YEREMIA 20:8 - Biblía Axweesantá Hhohho' ar Mungú 2004

⁸ Umuú daqto bar axweés an wa/aá/ niwa kah, «Gaa a /ayta nee hhitiru'uuma.» Asma axweesantá AAKOÓ MUNGÚ bar alki/iít, aqo tin tli/imis nee tin niqín tlaatla/aangw sleémeerowo.

YEREMIA 20:8 Iomraidhean Croise

2 WAAWITÁ 2:23

Elisha iri Yeriko wa tláy ay Beteli. Qoomár iwa baraá loohírí dirii'i daaqayko nina baraá gixsár wa ti'iít, inós kuri iimu/ún tloqmisuuwo, tawa kaahi, «Tláw, tláw, aakoó paynú.»

2 QOM'I 36:16

Ala inooín tana kumiít ya/abuuseedá' Mungú aa ya/abiít ngiwa niqina', nee axweesantós ngiwa siaasi'iya', nee aaruuseerós ngiwa waaqaseesena'. AAKOÓ MUNGÚ mukós guri ló'wa i buúhh, tam adór ni kotsqotiya' iri qwát.

ISAYA 57:4

Heé ta niqiinda' a heemá? Heé aferhúng kay duqé' a heemá? Kudá' tsifrerihunge tay kalalahaamisa'? Ahaá kuungá' kilá' a na/aá tlakuuseerokáhe? Nee xwaylár lamuuse.

YEREMIA 15:10

Tsaxwaaeé', gár aayor'eé' isa laqwál baraakaá yaamií ale, asma aníng a heé ta niqin, nee oo ta tlampa'aamisi baraakaá yaamu sleémeerowo. Aníng hee ugwa kiriikiiká, laqaá aníng heé iga kiriik i kaahh, hamí ala umuú heewo in lu'umis.

YEREMIA 15:15

Aníng ana oó', «Ala AAKOÓ MUNGÚ, kuúng a xú', aníng inslawáng nee qwaláng /iisáng, wakuuser'eé' li/áy bueek daanduueé' wa ale. Kuúng qitla u xú', án mi qwaareesaar. Inslaweek adór aníng tir /oosliislín as kuúng.

YEREMIA 17:27

Ala barnaxes kuungá' aníng iga iiárií qasi'iiká, nee deelór hhoohhoo' ar Sabaáto bar aga harmagahhi'iiká, nee huwa loohisooro aga meeri'iiká, nee kawa ar darta ar afér gixsár Yerusalemu bál deelór Sabaátoro, naagáy, aníng afér gixsár Yerusalemu a ásltí oohiís, nee maraá waawitá sleémeero kudá' baraá Yerusalemu giri /ák, nee heé asltadá' gaasaro ga aleesláw i kaahh.»

YEREMIA 20:7

Aá AAKOÓ MUNGÚ, aníng iga al/ák, aníng al/aymaadá' ngiri ya/aám. Kuúng /uuru un koón ta ak aninge, kuúng aga baaliín. Tlaatla/aangw sleémeero aníng a heé ta waaqaseesen, umuú heewo in niqín.

YEREMIA 28:8

Aaruuseedá' dír aníng nee kuunge aa giiriin iimír aange, inooín tana aariirín tawa kaahi, ‹Slaqwara, nee giyeede nee tiqtír pu/ito ni ti'iitiyá' baraá yaamaá daanduú yaariire nee waawuti'iimár /uuruú kooma.›

YEREMIA 5:1

Axáy baraá lohdaá Yerusalemu wa hi'iimitaak, xuuxuaak nee ka gooiindá'. Didá' boo/oó muu i dirii'i iwa xuuxu'uumaak, axáy heé gan'amúr hoót u sleerá'a, nee oo looeemaá leelehhiít. Bura sleeré', daqaní aníng múk Yerusalemu u gurtláw.

YEREMIA 5:6

Gawaá adoorihe dirángw baraá sla/atá daáhh gin uhín, taweeramoó baraá xaanxoó daáhh gin hhaamiis, du'uma i baraá gixsaduuín wa gigidín. Umuúqo heé tsee/áy ti'iita kun karslamiis. Asma tlakweemaaín naa ló'wa tlahhiyé', nee inooín Mungú siasiuuwo naa ak harwaarahhiyé'.

YEREMIA 6:10

Xáy, heé ni ádbaw a heemá oo gi gurbuú' as tawa axaasi? Ga/aaweek iaaín naa giwiyé' ya/abtor'eé' axaasaro ngi aleeslay'aaká, Axweesantá AAKOÓ MUNGÚ dir'ine a gár waaqa'atiit, ngi i qwalaala/iaaká.

YEREMIA 7:9

Kuungá' a fisisiindá', a tsu/utá', a fuqusá', lo'ór lama an /agá', mooyángw tsuú' un da/a/aandá' dír Ba'ali, nee munguaá hatlá' awa xuaawaslen kiri eehadé'.

HABAKUKI 1:3

Waáy, mihar muruú tlákwií laqaqaán nee slahh'amuwo, asma hhita nee /aytaro i dír geeraaeé' dirii'iyá', slám gila nee afo tlaxungo naa /eetiyé'.

Luka 11:45

Heé wák baraá intsaahhatuusér hara'ayár Mosewo Yesu guri báy, «Intsaahhatusámo, gawaá axweesanaysíng ta kata, kuúng baré atén sleeme tin tsi'imís.»

Ebrania 11:26

Inós gana tsaáhh niqimis nguwa slay dinkwa nee Kristo, a gár ló'wa afhhamít ta daqaari'iimár Misri sleémeerowo. Asma inós gár i harahhifi a qeemuudá' i aluú wa slay.

Ebrania 13:13

Gawaá adoorihe qwalaasé', atén u i daqawán amór tsee/aá gixsár i alé, atén sleeme mure kawa slawaan dinkwa nee inós.

1 Petro 4:14

Kuungá' bar tundun /ooslislín as Kristo, kuungá' daqaní a múk amoohhoó'. Asma Qeeruú Xirif kuduú Mungú, i gawaahúng i dirii'.