YEREMIA 21:1 - Biblía Axweesantá Hhohho' ar Mungú 2004

¹ Axweesantí an tidár AAKOÓ MUNGÚ ar Yeremia aa axaás qoomár waawutmo Sedekia, Pashuri garmoó Malkia nee kaahamusmo Sefania garmoó Ma'asea ngiwa ya/aáw amór Yeremia, kuwa bay,

YEREMIA 21:1 Iomraidhean Croise

2 WAAWITÁ 22:13

«Tlawsé' AAKOÓ MUNGÚ yaahasaare', as aníng nee muu sleémeerowo nee múk Yuda sleémeero, nee as daanduú /ayma'aá baraá kitaábuwí taa sláy, asma buhhtaá AAKOÓ MUNGÚ ki ur direne, asma baabi'iirén adór kitaábuuwí i kaahi nga iialooeesi'iiká, nee tidá' taa gooín sleeme nga boo/eesi'iiká.»

1 QOM'I 3:15

Daaqoó Yosia a kwí tsiyáhh: Yohanani a garmoó baris, oo tsár a Yehoyakimu nee oo tám a Sedekia, oo tsiyáhh a Shalumu.

1 QOM'I 9:12

nee Adaya garmoó Yerohamu, garmoó Pashuri, garmoó Malkiya, nee Ma'asai garmoó Adieli, garmoó Yasera, garmoó Meshulamu, garmoó Meshilemiti, garmoó Imeri.

2 QOM'I 36:17

Gawaá adoorihe, AAKOÓ MUNGÚ waawutmoó Kaldayo guri amor'ín i tleés. Inós masoombar'ín gari tsuú/ baraá guruú dooín kudá' hhoohhoó' i aleeró, slám hee tumu wák oo taa gurtláy i kaahh, tam dasi laqaá garma, laqaá heé aa din, laqaá oo liitlakusmo. AAKOÓ MUNGÚ muu sleémeero guna haniís gawaá dabaá waawutmoó múk Kaldayo.

NEHEMIA 11:12

dinkwa nee hhaeeín kudá' naa gadiyuusiye' baraá doó Mungú wa aleeró. Inooín a tsiire dakaát mibeeri tsár nee tsár. Slám dinkwa nee kukae oo hatlá' a Adaya garmoó Yerohamu, garmoó Pelalia, garmoó Amsi, garmoó Sekaria, garmoó Pashuri, garmoó Malkiya,

YEREMIA 29:25

AAKOÓ MUNGÚ Aleesleemusmo, Munguú Israeli, i kaahi, «Barwiito'o aga ya/áp ar umuuwók amór yaamuloousér Yerusalemu, nee dír kaahamusmo Sefania garmoó Ma'aseya, nee dír kaahamuusér Mungú sleémeero. Baraá barwiito'ooro gár ta gooín dír Sefania a tí,

YEREMIA 29:29

Kaahamusmo Sefania barwito'oodá' gana dír geeraá aarusmo Yeremia wa soomuús.

YEREMIA 35:4

Inooín sleémeero ngiri huúw ay baraá doó AAKOÓ MUNGÚ, dír kutuwír garmoó Hanani, garmoó Igdalia heé Mungú. Kutuwidá' ka tseew dír kutuwír geeraharuuse, i gáwtí dirí' dír kutuwír Ma'aseya garmoó Shalumu, xuumusmoó do'odá'.

YEREMIA 37:1

Waawutmo Nebukadnesa oo Babuloni, Sedekia garmoó Yosia guri waawutmoó múk Yuda wa qaás kitángw Konia garmoó Yehoyakimu.

YEREMIA 37:17

waawutmo Sedekia guri ateét, guri do'ós i dah'ís. Qoomár iwa do'ós i dirii'i, guri yaahaás ar naaqo, «Gám axweesantá ta koon ar amór AAKOÓ MUNGÚ daahh i deéro? Yeremia guri báy, «Eeít i deer.» Yeremia iri oó', «Kuúng tu qaas baraá dabaá waawutmoó Babuloni.»

YEREMIA 37:3

Waawutmo Sedekia Yehukali garmoó Shelemia dinkwa nee kaahamusmo Sefania garmoó Ma'aseya gina ya/aáw amór aarusmo Yeremia nguwa baya', «Atén ti aleefiriin dír AAKOÓ MUNGÚ, Munguúrene.»

YEREMIA 37:7

«Anuú AAKOÓ MUNGÚ, Munguú Israeli a kah, waawutmoó Yuda kudá' kuúng ugwa ya/aw as aníng iwa firiin, ku beer, ‹Ga/aaweek slaqwaruusér Farao tidá' naa hardat as kuúng uwa alee/is, i kí/ baraá yaamaá Misri, ayaaín kudá' ta dahhi.

YEREMIA 38:1

Shefatia garmoó Matani nee Gedalia garmoó Pashuri, nee Yukali garmoó Shelemia, nee Pashuri garmoó Malkia, axweesantadá' Yeremia aa oó' dír muu sleémeero ngina axaasiyé', iwa oó'.

YEREMIA 38:14

Qoomarkaro waawutmo Sedekia gana slaá' tawa axweesi nee aarusmo Yeremia. Naagáy iri oó', «Yeremia huwaare' dír afkú tám oo Doó AAKOÓ MUNGÚ.» Tawa didá i dirii'i waawutmo Yeremia guri báy, «Yaahasarka a koóm, gaa tam gaalá ma duquumaar.»

YEREMIA 52:24

Aluuwo Nebusaradani geeraharusmoó xuumuusér waawutmo, Seraya, kaahamusmoó úr oo Mungú, nee Sefania, alee/isusmoó kaahamusmo, dinkwa nee xuumuuse tám ar afkú do', giri ar tláy.