YEREMIA 23:11 - Biblía Axweesantá Hhohho' ar Mungú 2004

¹¹ AAKOÓ MUNGÚ i kaahi, «Aaruuse nee kaahamuusér Munguhe Mungú ngu ilaiwawa/iaaká. Tam ay baraá dooeene tlakweemaaín iga ár.

YEREMIA 23:11 Iomraidhean Croise

2 QOM'I 33:5

Kiteeraá ilahhooa kawa hanmiisi dír tsatse/ sleémeero gina tleéhh baraá afeenaadá' tsár ar Doó AAKOÓ MUNGÚ.

2 QOM'I 33:7

Slaqsaydá' aa tleéhh guna qaás baraá Doó AAKOÓ MUNGÚ, didá' Daudi nee garmaawós Solomon Mungú ngiwa báy, «Baraá do'owihe nee baraakaá Yerusalemuro, diirí ana tsawaár baraá tlahh'iikaá mibaá nee tsár awa Israeliro tawa dír aníng tiwa sluufmiisi ay alhhe'eesay wasle.

2 QOM'I 36:14

Tam kaahamuusér Mungú tidá' uren sleémeero nee muu sleémeero, niri inkihhimu wasleesiyé', asma tlehhmi'iidá' ta waki awa xoordaá hatlá' ngina eehariyé', tam doó Mungú nguri meetagaasiyé', kudá' inósuú kilá' aa hhoohhooeés oo baraá Yerusalemu.

ESRA 10:18

Baraá tla/ángw kaahamuusér Munguhe awa /ameenár xoordaá hatlá' nga duxuutiye' a kuká': Hhay Yeshua garmoó Yehosadaki nee hhaeewós, Ma'aseya, nee Elieseri, nee Yaribu, nee Gedalia.

YEREMIA 11:15

AAKOÓ MUNGÚ i kaahi, «Muk'eé' kudá' naa tsawaár i harína tawa dahi baraá dooeé' bar inooín tlakweema nga tleehhiyé'. Xáy, ngiwa xuiya' al'axweesani nee fu'unaá ilahhooár muruú ta tsu/i slahh'amu ngu hingeesía? Xáy, kaangwí giqo qwal/atísi?

YEREMIA 23:15

Gawaá adoorihe, anuú AAKOÓ MUNGÚ Aleesleemusmo daanduú aaruusér Yerusalemuro a kah, «Ga/aawaak, aníng in /aymiís ar xa'anoó qarqaár, ngiri wahaás ar ma'aá qarkú koomá'. Asma aaruusér Yerusalemu Mungú ilaiwa/ameero nguna geerií mayé', tleehhmuuwí iri tsiyaayaxaát baraá yaamuwo.»

YEREMIA 32:34

Inooín muruudá' ta waki nguna qaasiyé' baraá do'owí ta umuuér ateetin, nee nguri meetagaasiyé'.

YEREMIA 5:31

Aaruuse i lamtá aariiriín, kaahamuusér Mungú muu gun geeraharaahát ar sager'ín, slám muk'eé' adoodá' ga slaa'. Ala alhhe'eesoó tí birna xáy, adór ta /isa' a adoomá?

YEREMIA 50:6

«Muk'eé' a adór bee/ángw aa qwaar, kin qwaareemiis nee de'eemuuser'ín, kina gan'aás gawaá tlom'i, nin gawaá tloomarí wa tláy ay gawaá gongoamooqá', inooín slumtaín ngiri gunqareesiyé'.

YEREMIA 6:13

Inooín sleémeero iimír na/aá ninákw wa tleemu ay múk urén slaasláwár ganaa'aaká ngi tawo slaiyá'. Tam aaruuse nee kaahamuusero umuú heewo gaa a lama gan tlaaq.

YEREMIA 7:30

AAKOÓ MUNGÚ i kaahi, «Xwaylár Yuda tlakweema gaa tléhh dír ilaeene. Inooín muruuín kudá' án ni waak ngwaa baraá dooeé' i qaasiyé'. Dooeé' kudá' taa umuuér ateét ngway meetagaasiyé'.

YEREMIA 8:10

Gawaá adoorihe, tlaaway'ín un múk hatlá' i haniís, qamuuín in múk hatlá' i haniís. Asma iimír na/ií wa tleemu ay múk urene, umuú heewo a slaasláwár hariimaaká gan iinuus, nee iimír aaruusér wa tleemu ay kaahamuusér Munguhe sleémeero a lamuuse.

WA/AA/I 2:20

AAKOÓ MUNGÚ, ga/aaweek, nee areek, heé taa adór atén láq a heemá? Xáy, /ameena na/ii'ín kudá' naa umaaminé' gi qo /ága? Kaahamusmo nee aarusmo kin tsú/i baraá Do'dá' hhoohhoó' oo Aako?

ESEKIELI 23:39

Asma baalaadár kilae na/ii'ín ngiwa ilahhooár wa tsu/iyé' dír slaqsi'iidaá munguaá hatlá', nina hardihiyé' ay dír dooeé' kudá' hhoohhoó', ngway meetagaasiyé'. Adoorí an adoodá' naa tleehhiyé' baraá dooeé' wa ale.

ESEKIELI 44:10

«Ala múk Laáwi aníng iga geexáy, qoomár múk Israeli tiwa paraátl dir'eene as munguaá hatlá' ngiwa eehariyé', aníng múk Laáwi u muúx.

ESEKIELI 7:20

Asma inooín xirfuú gaa wásl nguna tleehhiyé' ar miislidá' hhoohhoo'. Slaqsa'aá munguaá hatlá' kudá' iga buhhtisiye', dinkwa nee muruuín kudá' alsi'ime, muruuwí sleémeerowo dir'ine un meetagaas.

ESEKIELI 8:11

Nee dír geeraá slaqsi'iikae bariise mibeeri faanqw ar múk Israeli, taa didií sihhiít dinkwa nee Ya'asaniya garmoó Shafani. Umuú heewo dakose i hhaansoó kón, nee quuír muruudú mooyángw tsuú' iri tsa/aán gáwtí alé.

ESEKIELI 8:16

Naagáy aníng iri huúw ay dír afeenír Doó AAKOÓ MUNGÚ, didár afkú Doó AAKOÓ MUNGÚ, dír tla/ángw matla/aangw nee kitángw ilahhooa. Naxés hhawaataá mibeeri tsár nee kooán i didií dirii'iyá', Doó AAKOÓ MUNGÚ ngwa alaá xu'usiyé', gur'er'ín kaa da/aáw xu'ús, ta tse/amuú firirín, gur'e a da/aáw.

SEFANIA 3:3

Geeraharuuseerós baraawose a adór direeraá aahhamiimá', mukdá' kwasleemadaá tlaáq a adór taweruú tsiindo, gár i meetimisiyá' i káhh tam ar niiná.

SEFANIA 3:4

Aaruuseerós a múk hasliitaaká nee a al/aymuuse. Kaahamuuseerós muruudá' hhohhó' oo Mungú ngwaa meetagaasiyé', dabér AAKOÓ MUNGÚ ngiri hhitiné'.