YEREMIA 21:6 - Biblía Axweesantá Hhohho' ar Mungú 2004

⁶ Aníng yaamuloouusér gixsarí an tsuú/, muu nee makaywo, sleémeero in tsuú/ ar pu/i.› »

YEREMIA 21:6 Iomraidhean Croise

IIMU/UUNGW 6:7

AAKOÓ MUNGÚ iri oó', «Mukdá' naa tleéhh u fiíts baraá yaamuwo, hee tam nee makaywo, nee muruú gur'eér hi'iimiít nee tsir/ór gáwtí tlatlaawa a fiíts sleeme. Asma muruuwí sleémeero naa tleéhh, aníng iga gurhaamír i qaás. Masók una tleehhiiká.»

ISAYA 6:11

Aluuwo niri yaahaás, «Xáy Aako, tay xaylá?» Inós iri mu/aywaáts, iri báy, «Ay dír gixsadu i deewaiya', niri muu wasleesiyá', nee maraay iwa tawo iwiitiya', nee yaamu kiwa ak ló'wa hhitin.

YEREMIA 14:12

Tam ta gwaawin, firor'ín a baloó iiárií qaasaaká, tam barnaxés iga ilahhooár dá/tí haniisiyé', nee tam ilahhooár balaango, aníng ilahhooar'ín a ya/aamaaká. Inooín aqo in hhaamiís ar paánga nee giyeé nee pu/i.»

YEREMIA 16:4

‹Mukwí i qaatl ar tiqtír pu/i nee heé tsuunqumiís i kaahh, laqaá heé gi foliít i kaahh. Tu'uuín nin tlufaafuiyá' adór tsuunkáy daanduú yaamuwo. Mukwí ku hhaamiis ar paánga nee qwari, nee tu'uuín a muruú /aymár tsir/o nee makaá sla/a.› »

YEREMIA 20:4

Asma AAKOÓ MUNGÚ i kaahi, ‹Qaytsiít aníng kuúnguú kilá' u de'eérí tleés, mulqeerók kari dae tláq. Inooín kin tsuu/ ar paánga, nee wakuuser'ín dír ilaawók wa alé. Múk Yuda sleémeero un haniís baraá dabaá waawutmoó Babuloni, inós bahh'ale gin loohatis ay Babuloni, nee bahh'ale gin tsuu/ ar paánga.

YEREMIA 32:24

«Ga/aaweek, múk Kaldayo gixsa gaa harweér ar ufér hhape, as kawa haraadahi nee kawa hayoohi, asma mukwí kuna baraá dabaá múk Kaldayo i qaás ar slaqwara nee giyeé nee tiqtír pu/i. Tidá' kuúng taa kát, ga/aaweek, naa hardát nee ilaawoge aga aán.

YEREMIA 33:12

AAKOÓ MUNGÚ Aleesleemusmo i kaahi, «Diirír xaanxaay ar múk koomaaká laqaá makaay nee baraá gixsaduín sleémeerowo, diirí an qawtantá de'eemuuse daqooray'ín oo bee/aangw nguwa de'een.

YEREMIA 34:17

Hám daxta, anuú AAKOÓ MUNGÚ a kah, As kuungá' aníng iwa iialooeesi'iiká, as lawaaleedá' kawa gwedi'iiká. Ar ló', aluuwo aníng kuungá' nu gweér, aníng kuungá' nu gweér as tunduwa tsu/i ar paánga, nee giyeé nee tiqtír pu/i. Aníng xoordu sleémeero i dae tsaát, qoomár birnga axaasiyé' tidá' ni tleehh.

YEREMIA 36:29

Nee daanduú waawutmo Yehoyakimu waawutmoó Yudawo ta o', anuú AAKOÓ MUNGÚ a kah, kuúng kitaábuudá' una dá/, a didií kat, ahaá waáy gár kángw waawutmoó Babuloni ngusa gooín, iwa kaahi, ‹Yaamuuká' gi hhitín, muu nee makaywo giri hhaamiis.›

YEREMIA 42:22

Gawaá adoorihe, kaangwí xu'uti hhe'eesaak, amoosíng kuungá' hotaawo ta ilatleerusa' an qatlá' ar slaqwara nee qwari nee tiqtír pu/i.»

YEREMIA 7:20

Gawaá adoorihe anuú Aakoó MUNGÚ a kah, «Buhhtaawo aníng an daa/atúw dír yaamuuká' gawaá muu nee makaay, nee xaa'aá baraá qamu, nee balángw baraá yaamu. Sleémeero asltá ta baloó gaasiiká gin al'ót.»

ESEKIELI 12:16

Ala panoó niiná u meetiís baraá slaqwaraaro nee baraá qwarko, nee baraá tiqtír pu/ito, as kahhó' inooín adoodá' tlii/ naa tleehhiyé' ngiwa dír xoordií ooiya'. Diirí an didá' ngiwa tsaahhiya' adór aníng tar AAKOÓ MUNGÚ.»

ESEKIELI 14:13

«Heewí, barnaxes xoororka tlakweema gaa tléhh as inkihhimu wasle dir'eene, aníng dakw'eé' nguri tleés gawaaín i aleeró, as ngiwa sakwasleemuut. Muruú /aymar'ín kudá' na amohhe'esiyé' un hhaamiís nee ngiri giyeédií huúw. Muu nee makay'ine ngiri tsuú/,

ESEKIELI 14:17

«Barnaxes aníng slaqwara an iimu/uuma dír yaamuukae ar muu nee makaywo kiwa hhaamisi.

ESEKIELI 14:19

«Laqaá barnaxes pu/i ngin huwa gawaá daanduú yaamuuká', nee buhhtaaeene muu nee makaywo ngiri tsuú/,

ESEKIELI 14:21

«Ala anuú Aakoó MUNGÚ a kah, qoomár bar Yerusalemu aga slaáhh ar muruuwí tsiyáhh oo sakwasleemar'eé' tidá' ló'wa xaraasl, ngiri sakwasleemuút ar slaqwara nee qwari, nee makaá xaraaslá' nee tiqtír pu/i, as muu nee makaywo ngiwa hhaamiis baraakae.

ESEKIELI 33:27

«Kibeeto, Anuú Aakoó MUNGÚ a kah, Adoodá' aníng nir hotaatima, looeemaawo kudá' sleémeero aa baraá gixsadií meet kin hhaamiis ar paánga, heé tsee/aá /awaákí dirií' ku /aay nee makaá xaraaslá', kudá' baraá koo/ír gawít i dirií', nee kuduú baraá mar'o, tiqtír pu/i gin tsú/.

ESEKIELI 33:29

Qoomár yaamuuká' bira xaanxay tleéhh, asma muruudá' sleémeero aníng iga buhhtamis, kudá' naa tleehhiyé', daqaní ngi tsaahhiyá' adór aníng tar AAKOÓ MUNGÚ.»

ESEKIELI 7:15

«Heé tsee/aá gixsár i dirií' ku gaas ar paánga, nee baraá gixsaro tiqtír pu/i nee qwari muu ngun faakiyá'. Múk baraá qamu ta qaatl ar paánga, kudá' baraá gixsár i diriiá' kin hhaamiis nee qwari nee tiqtír pu/i.

HOSEA 4:3

Gawaá adoorihe yaamu naa slahhaaiyé' nee umuúqo heé baraadí diriia in beehhuut, dinkwa nee makaá sla/ato, tsir/ór hhampe'eerír tlatlaw i beehhuumít, tam siyó baraá tlawi sleeme iri hhán.

MIKA 3:12

Gawaá adoorihe, siyoni, gixsár Mungú, ka doosl adór qaymór wá alé, Nee Yerusalemu iri taango tleehhít asma kuungá'. Nee tloomadá' taa Doó Mungú i tleéhh, iri gara tleehhít sleeme.

SEFANIA 1:3

Hee nee makiito'ooro in qwaareés nee tsir/ór gáwtí tlatlaawa nee siyoó baraá tlawto, dukuutse nee kudá' tlakwe sleémeero in qwaareés. Hee un amór saáw i kwaáhh as miwa deeruút baraá yaamuwo. Anuú AAKOÓ MUNGÚ tí ngina oó'.

Luka 21:24

Inooín ki tsuu/ ar paánga, kiri lohatis baraá yaamuuine, kay huuw baraá xoordaá dimbadimbé. Gixsár Yerusalemu kay i iwiit nee xoordaá hatlá' ay dír qoomár xoordu i bo/.»