YEREMIA 22:3 - Biblía Axweesantá Hhohho' ar Mungú 2004

³ Anuú AAKOÓ MUNGÚ a kah, ‹Muruú ganaá' nee oo qoóm tlehhiitaak. Heé taa daqaari'iima hayóh /iisaak dabaá múk /aytuuseero. Muu mu slahh'eemisaara' nee dahaayeero, tam na/aá panaay nee kwaeeliwo. Tam tseerdaá múk dakuús wásl mi diirí ku'umiisara'.

YEREMIA 22:3 Iomraidhean Croise

2 SAMUELI 23:3

Munguú múk Israeli iri oó', tlaa/ár múk Israeli ina beér, ‹Hee bar muu ngwa sawaawuti'ín ar gan'amu, baraá waawuti'iimarose bar Mungú ngwa ilaiwaá/,

2 WAAWITÁ 24:4

nee sleeme asma inós baraá Yerusalemuro tseerdaá múk dakuús wásl gina ku'uús. Ala AAKOÓ MUNGÚ tlakweemaadá' gaa slaiiká ngiwa gurtlay.

YOBU 22:9

Kwaeeli ina afér kaaharén ar watlís, nee panaay una /ít gadiyér dabaawoge.

YOBU 24:9

Kookariya' i dayá' awa na/oó baabá wásl ngu dír isángw wa hayoohá', na/oó narkutmo nguri arhaánír wá qaasiyá'.

WARA'AMI 68:5

Mungú baraá do'ós kudá' hhoohhooe an baabuú panaay nee har'ohusmoó kwaeeli.

WARA'AMI 82:4

Liitlakuuse nee múk alee/isoó slaá' tu/aak, tu/aak baraá dabaá tlakuuseero.»

WARA'AMI 94:21

Kudá' múk ganaá' gu tsu/utár wa slaá', kudá' múk dakuús wásl gu sakwasleemár gwa'arár i tlaáq.

WARA'AMI 94:6

Inooín ta kwaeelaá tsuu/ nee dahaayeero, panaay kun tsuu/ sleeme.

TI'INAANGW 22:21

«Dahaaymo mu baramaanusaar laqaá mu slahh'eemisaar asma kuungá' aáng sleeme dah'iima ana /agé' baraá yaamaá Misriro.

TI'INAANGW 22:22

Kwaalo'o ma slahh'eemisaar, laqaá na/oó panmo.

AXWEESANOÓ SAGALOOA 23:10

Digmuduú yaamu taa iimír aáng wa qaás mu warqeesaar, tam qamaá panaay mi haradaraahaar.

AXWEESANOÓ SAGALOOA 6:17

Xumsór daara/aangw, nee afkú lama gaa intsaahh, nee dabaá tseerdaá dakuús wásl ngi ku'umiisá'.

ISAYA 1:23

Geeraharuuseerók a dee/aanuuse nee mulqér fisuuse. Umuúqo heewo gár i slai a slukma. Nee qeemu gun alti'ii'ín. Panaay ku aleeslaqwiiká, nee kwasleemár kwaalo'o ka dir'ín i huwahuwiiká.

ISAYA 58:6

Gwaawitór aníng ni slaa' a tí: Mukdaádá' taa tawo tsegiít kuwa gweda' him'eedá' muu kura tsegiít kawa gweda'. Mukdá' ta baramaanuusi amohhooa ngiwa slay, nee umuú taaqwanto kawa giqeera'.

ISAYA 58:7

Gwaawitór ló' an tí: Múk qwariít kuwa /aymisa', nee narkuutér maraá koomaaká kawa dah'isa'. Múk tlabaá koomaaká kuwa tsiitisa' nee mar'eefoowók kiwa alee/is.

YEREMIA 19:4

Asma mukwí aníng iga geexáy, nee yaamuuká' nga meeta gaasiyé' ar da/aa/ángw mooyaangw dír munguaá hatlá', munguiidá' inooín nee baabi'ii'ín, laqaá waawitaáín ta baloó xuiiká. Nee sleeme yaamuuká' nga hatsiisiyé' tseerdaá múk dakuús wasle.

YEREMIA 21:12

Kuungá' múk doó Daudi, anuú AAKOÓ MUNGÚ an kah, ‹Gan'amu matlaatleero tseewa tleehhaak. Heé taa daqaari'iima hayóh /iisaak dabaá múk /aytuuseero. Laqaá bar adooriheeká, buhhtaaeé' i adór asltá wa oohiyá', nee heé gaasaro ga aleesláw i kaahh, asma tlehhmi'iihúng kudá' tlakw.›

YEREMIA 22:17

Ala kuúng ilaawók nee muunaáwoge in tlam/aán baraá slaasláwár hariimaaká. Múk dakuús wásl una tsú/, muu kuri baramaanús nee kuri /aytiín ar gurtleemu wasle.

YEREMIA 26:16

Naagáy, geeraharuuse nee muu sleémeero, kaahamuusér Mungú nee aaruuseero kiri báy, «Heewí dakuúsár aa tleéhh ar iwa gaasár wa harin i káhh, asma nina dirén i axweés ar umuú AAKOÓ MUNGÚ, Munguúrén.»

YEREMIA 5:28

An gár inooín tasa wahhadiít niri hhohhoaa'ayé'. Muruú tlákw tlehhtuuwo harqoomaay ngu xuiaaká. Sakwasleema ngi adór ganaá'ár tlehhitiaaká, na/aá panaay ki hariímar'ín i hanmisiiká, laqaá tam gan'amuú múk aa waasla'amuut ku aleekal/anká.

YEREMIA 7:23

Ala aníng hara'ayaarí ana dir'ínií oó', ina báw, ‹Afor'eé' iialooeesaak, daqaní aníng tari Munguúhúng nee kuungá' tari muk'eé'. Adoodá' nura hara'ayiím ar hootaak, adoorí tari hhooa dirhunge.›

YEREMIA 9:24

Hee birti xirfayeemiis ti xirfayeesi as tí: Aníng iwa xui adór tar AAKOÓ MUNGÚ kudá' sla'aari warqawaaká, nee sakwasleemár ganaa' ga tlehhiít, nee hotaá gana'á' gi slaá' baraá yaamu. Asma muruuwí aníng i sla'atamis. Anuú AAKOÓ MUNGÚ tí ngina oó'.»

WA/AA/I 3:36

laqaá axweesantá hee bara isa mút baraá kwasleemaro, Aako muruusíng gu slaiiká.

ESEKIELI 18:12

narkuute ga hara/untsiitsín nee múk litlakwene, i fisiisín, iinár hee ga buiiká, slaqsi'iidaá munguaá hatlá' gi haratlintatii', nee muruú buhhtamís gu tlehhiit,

ESEKIELI 18:7

barnaxes hee gu /aytinká, nee gár hee birnga kiriík ga ki/imis, bar muruú muu gu malguusiiká, ala muruú /aymaaro múk qwariít gun qaqáy nee kudá' tlabaá kooma'aaká gi tsiitmiis,

ESEKIELI 22:7

Baraawoge baabá nee aayí kin waaqaqaa'. Heé dahaaymo oo baraasíng hoót aqo kun mura' hayoh. Na/aá panaay nee /ameenár kwaeeliwo kin baramaanuus.

ESEKIELI 45:9

«Anuú Aakoó MUNGÚ a kah, Kuungaá geeraharuusér Israeli, kuungá' tlakweemaá yaariir iga ló'wa tlehhé'! Muruú tlákw mawaak nee /ayta ma tlehhitara'! Muruú ganaá' nee oo hariím tlehhitaak. Muk'eé' mu gusisimaara' baraá yaamuuine. Anuú Aakoó MUNGÚ tí aga oó'.

Yoeli 3:19

«Misri iri taangu tleehhít, nee Edomu tari xaanxaay, asma /aytadá' taa múk Yuda i tleéhh, asma tseerdaá múk dakuús wásl ngina baraá yaamuuíní ku'uusiyé'.

TLAHHOÓ LAÁWI 19:15

«Bar kwasleemár tlaqá', tlaaqaak ar gan'amu, narkutmo mu barqantuusara', tam heé ilaiwa/amér koóm mu da'ayumiitara'. Ala a gár hariim inslaawmo kuwa sakwasleemár ganaá' i tlehh.

AMOS 5:15

Tlehhma'aá tlakw aahhaak, awa hho' sla'aak, sakwasleemár gan'amu tleehhaak baraá tlahh'iihúng awa kwasleemaro. Doóqa AAKOÓ MUNGÚ, Munguú Aleesleemusmo guruuwós i tláy as panoó múk Yosefu.

AMOS 5:24

Gimsé', daxta sakwasleemár ganaa' ni wa/ adór duxuú ma'áy wa alé, nee hotaá ganaa'á' masók a adór yaaér baloó /oomaaká.

MIKA 3:11

Geeraharuuser'ín in waawuti'ii'iín as slukuma ngiwa slaya'. Kaahamuuser'ín an intsaahhatimís as bu'utu nguwa slaya', nee aaruuser'ín in aaririín as peésa ngiwa slaya'. Ala tam adoorihe AAKOÓ MUNGÚ ngun harahhifor'ín i qaminá', slám i kaahiya', «Ahaá, AAKOÓ MUNGÚ i káhhi tla/angwrene? Gár tlaakw ar atén ti aw i káhh.»

MIKA 6:8

Aá heewí, AAKOÓ MUNGÚ gár kuúng wa hariim tlehhmuuwo ngaa laqán. AAKOÓ MUNGÚ gár i slai a tí: Gan'amu kuwa tlehh, hhooeema kiwa sla', nee tawa hot dinkwa nee Munguúwók ar tiwa niinaweemis dír geeraawose.

MALAKI 3:5

AAKOÓ MUNGÚ Aleesleemusmo i kaahi, «Aníng kuungá' nun i tseewúw as nuwa sakwasleemuut, aníng tay lamabu'usmoó inslahhúw daanduú da/aluuseero, nee daanduú fuquuseero, nee daanduú kudá' lo'ór huwahuuwá' ar lama, nee daanduú kudá' sagadiyuuser'ín ngi baramaanuusá' baraá slaasláwar'ine, kudá' kwaalo'o nee panmo ngi baramaanuusá', kudá' hariímár /eetusmo ngi /ititimá', tam aníng i da'ayumitiaaká.»

Matayo 23:23

«Ala kuungaá intsaahhatuusér hara'ayár Mose nee múk Farisayo, awa hhaahhafuuse, a tsaxwaahúng. Asma kuungá' ilahhooár manákw nee daantláy nee piripíri an hanmaamisá', ar wák baraá mibaango tawa ar Mungú, ala muruú urén oo hara'aya ugwa meeré', adór hotaá ganaa'á' nee gurtleemu nee haratlintaao. Gár kuungá' tunduwa hariím aqo muruuwí un tlehhá', ala muruuquú hatlá' sleeme mu mawaara'.

DABE 10:18

Inós gan'amu guna tlehhiít dír na/aá panaay nee kwaeeli, inós sleeme heé dahaaymo gun slaa', nee guri muruú /ayma nee tsitáy hanmiis.

DABE 24:17

«Kwasleemár hoomoó ayaahúng hoót ma paslisara', nee ar na/aá panaay. Kuúng tlawuú kwaalo'o mu arhaánír wa oohaar.

DABE 24:7

«Hee barnaxes hhiyaawós oo Israeli gwaa fiís, nee guri lawaalmoowós tleéhh, laqaá burgwa weeriís amór lawaali'iima, heé adór kwí a fisusmo, i harín kuwa gaasi. Adoorí an adoodá' tlakweema kir hingeesa' baraá tla/angwhunge.

DABE 25:1

«Barnaxes múk tsár taa áy tari kwasleemár áy, har'ohuuse qaa/ay'ín ngu tsat, heé gan'amuú koóm gana'amuwós ngu slay, nee kuduú dakuúsár koóm ku sakwasleemuuti.

DABE 27:19

«Umuúqo heé hariímár hoomoó ayaahúng hoót, laqaá ar na/oó panmo, laqaá ar /ameenír kwaalo'o gaa paslis, kwaa lu'ús.» «Nee muu sleémeero ta ooi, ‹Amin.»

Yakobo 1:27

Diínír hhoohhoo', ar slasla/areeká dír geeraá Mungú Baabahe, a tí, panaay nee /ameenár kwaeeli kiwa amohhe'eemisa' baraá slahh'amuuine, nee kuungá' tiwa harmagahha' nee tlakweemaá yaamu.