YEREMIA 21:9 - Biblía Axweesantá Hhohho' ar Mungú 2004

⁹ Heé baraá gixsarí meét ku gaas ar paánga, laqaá qwari gun gaas laqaá pu/i gun gás. Heé aa tsee/ií ti'iit, dabaawós giri haniís dír múk Kaldayo, kudá' gixsa ngaa harweeriye', heewí ku gaasiiká, eeít slafiingós gu tuu/.

YEREMIA 21:9 Iomraidhean Croise

YEREMIA 14:12

Tam ta gwaawin, firor'ín a baloó iiárií qaasaaká, tam barnaxés iga ilahhooár dá/tí haniisiyé', nee tam ilahhooár balaango, aníng ilahhooar'ín a ya/aamaaká. Inooín aqo in hhaamiís ar paánga nee giyeé nee pu/i.»

YEREMIA 21:7

Anuú AAKOÓ MUNGÚ an kah, «Aluuwo kuúng Sedekía, waawutmoó Yuda, sagadiyuuseerók nee múk baraá gixsarí diriia, kudá' pu/i a meetís nee qwari nee slaqwara, aníng in haniís baraá dabaá waawutmo Nebukadnesa oo Babuloni, nee baraá dabaá wakuuserhúng, tidá' kuungá' nu slakaat. Kuungá' Nebukadnesa nun tsuu/ ar paánga, nee nu baloó gurtlayká, laqaá nu geemayká, laqaá nu ilamuruutiiká, anuú AAKOÓ MUNGÚ tí an káh.»

YEREMIA 24:10

Aníng inooín in hhaamiís ar slaqwara, nee qwari nee tiqtír pu/i ay dír nay hhana' baraá yaamuudá' aníng naa haniís dir'ín nee dír baabi'ii'ín.› »

YEREMIA 27:11

Ala muu tumu xooro gaalá, barnaxes waawutmoó Babuloni ngwa ilaiwaa/iyé' nee ngwa sagadiyuusiyé', aníng mukwí u máw iwa hooti baraá yaamuuín wa alé, yaamuuín ngi doosliyá', ni baraadá' wa hootiyá'. Anuú AAKOÓ MUNGÚ tí ngina oó'.»

YEREMIA 27:12

Anuú Yeremia, waawutmo Sedekia oo Yuda una báw, «Waawutmoó Babuloni ilaiwawa/eek. Inós sagadiyuuseek nee mukose, daqaní kuúng a hót.

YEREMIA 27:13

Ahaá waáy, kuúng nee mukoge gár tundus tsu/i ar slaqwara, nee qwari, nee tiqtír pu/i? Asma adoorí AAKOÓ MUNGÚ gaa oó' dír xoorodá' waawutmoó Babuloni gu sagadiyuusaaká.

YEREMIA 38:2

AAKOÓ MUNGÚ i kaahi, «Heé baraá gixsárí meét ku gaas ar paánga, nee ar giyeé nee ar tiqtír pu/i. Kudá' haragwaá' amór múk Kaldayo, slafiingós gu /iis. Tam lawaalmoowo ala slafiingós gwaa /iís.»

YEREMIA 38:3

AAKOÓ MUNGÚ i kaahi, «Ar tsuwa ló' gixsarí ka dabaá slaqwaruusér waawutmoó Babuloni i haniis, nee gari hayoh.»

YEREMIA 39:18

Anuú AAKOÓ MUNGÚ a káh, ar ló' án kuúng u ba/amís nee kuúng tu gaasiiká baraá slaqwaraaro. Gawaá adoorihe kuúng slafiingók u tú/, asma kuúng aníng ina harahhíf.› »

YEREMIA 45:5

Xáy kuúng muruú urén u leelehhíta? Muruusíng mu leelehhitaar, asma ga/aaweek, aníng amotlakwe ngin huúw gawaá daanduú muu sleémeero, ala aníng slafiingók u ba/amís baraá slaqwaraaro umuú dír ta keera.»

ESEKIELI 5:12

Daqtá wák gawaá daqooroó tám oo baraá Yerusalemuro i qátl ar tiqtír pu/i nee qwari. Daqtá hatlá' ka tsuu/ baraá slaqwaraaro. Daqtá tám ar alhhe'eesáy a diyaá/ baraá daanduú yaamu sleémeero, nee ngiri hhaamiís ar paánga.