YEREMIA 23:10 - Biblía Axweesantá Hhohho' ar Mungú 2004

¹⁰ Asma yaamu naa hatsiyé' fuquseero, yaamu i tsuunqumiisiyá' asma lo'o, qawtantaín ar baraá darma aa kát. Tlehhma'aá muu ki ló'wa tlakw, /uuruuín kun ar gadiyuus ar adór qoomaaká.

YEREMIA 23:10 Iomraidhean Croise

ESRA 10:18

Baraá tla/ángw kaahamuusér Munguhe awa /ameenár xoordaá hatlá' nga duxuutiye' a kuká': Hhay Yeshua garmoó Yehosadaki nee hhaeewós, Ma'aseya, nee Elieseri, nee Yaribu, nee Gedalia.

WARA'AMI 107:34

yaamaá xawuú koomá' giri warqeés tari hhapér diwi, asma múk tlákw oo baraadá' hoót.

ISAYA 24:6

Gawaá adoorihe lo'o yaamu gaa /ák, nee yaamuloouusér baraá yaamu ka slahh'eemiis as tlakweemaaín. Gawaá adoorihe yaamuloouusér baraá yaamu aa /aaruúr, nee múk niiná kilós ina meét.

ISAYA 5:18

Tsaxwaaín kudá' dakuúsár uuruxuumá' ar himuú lama, awa tlakweema ngi uuruxuumá' ar himuú gaári,

YEREMIA 12:11

Ngina darma tleehhiyé', gár i koon i káhh geeraaeene. Yaamu sleémeero a xaanxaay, slám heé ga gaárií xuú' i kaahh.

YEREMIA 14:2

Múk Yuda i tsuunqumiis, afér gixsaduuín aa sololo'ót, mukós aa yaamií huuhu'ún ta tsuunqumiis, nee múk Yerusalemu ta gáwtí tsee' /aa/eewo.

YEREMIA 6:13

Inooín sleémeero iimír na/aá ninákw wa tleemu ay múk urén slaasláwár ganaa'aaká ngi tawo slaiyá'. Tam aaruuse nee kaahamuusero umuú heewo gaa a lama gan tlaaq.

YEREMIA 7:9

Kuungá' a fisisiindá', a tsu/utá', a fuqusá', lo'ór lama an /agá', mooyángw tsuú' un da/a/aandá' dír Ba'ali, nee munguaá hatlá' awa xuaawaslen kiri eehadé'.

YEREMIA 9:10

Aníng an /aa/aá áw gawaá sagér tlom'i, nee an tsuunqumiís as qawtantá hikwa ar baraá darma, asma yaamu naa xaanxay tleehhitiyé', tam gár baraadár waaraahh i káhh. Baraadae afór hikwa a axaská nee ar tsir/ooro, nee ar makaá sla/to, asma sleémeero naa diyaa/atiyé'.»

YEREMIA 9:12

Heé sagaloó' i deéro oo muruuwí tsaahharo gu aleesláw? Heé AAKOÓ MUNGÚ aa i axweés a heemá as kaangwí nguwa alki/iiti dír múk hatlá'? Ahaá waáy, gár yaamu nisa adoorír gwaaiyé', niri deewaiyé' tam gár baraadár waraahh iri káhh?

YEREMIA 9:2

Masók dír hotaaeé' baraá xaanxaywo i deer tidá' aauuse i qaqatatiin. As muk'eé' nguwa geexaw nari diya/aát, asma inooín sleémeero an fuquuse, nee múk nee /aytuuse dinku'uumisá'.»

HOSEA 7:4

Inooín sleémeero a fuquuse, a adór asltá taa slaáx nee huuruso'o, iri puuruú lufuu/ár eér, asla gari meér gutlhhuungo ay dír puuruúdá' i sluufi.

Yoeli 1:10

Qamu naa hhitruutiyé', yaamu i tsuunqumisiyá', asma balaangw aa hhitruút, nee sabiíbudá' ta difaáír ar tlehhiiti aa káh tam di/i i káhh sleeme.

TLAHHOÓ LAÁWI 5:1

«Hee barnaxes kwaa ateét dír kwasleema as lamabu'uungw nguwa duuxi daanduú gár aa ari, laqaá ar aa axaasi, ala inós iri sií' ooaro, heewí adoorihe aa dakuús, gár kuwa hariím aqo kun doohhiis.

SEFANIA 3:4

Aaruuseerós a múk hasliitaaká nee a al/aymuuse. Kaahamuuseerós muruudá' hhohhó' oo Mungú ngwaa meetagaasiyé', dabér AAKOÓ MUNGÚ ngiri hhitiné'.

MALAKI 3:5

AAKOÓ MUNGÚ Aleesleemusmo i kaahi, «Aníng kuungá' nun i tseewúw as nuwa sakwasleemuut, aníng tay lamabu'usmoó inslahhúw daanduú da/aluuseero, nee daanduú fuquuseero, nee daanduú kudá' lo'ór huwahuuwá' ar lama, nee daanduú kudá' sagadiyuuser'ín ngi baramaanuusá' baraá slaasláwar'ine, kudá' kwaalo'o nee panmo ngi baramaanuusá', kudá' hariímár /eetusmo ngi /ititimá', tam aníng i da'ayumitiaaká.»

1 Timoteo 1:10

Nee kana qaás as fuquuse nee as hhawaateedá' fuquusá' nee hhawaataá hatlá', laqaá /ameenár fuquus nee /ameenár hatlá', nee slám kana qaás as mukdá' muu gu halaanu'uumárár tlehhiít nee lamuuse, nee mukdá' tawó lo'ór huwahuúw. Nee hara'aya kana qaás as daanduú umuúqo /aymuuwo oo nee intsaahhasár ló' ti slaslaawa'aaká.

Ebrania 13:4

Muu sleémeero duuxo ngi ilaiwawa/i. Hhawaata nee hareerós masók a múk inkihhimuú koóm baraá duuxor'ine. Asma Mungú fuquuse nee tsaatuuseero gi sakwasleemuut.

Yakobo 4:4

Kuungá' fuquúse, kuungá' kaangwí u xua'aakáhe? Hee bar mulqumoó múk aa haratlintii'iiká, inós a wakusmo dír Munguhe. Gawaá adoorihe heedaádá' mulqi'iimár tlehhiít dír múk aa haratlintii'iiká, inós tin wakusmoó Mungú tlehhiit.