YEREMIA 21:10 - Biblía Axweesantá Hhohho' ar Mungú 2004

¹⁰ Aníng aga ístí tsaát gixsarí ngiwa amotlakweérí huuw, ala a hhooeemáy tleehhaaká, anuú AAKOÓ MUNGÚ an kah. Gixsarí an haniís baraá dabaá waawutmoó Babuloni, inós gari hhaamiis ar asla.»

YEREMIA 21:10 Iomraidhean Croise

2 QOM'I 36:19

Doó Mungú guri daá/, koo/ír Yerusalemu gari feé/, maraá waawuti'iima giri daá/ nee xoosla sleémeero ar tlaxo gawden gari hhaamiís.

WARA'AMI 34:16

Ala AAKOÓ MUNGÚ kudá' tlakweemaá tlehhiitá' gi sii', inooín kiri gunqaarees baraá yaamuwo.

YEREMIA 17:27

Ala barnaxes kuungá' aníng iga iiárií qasi'iiká, nee deelór hhoohhoo' ar Sabaáto bar aga harmagahhi'iiká, nee huwa loohisooro aga meeri'iiká, nee kawa ar darta ar afér gixsár Yerusalemu bál deelór Sabaátoro, naagáy, aníng afér gixsár Yerusalemu a ásltí oohiís, nee maraá waawitá sleémeero kudá' baraá Yerusalemu giri /ák, nee heé asltadá' gaasaro ga aleesláw i kaahh.»

YEREMIA 26:6

naagáy aníng do'owí un adór kuduú Shilór wa hhitiím, nee gixsarí an adór gixsár taa lu'ús tleéhh dír xoordu sleémeero awa daanduú yaamuwo.› »

YEREMIA 33:5

Muu slaqwarár nee múk Kaldayo ga iiar ala aqo tawo, tuaá múk taa tsuú/ as buhhtaaeé' boheedá' taa foól ngin dalaa/iyá'. Asma inooín sleémeero tlakweema ngina tleehhiyé', aníng gixsarí ngiri sií'.

YEREMIA 34:2

Anuú AAKOÓ MUNGÚ, Munguú Israeli, a kah, «Tláw, waawutmo Sedekia oo Yuda ku beer, ‹Anuú AAKOÓ MUNGÚ gixsarí a qaás baraá dabaá waawutmoó Babuloni, nee gari daa/ ar asla.

YEREMIA 34:22

Anuú AAKOÓ MUNGÚ a kah, ga/aaweek, aníng inooín i ádbáw as gixsarí ngiwa malé inki/iya' slaqwaraaro, nee gixsarí ngiri hayoohiyá', nee ngiri da/iyá' ar asla. Aníng gixsadaá Yuda i xaanxay tleéhh, tam múk gi hoót iri qwaar.»

YEREMIA 38:17

Yeremia Sedekia guri báy, AAKOÓ MUNGÚ Aleesleemusmo, Munguú Israeli i kaahi, «Kuúng bar aga ya/aán tiwa hanis baraá dabaá geeraharuusér waawutmoó Babuloni, daqaní slafiingók u tú/, nee gixsarí ka da/iiká ar asla, kuúng nee múk do'oge tundu tsu/iiká.

YEREMIA 38:18

Ala kuúng bar aga ya/andiiká tiwa hanis gawaá dabaá geeraharuusér waawutmoó Babuloni, gixsarí kan haniis dír múk Kaldayo, ngiri da/iyá' ar asla nee kuúng ti /iská baraá dabaaine.»

YEREMIA 38:23

Tlaawaywók sleémeero nee daaqaywoge ki huuw amór múk Kaldayo, nee kuúng sleeme a /uuraaká. Kuúng tun ar tláy nee waawutmoó Babuloni, nee gixsarí kari daa/ ar asla.› »

YEREMIA 38:3

AAKOÓ MUNGÚ i kaahi, «Ar tsuwa ló' gixsarí ka dabaá slaqwaruusér waawutmoó Babuloni i haniis, nee gari hayoh.»

YEREMIA 39:16

«Tláw Ebedmeleki heé Kushi ku beer, AAKOÓ MUNGÚ Aleesleemusmo, Munguú Israeli i kaahi, ‹Ga/aaweek aníng muruudá' tlákw daanduú gixsarihe u boo/eés, muruú hhoeeká. Muruuwí sleémeero kuúng u aán ilaawoge qoomár bir tleehharuumiit.

YEREMIA 39:8

Múk Kaldayo doó waawutmo nguri da/iyé' nee maraá muko, koo/ír Yerusalemu ngiri fee/iyé'.

YEREMIA 44:11

«Gawaá adoorihe anuú AAKOÓ MUNGÚ Aleesleemusmo, Munguú Israeli a kah, gimsé' aníng daxta kuungá' nu amotlakwér i huúw nee yaamuuká Yuda sleémeero i hhaamiís.

YEREMIA 44:27

Mukwí aníng u iltá tlaákw ar ga/áw as nguwa gár tlaákwí tleehh nee u hhooeemáy sla'aaká. Múk Yuda sleémeero kudá' baraá yaamaá Misrír hoót ku hhaamiis ar paánga nee qwari, ay dír ti suquuti.

YEREMIA 52:13

Doó AAKOÓ MUNGÚ guri daá/ ar asla, nee doó waawutmoowo nee mari sleémeero awa Yerusalemu umuúqo doó ure guna daá/ ar asla.

ESEKIELI 15:7

In ló'wa harmagaáhh ar xarasleema. Tam handá' asla kaa waaguwi, asltí aqo gin hhaamís. Qoomár bira harmagaahha hhe'eés ar xarasleema, an qoomár aníng iwa tsaahhiya' tawa AAKOÓ MUNGÚ.

ESEKIELI 24:11

Hutlaay un kaahareema qaás gawaá asla as asla ngiwa ló'wa /ak, muqslidá' kura tleéhh ngiwa eemu hhe'es, as slasla/aruuwós iwa wanana'aati nee kuútuwós asla nguwa /ak.

TLAHHOÓ LAÁWI 17:10

«Hee tam gaalá oo xoorór Israeli, laqaá hoomoó ayaaín wa hoót, oo tseere gaa /ayi, heedaádá' aníng u alkoóm nee nguri baynitís dír mukose.

TLAHHOÓ LAÁWI 26:17

Aníng nun harasihhiít, nee wakuuserhúng nuri múx, tunduri sawaawuti'ín nee kudá' naa aahhiye', tundun dae tlaaq, nee tari ti'i'iindá' tam handá' heé naa guus i kahhi.

AMOS 2:5

Gawaá adoorihe asla a qaás gawaá múk Yuda, asla koo/ír gawit ar Yerusalemu gari /ák.»

AMOS 9:4

Inooín tam bar kira tláy nee wakuuser'ín kiri loohatís, aníng paánga an ya/aáw amoodá' i ale, inooín kiri tsuu/. Aníng inooín in harmagaáhh ngiwa hhaamiis, ala gár hhoo' dir'ín i tleehharo a sla'aaká.»

SEKARIA 1:6

Ala axweesante'eé' nee kaahir'eé' tidá' naa hara'ayiím dír sagadiyuuser'eé' tidár aaruuse, ahaá aa bo/káhe dír baabi'iihúng i ale, inooín nay hhu'uu'uné', ta kaahi, ‹Adoodá' AAKOÓ MUNGÚ Aleesleemusmo ni atén i tleehhi ar qoomoó lohduurén nee ar qoomoó tlehhmi'iirén, an adór tii tleéhh.»›