YEREMIA 22:10 - Biblía Axweesantá Hhohho' ar Mungú 2004

¹⁰ Heé aa gwaa' mu sa/aa/amiimara' laqaá ma tsuunqumisaara' as gwa'ararós, ala kudaádá' tar tlay amór saaw na sa/aa/amiimaak, asma inós i malé ki/iiká, yaamuuwós ngiwa malé ari.

YEREMIA 22:10 Iomraidhean Croise

2 WAAWITÁ 22:20

Gawaá adoorihe, ga/aaweek kuúng a adór hhoóár gwá', turi qaas bihhaá baabi'iiwók ar wayda, ilaawók slasla/aruwí aníng ni huuw yaamuuká' i alé ngu ariaaká.› » Kaangwí kuri ooár áy dír waawutmo Yosia.

2 WAAWITÁ 23:29

Qoomár waawuti'iimarose waawutmo Farao-neko oo Misri ina tláy ay yaaér Eufrate, as tiwa doogiya' nee waawutmoó Ashuru. Naagáy waawutmo Yosia iri tláy as tawa slaqwi nee Farao-neko, ala Farao-neko nguwa ár guri gaás Megido.

2 QOM'I 36:4

Naagáy waawutmoó Misri Eliakimu hhiyoó Yehoahasi guri qaás kitángw Yehoahasi wa ale, iwa waawuti'in baraá Yuda nee Yerusalemúr wa ale, guri uma warqeés, guri báy Yehoyakimu. Yehoahasi kuri ar tláy yaamaá Misri nee waawutmo Neko.

DAHARUSMO 4:2

Aníng nari baraaeéní oó', «Múk amohhoó' a kudá' aa qaatl ta kwí slafa.»

ISAYA 57:1

Heé hota ganaá' bira gwaá', heé adoorí ga gaárií xuú' i kaahh. Heé hhoó' bira gwaá', heé gaarí ga tsatsaahhaám i kaahh oo káh, «Heé hota ganaá' kura tláy, amotlakwe munguwa sleér,

YEREMIA 16:7

Heé mukdá' tsuunqumiís as qatlór xwayliitér'ín gu muruú /ayma nee ma'aá wahaángwí hanmiís i kaahh as ngiwa gurkwa/asi.

YEREMIA 22:11

Asma daanduú Shalumu garmoó Yosiawo, waawutmoó Yuda, kudá' aa waawuti'in alaá baabuúwós Yosiawo, Shalumudá' aa diirí wa tlay, AAKOÓ MUNGÚ i kaahi, «Inós baloó diirí ki/iiká,

YEREMIA 22:18

Gawaá adoorihe daanduú Yehoyakimuwo garmoó Yosia, waawutmoó Yuda, AAKOÓ MUNGÚ i kaahi, «Qoomár bira gwaá', heé gu sa tsuunqumiís i kaahh, oo káh, ‹Uúw, laá hhiyaeé'!› Laqaá, ‹Uúw laá hho'or'eé'!› Heé gu sa /aá/ i kaahh oo káh, ‹Oóyéy laá aakooeé'!› Laqaá ‹Oóyéy laá waawutmooeé'!›

YEREMIA 22:27

Kuungá' an ló'wa ilatleerusá' tawa ki/a' baraá yaamuuká', ala a baloó ki/a'aaká.

YEREMIA 25:27

AAKOÓ MUNGÚ, aníng iri báy, inooín ki beer, «Anuú AAKOÓ MUNGÚ Aleesleemusmo, Munguú Israeli, a kah, ‹Wahaak, oonimité' nee ta wa/amiindá', ta huhu'uundá', ma baloó tlawaara' malé aleeró, asma tsu/utaadá' ni huuw tla/angwhúng i ale.›

YEREMIA 28:4

Sleeme Yekonia garmoó Yehoyakimu, waawutmoó Yuda, dinkwa nee muu sleémeero oo Yuda, kudá' taa loohatís ngu ki/ís. Kár eeít, taaqwantidár waawutmoó Babuloni a geqáw, Anuú AAKOÓ MUNGÚ tí ngina oó'.› »

YEREMIA 42:18

«Anuú AAKOÓ MUNGÚ Aleesleemusmo, Munguú Israeli a kah, ‹Adoodá' buhhtaaeé' nee adoodá' nira qa/iít dír yaamuloouusér Yerusalemu an adoodá' nir buuhh dír kuungá', barnaxes aga tleeré' baraá yaamaá Misri. Kuungá' tari adór gár taa ló'wa aáhh, nee ar dae tlaaq, nee ar ta lu'umisi nee ar ta niqisi. Kuungá' yaamuuká' i baloó malé aanda'aaká.› »

YEREMIA 44:14

Gawaá adoorihe dír múk Yudawo hee i kaahh tumu wák oo meét dír kwí baraá yaamaá Misrír hoota oo kotsoqoót i kaáhh, laqaá oo /úw, laqaá oo waátl baraá yaamaá Yuda tam ngi slai iwa baraadá' i ki/i nee iwa baraadá' i hootaá ay, ala aqo har panoó niiná kilós oo aa /akumiit.»

WA/AA/I 4:9

Múk amohhoó' a kudá' taa tsuú/ ar paánga ta kudá' qwari aa tsu/i, kudá' qwari aa ala looqaanuunúy as gár /ayma ngiwa dakuusiyé'.

ESEKIELI 24:16

«Heewí, ga/aaweek, slahhtá wake sla'aaruso'oorók a hingeés, ala ma tsuunqusaar, laqaá ma /aa/aar, tam hhirhheeriwók mindiwa ti'itiyé'.

Luka 23:28

Yesu /ameenadá' gari i warqáy gari báy, «Aá /ameenár Yerusalému, aníng mi al/aa/amiimara'. Ala kuungá' kiloohúng ti al/aa/amiinde', nee na/iihúng.