YEREMIA 22:18 - Biblía Axweesantá Hhohho' ar Mungú 2004

¹⁸ Gawaá adoorihe daanduú Yehoyakimuwo garmoó Yosia, waawutmoó Yuda, AAKOÓ MUNGÚ i kaahi, «Qoomár bira gwaá', heé gu sa tsuunqumiís i kaahh, oo káh, ‹Uúw, laá hhiyaeé'!› Laqaá, ‹Uúw laá hho'or'eé'!› Heé gu sa /aá/ i kaahh oo káh, ‹Oóyéy laá aakooeé'!› Laqaá ‹Oóyéy laá waawutmooeé'!›

YEREMIA 22:18 Iomraidhean Croise

2 SAMUELI 1:26

Hhiyaeé' Yonátan, aga gurhaamuút as kuúng. Án nee kuúng tin oohaán baraá hotarene, sla'aarirók dir'eene a gár waa/oo/amo, a gár waa/oo/amo ta sla'aarír /ameeni ba/a.

1 WAAWITÁ 13:30

Inós tuuaadár heeduú Mungú gari foól baraá /aantaarós, inós nee daaqaywós ngway satsuunqumisiyé' tawa kaahi, «Ooyeé! Hhiyaaeé'!»

2 WAAWITÁ 23:36

Yehoyakimu waawuti'iima ngiwa iimu/ún kureeriiwós a mibeeri tsár nee kooán, inós baraá waawuti'iimaro kureeri ngaa /aáy a mibaá nee wak baraá Yerusalemuro. Umuú aayoorós a Sebida dasír Pedaya kuduú Ruma.

2 WAAWITÁ 23:6

Inós Ashera gana hingeés baraá doó AAKOÓ MUNGÚ wa alé, gari kwaáhh tsee/aá Yerusalemu ay Kidroni, gari daá/ baraá xatstá Kidroni, gari naasúy, giri adór teeri tleéhh, teeridá' gari kwaáhh gawaá /aantá muu.

2 WAAWITÁ 24:6

Yehoyakimu iri gwaá', nee garmaawós Yehoyakini iri kitaangós wa waawuti'ín.

1 QOM'I 3:15

Daaqoó Yosia a kwí tsiyáhh: Yohanani a garmoó baris, oo tsár a Yehoyakimu nee oo tám a Sedekia, oo tsiyáhh a Shalumu.

2 QOM'I 35:25

Aarusmo Yeremia daa'ángw tsuunqumis gway daá' as daanduú waawutmo Yosia. Daauusér hhawaate nee /ameenaaro sleeme Yosia kuna satsuunqumiís ar daa'aangw ay laarí. Adoorí iri dawa tleehhít baraá Israeliro. Daa'angwí dír kway gooín a baraá kitaábuú tsuunqumis.

2 QOM'I 36:5

Yehoyakimu waawuti'iima ngiwa iimu/ún kureeriiwós a mibeeri tsár nee kooán, ina baraá Yerusalemúr wa waawuti'ín kureeri mibaá nee wak. Inós tlehhma'aá tlakw gina tleéhh dír geeraá AAKOÓ MUNGÚ, Munguúwose.

YEREMIA 16:4

‹Mukwí i qaatl ar tiqtír pu/i nee heé tsuunqumiís i kaahh, laqaá heé gi foliít i kaahh. Tu'uuín nin tlufaafuiyá' adór tsuunkáy daanduú yaamuwo. Mukwí ku hhaamiis ar paánga nee qwari, nee tu'uuín a muruú /aymár tsir/o nee makaá sla/a.› »

YEREMIA 16:6

Sleémeero múk urén nee oo ninakwe, i qatliyá' baraá yaamuukae, ki foliitiiká, laqaá heé gi satsuunqumiís i kaahh, laqaá oo ti yaamúr slaáhh, tam oo sagós gu deéqw as gwa'ara i kaahh.

YEREMIA 21:11

Múk doó waawutmoó Yuda ku beer, «Axweesantá AAKOÓ MUNGÚ iiárií qaasaak.

YEREMIA 22:10

Heé aa gwaa' mu sa/aa/amiimara' laqaá ma tsuunqumisaara' as gwa'ararós, ala kudaádá' tar tlay amór saaw na sa/aa/amiimaak, asma inós i malé ki/iiká, yaamuuwós ngiwa malé ari.

YEREMIA 22:12

ala in gwaa' amoodár kilá' kway huúw baraá lawaali'iima. Tam ado gaalá yaamuuká' gi baloó ariiká.»

YEREMIA 34:5

Ala kuúng a gwá' ar wayda, adoodá' baabi'iiwók kira mooyángw tsuú' i da/aa/án, nee adoodá' waawitaádá' diroge aa giirin kura mooyángw tsuú' i da/aa/án, kuúng sleeme tu adoodá' /iis. Kuúng tu sa tsuunqumiis, nee tawa kaahi, ‹Ooyeey, waawutmoorén aa gwaá'!› Asma anuú AAKOÓ MUNGÚ kangwí nguna oó'.»

YEREMIA 36:30

Gawaá adoorihe anuú AAKOÓ MUNGÚ daanduú Yehoyakimu waawutmoó múk Yudawo, a kah, ‹Baraá xwaylarose heé iwiít baraá kitángw waawuti'iima oo Daudi i kaahh, nee tuuaarós kan kwaahh tsee/amá gari láy tlaatla/aango nee xweeraawo daqtamo gari diif.