMIA 23:12 - Biblía Axweesantá Hhohho' ar Mungú 2004

¹² Gawaá adoorihe, loohir'ín tí dir'ine a adór loohír tar ninkiriitsiti ay baraá giwti, tidá' inooín kiwa tliwii/i niri huuhu'uná'. Asma aníng i amotlakwérí huúw qoomár muxtar'ín birna xeér. Anuú AAKOÓ MUNGÚ tí ngina oó'.

YEREMIA 23:12 Iomraidhean Croise

YOBU 18:18

Kwa hingeés baraá gwa/aateemaawo, kuri kwaáhh baraá giwti, kuna guús kway saweés gawaá daanduú yaamuwo.

WARA'AMI 35:6

Loohir'ín i gip nee i ninkiritsimitiye', malaykamoó AAKOÓ MUNGÚ ngi alkon.

WARA'AMI 73:18

Looeemaawo, kuúng inooín i qás dír nikitsá koom, kiri dáhh nari hhaná'.

WARA'AMI 82:5

Ka xuiiká sleeme ka tsatsaahhanká, tan baraá qwanáy wa hoot. Iihhafiirír yaamu sleémeero in diingít, asma hotaá ganaa'á' i kahhiyá' baraá yaamuwo.

TI'INAANGW 32:34

Ala hám daxta, tláw, muu geerahareek ay didaádá' aníng kangós naa kuúng báw. Ga/aaweek, malaykamooeé' geeraawók gi haar. Tam adoorihe bál aníng birna amorhúng káw, li/aay u buú' as tlakweemaaín.»

AXWEESANOÓ SAGALOOA 4:19

Ala loohír múk tlákw a adór ma/amír aa qipit, Gár inooín gi gee/asliim ngi xuiaaká.

ISAYA 8:22

ga/aawaak, tam yaamu kiri xuuxuu', ala gár ta ari aqo slahh'amu, nee giwti nee ma/amír aa qipit, inooín kiri tliwii/ baraá ma/amír hhamhhám.

YEREMIA 11:23

Kurkú inooín ngiwa hhaamiis birna hardáh, aníng amotlakwe an huúw gawaá múk Anatoti, hee tumu wák oo meét i kaahh.»

YEREMIA 13:16

AAKOÓ MUNGÚ, Munguúhúng, diidi'iimisaak dír giwti ngira huwiiká nee dír tundura dukuutsiiká baraá tlom'aá giwa'a. Kuungá' gwa/aateema bira haraaxué', inós gin warqees tawa ma/mír aa qipit.

YEREMIA 48:44

Heé dae tlaqa gwa ilagoow in /eet baraá bohoongw, heé naa baraá bohóngw wa ti'iit tsaaxweeli gun ót. Aníng muruuwí ngu huúw dír múk Moabu, kurkú muxtar'ín bira xeér. Anuú AAKOÓ MUNGÚ tí ngina oó'.

YEREMIA 50:27

Slaqwaruuseerós tidár adór awe tsu/aak, mawaak i /eetiye' dír tsu/uta. Tsaxwaaín asma deelor'ín naa hardát, qoomar'ín ar muxta naa xeér.

YEREMIA 8:12

Kuungá' tunda mureekeési qoomár muruudá' ta waki kuwa tlehhité'. Aasla'áy, kaa mureekesiiká, tam mureekesoó niiná ngwaa slay'iiká. Gawaá adoorihe inooín i huuiyá' baraá tla/ángw mukdá' aa huuhu'un. Qoomár bira sakwasleemút ta hhán. Anuú AAKOÓ MUNGÚ tí ngina oó'.»

WA/AA/I 2:20

AAKOÓ MUNGÚ, ga/aaweek, nee areek, heé taa adór atén láq a heemá? Xáy, /ameena na/ii'ín kudá' naa umaaminé' gi qo /ága? Kaahamusmo nee aarusmo kin tsú/i baraá Do'dá' hhoohhoó' oo Aako?

MIKA 7:4

Tam kudá' hhoó' baraá tla/angw'ine a adór fuquráy, nee heé ganaá' baraá tla/angw'ine a adór yawtá laqeelo. Qooma naa hardát ar Mungú mukwí nguwa muxi, adoodá' xuumuuser'ín ngira geerií gurbuú', asma xuumuuser'ín a aaruuse. Mukwí qoomaarihe dae gway eér, nay amoqwaariyá'.

Yohana 12:35

Yesu iri oó', «Qoomár niinawe gwa/aateema i kumiitiyá' iwa gwa/aatiya' dirhunge. Hi'iimité' ar baraá gwa/aateemaaká', giwti munduwa ót. Asma hee bir baraá giwtír wa hi'iimiit, amór i kay ga xuiiká.

DABE 32:35

Li/aay a kwe'eé', heé gu buú' a aníng, qoomár ya'aaín birna ninkiritsimitiyé', asma deelor'ín ar amotlakwe naa xeér, alhhe'eesay'ín naa tseewúy.

1 Yohana 2:11

Ala heé hhiyaawós gwa aahh, i baraá giwti, slám i baraá giwtír wa hoot, ala amór i kay ga xuiiká. Asma giwti ilaawós gaa taampuúr.

Yuda 1:13

Inooín a adór gwaanduú tlawi, kudá' ila/aaro ta aleeslayká, mureewasler'ín ka geehhoo' adór sloorór gwaanduú baraá tlawi. Inooín a adór tsatse/uú tawó qwaqwadiím, kudá' dir'ín taa amohhe'eés baraá ma/ami ay alhhe'eesay wasle.