YEREMIA 20:7 - Biblía Axweesantá Hhohho' ar Mungú 2004

⁷ Aá AAKOÓ MUNGÚ, aníng iga al/ák, aníng al/aymaadá' ngiri ya/aám. Kuúng /uuru un koón ta ak aninge, kuúng aga baaliín. Tlaatla/aangw sleémeero aníng a heé ta waaqaseesen, umuú heewo in niqín.

YEREMIA 20:7 Iomraidhean Croise

2 WAAWITÁ 2:23

Elisha iri Yeriko wa tláy ay Beteli. Qoomár iwa baraá loohírí dirii'i daaqayko nina baraá gixsár wa ti'iít, inós kuri iimu/ún tloqmisuuwo, tawa kaahi, «Tláw, tláw, aakoó paynú.»

YOBU 12:4

Aníng aga gár waaqaseengw tleehhiít dír mulqer'eene. Anínguuwí Mungú ugwa firiim iri mu/aywaáts, anínguuwí gan'amuú koóm nee oo xaslxaansli wásl aga gár ta waaqaseesen tleehhiít dír muko.

YOBU 30:9

Hám daxta aníng in waaraaiyá', nee hamí in niqiná'.

WARA'AMI 119:51

Múk daara/aám i kángw kilá' wa /ooslislín, ala aníng baraá hara'ayaroge ti baloó tu/iiká.

ISAYA 8:11

Asma AAKOÓ MUNGÚ aníng ina i axweés, iri óh ar dakós oo /uuruú koóm, as loohír mukwí mawa eehár, ina gurbuú' iwa kaahi,

YEREMIA 15:10

Tsaxwaaeé', gár aayor'eé' isa laqwál baraakaá yaamií ale, asma aníng a heé ta niqin, nee oo ta tlampa'aamisi baraakaá yaamu sleémeerowo. Aníng hee ugwa kiriikiiká, laqaá aníng heé iga kiriik i kaahh, hamí ala umuú heewo in lu'umis.

YEREMIA 15:18

Ahaá waáy, gár slahh'amueé' is kumaamiti, inkaahhay'eé' mis hungaagu/ká, baré maasáy ga hungu/umisiiká? Ahaá, mis diqay tláq adór duxuú ma'aywós kahaakaahá'?»

YEREMIA 17:16

Aníng gadiyeédá' tawa de'eemusmo aga si'iiká, tam deeloodár slahh'amaaye aga ilatleerusiiká niwa hardat. Kuúng a xú' tidá' aníng naa oó' afkueene. Tidá' naa axweés kuúng a xú'.

YEREMIA 20:9

Ala aníng bara oó', «Aníng umuú AAKOÓ MUNGÚ daxta un baloó ooaaká, sleeme a ilaawatsaaká ar umuuwós,» muunaaeé' in da/aa/anuut baré kwaáo adór asla in baraá faduueé' wa ót, an mak qiítl as mawa ilawaáts, ala ila/aro tin harslaaqaát.

YEREMIA 29:26

‹AAKOÓ MUNGÚ kuúng Sefania ugwa kaahamusmo wa qaás, kitángw kaahamusmo Yehoyada, kuúng an heé úr oo Doó AAKOÓ MUNGÚ. Gimáy daxta a gadiyeérók, slarhhamuú ti aarusmoó ila qamiím kuwa tsek ar píngu nee peehhoo iló'.

YEREMIA 38:19

Waawutmo Sedekia Yeremia guri báy, «Aníng mukduú Yahudi aa haragwaa' amór múk Kaldayo u daimiít, wané aluuwo aníng ti dir'ín i haniis, tiri slahh'eemiis.»

WA/AA/I 3:14

Án a adór gár waaniqaay dír muu sleémeerowo, tlatla/aangw sleémeero aníng in kooyiná' ar daa'aangw.

ESEKIELI 3:14

Naagáy qeeru iri gáwtí tleés iri puruúts amór saaw. Niri tláw amooqae aga slahhaá', nari qa/iít baraá muunaáeene, nee /uuruú AAKOÓ MUNGÚ ina hatsiís.

HOSEA 9:7

Deelór nuwa muux naa xeér. Deelór li/aay nguwa buu' naa hardát. Múk Israeli gari xuxuu' qoomaadae, kuungásingá' kaahá', ‹Aarusmo a daktani! Heé ta geeraharahari nee qeeruú Mungú a slarhhamá!› Adoorí an katá' asma tlakweemaahúng naa tlahhiyé' nee aahhirhúng ar tlakw aa tláhh sleeme daanduueene.

YONA 4:2

Yona AAKOÓ MUNGÚ guri firín, guri báy, «Án kuúng u firiím, AAKOÓ MUNGÚ. Adoosíng a adoodá' aníng naa oóiíke qoomár niwa baraá yaamuueé' i dirii'? Adoosíng an gár nisa gaanslár ta'aaím baraá yaamaá Tarshishírí alé, asma aníng a xuú' kuúng a Munguú gurhhoó', slám a gurtleemuú koón. Kuúng buhhtaawo tu inslahheeká, ala aga háts sla'aarír warqawaakahe. Tam sakwasleemadá' taa ó' a ya/aán meemuwo.

MIKA 3:8

Ala aníng a haáts /uuru nee aleesleemuwo, a haáts Qeeruú AAKOÓ MUNGUHE, a haáts sakwasleemár ganaa'a nee pihhaywo, as múk Yakobo nguwa dakuúsarínií oo', nee múk Israeli nguwa tlakweemaínií oo'.

Luka 16:14

Mukduú Farisayo tidá' Yesu aa oó' sleémeero ngiwa axaasiyé', kuna niqín, asma inooín tawa kudá' peésár sla'á' ló'wa ale.

Luka 23:11

Herode nee askaárirós Yesu kuri waaqaqaá' kuri niqimís. Kuri inqwaarír hhoohhoó' i tsiitiís, kuri ki/ís amór Pilato.

Tlehhema'aá ya/Abuuse 17:18

Mukko intsaahhasár Epikuro nee ar Stoiki tiri tlaampa'aamisiyé' nee Paulo. Bahh'alé tari oó', «Daktantí gár i ooár wa sla' a milá?» Bahh'alé tari oó', «Baré a adór heé ya/abtór munguaá xuawaslen ga alki/iít.» Adoorí kana oó' asma inós kángw Yesu guna alki/iít, nee kángw waasle/uuwós.

Tlehhema'aá ya/Abuuse 17:32

Kángw waasle/ kuwa axaás, bahh'alé tari niqimís. Bahh'alé tari oó', «Atén kangwsíng u malé axaasaán looár hatlae.»

1 Korinto 9:6

Laqaá án nee Barnaba kiloorén an hariimanaakáhe gadiyeé kawa mawaan?

Ebrania 11:36

Nee bahh'alé iiara'aduú niqimis nguna slayé' nee muxta, tam kiri tsegiít ar qutúr, kiri dahamiís baraá doó tseegamo.