YEREMIA 22:15 - Biblía Axweesantá Hhohho' ar Mungú 2004

¹⁵ Xáy, kuúng kawa xu', tuna waawutmoó wa qaási as do' kuwa tlehh ar xaa'aá sahhta? Baabuúwók ina /ayín nee iri wahán, muruú ganaá' guri tlehhiít, iri hoót ar hotaá ganaa'á'. Umuú gaaro iri ya/aán dirose.

YEREMIA 22:15 Iomraidhean Croise

2 SAMUELI 8:15

Gawaá adoorihe Daudi iri waawuti'ín daanduú múk Israeli sleémeero, gari ara hhe'eés adór mukós sleémeero kur gan'amií tlehhiiti adoodá' kus hariím.

1 WAAWITÁ 10:9

I xirfuuti AAKOÓ MUNGÚ, Munguúwók kudá' gaa slaa' kuúng uwa qaasi waawutmoó múk Israeli wa alé. Asma AAKOÓ MUNGÚ múk Israeli gwaa ló'wa slaá' ay alhhe'eesay wasle, hám kuúng ugwa waawutmoó wa qaás, as kwasleemár ganaa' kawa tlehhit, nee hotaá ganaa'á' kiwa ar hot.»

2 WAAWITÁ 22:2

Yosia adór ganaa' gana tleéhh, AAKOÓ MUNGÚ guri sla'atís. Inós adoodá' baabuúwós waawutmo Daudi aa tleéhh gana eehár, inós hara'ayár AAKOÓ MUNGÚ sleémeero gana iialooeés.

2 WAAWITÁ 23:25

Geeraá waawutmo Yosiawo, laqaá tam aluuwose, waawutmoó adór inós i kaahh oo AAKOÓ MUNGÚ gwa eehaar ar muunaáwós sleémeero, nee ar /uuruuwós sleémeero, nee qeeruuwós sleémeero, adoodá' kara gooín baraá dabér Mosewo.

1 QOM'I 3:15

Daaqoó Yosia a kwí tsiyáhh: Yohanani a garmoó baris, oo tsár a Yehoyakimu nee oo tám a Sedekia, oo tsiyáhh a Shalumu.

2 QOM'I 34:2

Inós geeraá AAKOÓ MUNGUHE adór ganaa' gana tleéhh, inós loohír waawutmo Daudi gana óh, sleeme aa baloó bihhaá xuiiká.

2 QOM'I 35:22

Ala waawutmo Yosia /aymi'iiká' waawutmo Neko awa amór Mungú dahhá' gaa iiárií qaasiiká, inós tiri warqeés as mukuwa tsaáhh, iri dáhh baraá tla/ángw slaqwaruuse, dír xatstá Megido.

2 QOM'I 35:26

Muruú hatlá' oo Yosia aa tleéhh nee tlehhmi'iiwós kudá' ganaa'á' ti slayá' nee kangwdá' taa gooín baraá kitaábuú dabér AAKOÓ MUNGÚ.

AXWEESANOÓ SAGALOOA 20:28

Waawutmo kun de'én nee iialooa nee inkihhimu, Kitaangós oo waawuti'iima gun hootiis ar hotaá ganaa'á'.

AXWEESANOÓ SAGALOOA 21:3

Hotaá ganaa'á' nee sakwasleemár ganaa' kawa tleehhi, Muruuwí AAKOÓ MUNGÚ gu sla'atimis ta ilahhooár muruú ta tsu/i.

AXWEESANOÓ SAGALOOA 25:5

Múk tlákw hingeeseek dír geeraá waawutmoowo, daqaní waawuti'iimarós i kumaamít ar gan'amu.

AXWEESANOÓ SAGALOOA 29:4

Waawutmo sakwasleemár ganaa' birngi tlehhiit, muu in kwaa/, ala waawutmoó slukmár /aáy muu gu hhaamiis.

AXWEESANOÓ SAGALOOA 31:9

Ar afkoge kwasleema adór ganaa' tir tlehh Harimadaá narkute nee awa múk gaa wásl alekala/eek.

DAHARUSMO 10:17

Yaamuudá' taa sawaawuti'ii'in nee na/oó doó waawutmo a yaamaá amohhooá', nee geeraharuuser'ín muruú /aymár úr gun qamiín qoomár hariima, in /ayiná' as /uuru nguwa slaya' nee tawa oonimitiiká.

DAHARUSMO 2:24

Gár dír heewo hhoo' ar gu gaa wa buu' i káhh aqo har /ayma nee wahaangw nee gadiyeérós ngiwa saqwalalaa/i. Aníng aga tsaáhh tí sleeme amór i dahh a amór Mungú.

ISAYA 3:10

Múk hota ganaá' ádbawaak adór inooín tar tsiní, asma inooín mamaá tlehhmi'ii'ín ngi /ayiyá'.

ISAYA 33:16

Heé adoorí hotaawós i gawaá gawa, dirós tidá' amohhoo' kaa harweér ar koo/ír gawit ar tla/u, muruú /aymaarós kun hanmiis umuú daqto, nee ma'aá wahaangw gi baloó dakuusiiká.

ISAYA 9:7

Axweesanoó aleesleemuú koóm nee wayduuwós i alhhe'eesoó kon'aaká, baraá kitángw Daudi oo Aleesleemu nee waawuti'iimarós, Gin gawdees nee gin kumitiis ar sakwasleemár ganaa' nee hotaá ganaa'á', iimír hamí ay alhhe'eesay wasle. AAKOÓ MUNGÚ Aleesleemusmo adoorí gan tleehh.

YEREMIA 21:12

Kuungá' múk doó Daudi, anuú AAKOÓ MUNGÚ an kah, ‹Gan'amu matlaatleero tseewa tleehhaak. Heé taa daqaari'iima hayóh /iisaak dabaá múk /aytuuseero. Laqaá bar adooriheeká, buhhtaaeé' i adór asltá wa oohiyá', nee heé gaasaro ga aleesláw i kaahh, asma tlehhmi'iihúng kudá' tlakw.›

YEREMIA 22:18

Gawaá adoorihe daanduú Yehoyakimuwo garmoó Yosia, waawutmoó Yuda, AAKOÓ MUNGÚ i kaahi, «Qoomár bira gwaá', heé gu sa tsuunqumiís i kaahh, oo káh, ‹Uúw, laá hhiyaeé'!› Laqaá, ‹Uúw laá hho'or'eé'!› Heé gu sa /aá/ i kaahh oo káh, ‹Oóyéy laá aakooeé'!› Laqaá ‹Oóyéy laá waawutmooeé'!›

YEREMIA 22:3

Anuú AAKOÓ MUNGÚ a kah, ‹Muruú ganaá' nee oo qoóm tlehhiitaak. Heé taa daqaari'iima hayóh /iisaak dabaá múk /aytuuseero. Muu mu slahh'eemisaara' nee dahaayeero, tam na/aá panaay nee kwaeeliwo. Tam tseerdaá múk dakuús wásl mi diirí ku'umiisara'.

YEREMIA 23:5

AAKOÓ MUNGÚ i kaahi, «Ga/aawaak, baala ni hardát ar aníng harma/itá hota ganaa' ngiwa doó Daudi wa duux, inós iri waawuti'ín ar sagalooa, inós giri geerahaar ar sakwasleemár ganaa' nee ar hotaá ganaa'á' baraá yaamuwo.

YEREMIA 42:6

Ta ka hhoó' laqaá ka tlaákw, atén afór AAKOÓ MUNGÚ Munguúrén kudá' kuúng uy ya/abitaan aqo an iialooeesaán, as kahhó' doóqa atén bar afór AAKOÓ MUNGÚ, Munguúrén aga iialooeesaán, kangwrén i hhooáy.»

YEREMIA 7:5

«Ala barnaxes hotaahúng iga warqesé' nee tlehhmi'iihunge, nee kuungá' kiloohúng bar gan'amúr hotá'.

Luka 11:41

Ala tidá' sleémeero ar baraá isaangi nee qwaree/amo hanmiisaak dír narkuute, nee mura' sleémeero dirhunge daqaní ku hhohhó'.

Tlehhema'aá ya/Abuuse 2:46

Umuúqo deelooro tari baraá Doó Mungú i dogiitiyé' ar muunuú wák. Muruú /aymár Aako kuna /aáy dír umuúqo dó' wa ale, muruú /aymar'ín kuri /aáy ar qwala/, nee ar muunuú /awaák.

1 Korinto 10:31

Barnaxes kuungá' a /ayiindá', laqaá bar wahaandá', laqaá umuúqo gaaro ar ta tlehha'a, sleémeero tlehhiitaak as xirfuú Mungú.

DABE 4:40

Gawaá adoorihe, kaahirós nee hara'ayaarós oohaak, tidá' laarí aníng naa haniís dirhúng as diihhooa kawa sleera', kuungá' dinkwa nee na/iihúnge, as kahhó' tawa hota' deelór yaariire baraá yaamuudá' AAKOÓ MUNGÚ, Munguúhúng ni kuungá' i haniisi ay alhhe'eesay wasle.»