YEREMIA 22:20 - Biblía Axweesantá Hhohho' ar Mungú 2004

²⁰ Kuungá' múk Yerusaleému, tsa/amé' gawaá Lebanoni, /aa/é', aforhunge tsee'é' amór Bashanír wa alé, /aa/é' amór tloomár Abarimu wa alé, asma sla'aaruuseerhúng sleémeero kaa hhaamiís.

YEREMIA 22:20 Iomraidhean Croise

2 WAAWITÁ 24:7

Waawutmoó Misri aa malé haratlayká amór yaamaá Yuda, asma waawutmoó Babuloni yaamu sleémeero kudá' aáng taa sawaawuti'ín nee waawutmoó Misri gina hayóh iimír yaaér Misrír wa tleemu ay yaaér Eufrate.

ISAYA 57:13

Qoomár bar /aa/amiindá', gimsé' kár ala munguiihúng awa slaqsi'i kwisiingá' taa burumburiindé' nu tu/iye'. Fur'a gin amór saáw i ufáhh, tam hiinsluú hee gin amór saáw i puruuts. Ala heé naa amor'eé' goow yaamu gi aal, nee tloomar'eé' tidá' hhoohhoo' tari tós.

YEREMIA 2:25

Múk Israeli, kuungá' ya/ataahúng hi'iitanoro mindiwa tawo faakiyé', laqaá hheehharók miwa tawo kát! Ala kuúng a kat, «Harahhifo i káhh tam ar niiná, asma munguaá múk hatlá' ina ló'wa slaá', aníng inooín in eehár.»

YEREMIA 2:36

Ahaá waáy, gár tisa adoorír inslaahhés, tleehhmi'iiwók kis adoosír warqeemis? Tu mureekees nee múk Misri adoodá' tura mureekeés nee múk Ashuru.

YEREMIA 2:37

Nee slám ni amoodá' wa kí/ daba' kiwa gawaá ságw i qás as mure. Anuú AAKOÓ MUNGÚ kudá' kuúng ta haraxu' aníng iga sií', slám alee/isay'ín gár uwa bui i káhh, ala kuúng alee/iisaro u aleeslayká.

YEREMIA 22:22

Geeraharuuserhúng ka haritlees nee fur'a, mulqerhúng karir tláy baraá loohaay, daqaní kuungá' tari muruta', nee tari amoqwaqwadiindá', asma tlakweemaahúng kudá' taa tlehhé'.

YEREMIA 25:9

aníng daxta xoordu sleémeero awa /iikú dahhá', dinkwa nee sagadiyusmooeé' Nebukadnesa, waawutmoó Babuloni, ngin huúw as yaamuuká' ngiwa ii haraatlaya' nee múk baraakií dirií', dinkwa nee xoordaá inslaawaay sleémeero. Inooín aníng in hhaamiís ló'wa alé, nee ngiri gár dae tlaaq tleéhh, kiri waaniqín, nee kiri waaqaqaa' ay alhhe'eesay wasle.

YEREMIA 3:1

Barnaxes hee hareerós gaa talaákárií haniís, inós guri geexeér, hhawaatuú hatlá' gari duúx, iqo kí/a dír heedaaduú geera? Yaamu kiqo ló'wa meetagaasiikáhe nee tlehhmuusíng? Kuungá' tsaatu'uumár yaariir aga tlehhé' nee mulqér yaariir, hám daxta niqo tsuwá amor'eénií ki/á'a?

YEREMIA 4:30

Kiíng Yerusalemu taa tawo geexáy. Gár tlabaá kal'aá da/aten kis dahas? Gár tis parootus ar sahaábu a milá? Nee gár hhamhhamaá ilaawók kis qaaliin? Tin tawo parootús. Sla'aaruuseerók iga qaroó waaqá', nee inooín gár i slaiya' in gaasiyá'.

WA/AA/I 1:19

«Sla'aaruuser'eé' ana ateét ala aníng ina al/ayiyé', kaahamuuser'eé' nee bariiseero nina baraá gixsárí hhané', qoomár niwa muruú /aymár leelehhitiya' as tiwa tu/iya'.

WA/AA/I 1:2

Inós xweeraawo in /aa/amaamiín as slahh'amu, hhirhheeri nin gororoxeeliná' gawaá tlaaqarmaawo, baraá tla/ángw sla'aaruuseerós sleémeero oo gaa gurkwa/as i kaahh tumu wák. Inós kaa al/aáy nee mulqeerós sleémeero, inooín naa wakuuseerós tleehhitiyé'.

ESEKIELI 23:22

«Hám daxta kiíng Oholiba, anuú Aakoó MUNGÚ a kah, ‹Aníng sla'aaruuseerók tidá' aáng taa geexeér ar aahhi ngi kiíngí tleés, ngi huúw iwa i haratleer bihhe sleémeerowo.

ESEKIELI 23:9

Gawaá adoorihe aníng inós ngiri haniís dabaá sla'aaruuseerós tidár Ashuru, tidá' inós aa ló'wa slá'.

ESEKIELI 27:6

Xaa'aá ti'ita kina leéhh Bashanírí alé, kiri hhaansi'ír tleéhh awa miringe madit. Nee xooslár slaqwara kana tleéhh ar xa'anoó ta bay sunobaárí Kiprór daahh, nee kari qaalín ar xareemaá daawe.

FAARO 27:12

AAKOÓ MUNGÚ Mose guri báy, «Tsa/ám gawaá dindirmoó tlom'aá ta bay Abarimu, yaamuudá' naa dír xoorór Israelírí haniís xuuxuueek.

DABE 32:49

«Tsa/ám gawaá tloomár Abarimu, tloomár Nebo, tidár baraá yaamaá Moabu, tidá' nee gixsár Yeriko ti ga/aawá', yaamaá Kana'ani xuuxueek, kudá' ni aalír wa haniis dír múk Israeli.