YEREMIA 22:25 - Biblía Axweesantá Hhohho' ar Mungú 2004

²⁵ uri haniís dír mukdá' kuúng u gaasár wa slaá', nee dír kudá' kuúng ta ló'wa da'ayuumit, tam baraá dabaá Nebukadnesa, waawutmoó Babuloni, nee baraá dabaá múk Kaldayo.

YEREMIA 22:25 Iomraidhean Croise

2 QOM'I 36:10

Alaá kurkú wák iwa waaraáhh waawutmo Nebukadnesa mukós guna ya/aáw Yehoyakini kuwa huwi baraá yaamaá Babuloni dinkwa nee xosluudá' tlaxo uren ar Doó AAKOÓ MUNGÚ. Sedekia hhiyoó Yehoyakini guri waawutmoó Yuda nee oo Yerusalemúr wa qaás.

AXWEESANOÓ SAGALOOA 10:24

Gadaádá' heé tlaákw i da'ayumiti gu sleér, heé ganaá' gadaádá' i slai ka haniis.

YEREMIA 21:7

Anuú AAKOÓ MUNGÚ an kah, «Aluuwo kuúng Sedekía, waawutmoó Yuda, sagadiyuuseerók nee múk baraá gixsarí diriia, kudá' pu/i a meetís nee qwari nee slaqwara, aníng in haniís baraá dabaá waawutmo Nebukadnesa oo Babuloni, nee baraá dabaá wakuuserhúng, tidá' kuungá' nu slakaat. Kuungá' Nebukadnesa nun tsuu/ ar paánga, nee nu baloó gurtlayká, laqaá nu geemayká, laqaá nu ilamuruutiiká, anuú AAKOÓ MUNGÚ tí an káh.»

YEREMIA 22:28

Xáy, heewí ta bay Konia a adór hutloó aa gwaái kudá' ta waaqaaqai nee kuri kwaáhh tsee/ií alé? Ahaá waáy, inós nee na/iiwose gár kisa amór saáw i kwaáhh, baraá yaamaá i xuiiaaká?»

YEREMIA 27:6

Hám daxta yaamuuká sleémeero iga haniís dír sagadiyusmoeé' Nebukadnesa, waawutmoó Babuloni, tam sleeme makaá sla/a iga haniís as nguwa sagadiyuusiya'.

YEREMIA 38:16

Waawutmo Sedekia lo'o gari geeraá Yeremia wa /aáy ar naaqo, iwa kaahi, «Adoodár AAKOÓ MUNGÚ ir hotaatina, aníng kuúng u gaasaaká, laqaá u dabaá múk u slahh'eemiís i qaasaaká.»