YEREMIA 20:2 - Biblía Axweesantá Hhohho' ar Mungú 2004

² Naagáy Pashuri Yeremia guri muúx, nee guri tseék baraá peehhoó iló' dír afkuduú bihhaá gawa oo Benyamini baraá Doó AAKOÓ MUNGUHE.

YEREMIA 20:2 Iomraidhean Croise

1 WAAWITÁ 13:4

Waawutmo Yeroboamu /aymi'ikaá heé Mungú ngiwa axaás daanduú kitangwduú ilahhooa oo Beteliro, dakós guri looloqoós amór heedaáduú Mungú, iri oó', «Heesíng oohare'.» Naxés dakós kudá' aa looloqoós hamtidár kilae iri adoodií káh, ki/isa gari sií'.

1 WAAWITÁ 22:27

Muu ku beer, ‹Heewí dahaasaak baraá doó tseegamoórí alé nee ku muruú /aymár niina i hanisá' nee ma'aay ay dír aníng nay waatl baraá slaqwaraaro ar wayda.› »

2 QOM'I 16:10

Axweesantír iigu'utusmo Hanani waawutmo Asa guna buhhtís, Hanani kway dahaás baraá doó tseegamo kway ya'a' tsegiít ar peehhoó iló'. Qoomaadár kilae waawutmo Asa muu bahh ale gway iimu/ún slahh'emisuwo.

2 QOM'I 18:23

Naagáy aarusmo Sedekia garmoó Kena'ana iri sihhiít Mikaya gway tlaaqarmo slaáhh, guri báy, «Adór qeeruú AAKOÓ MUNGÚ aníng ira geexáy niri dirók i axweesantá áy a adoomá?»

2 QOM'I 24:21

Ala inooín nguna fuqurángw i tleehhiyé', nguri tlaquutiyé' ar tlaa/e, nguri gaasiyé' ar afkú waawutmo baraá afeenír Doó AAKOÓ MUNGÚ.

YOBU 13:27

Ya'aaeé' iga tsék ar piíngu, digir wakeetingw'eé' sleémeero un tsee/aariín, nee ugwa harki/isáy qás.

YOBU 33:11

Ya'aeé' gina tawo tsegiít ar peehhoó iló', umuúqo gár án naa tleehhi gan ya/atideliít.›

YEREMIA 1:19

Inooín tan slaaqw nee kuúng, ala u baaliaaká, asma aníng nee kuúng a dinkwa as uwa ba/amis. Anuú AAKOÓ MUNGÚ tí ngina oó'.»

YEREMIA 26:10

Qoomár geeraharuusér Yuda kaangwí nguwa axás, niri amór doó waawutmoó wa tsa/ané', nay hardihiyé' ay dír Doó AAKOÓ MUNGÚ, tari iwiít dír Afkudá' /Abén oo dahmaá Doó AAKOÓ MUNGÚ.

YEREMIA 26:8

Alaá Yeremia kangwdá' sleémeero AAKOÓ MUNGÚ ngwaa báy kahaango nguwa hhe'eés dír muu sleémeero, kaahamuusér Mungú nee aaruusero nee muu sleémeero Yeremia nguri oohiyé', ta kaahi, «Naxooro laarí kuúng a gwá'!

YEREMIA 29:26

‹AAKOÓ MUNGÚ kuúng Sefania ugwa kaahamusmo wa qaás, kitángw kaahamusmo Yehoyada, kuúng an heé úr oo Doó AAKOÓ MUNGÚ. Gimáy daxta a gadiyeérók, slarhhamuú ti aarusmoó ila qamiím kuwa tsek ar píngu nee peehhoo iló'.

YEREMIA 36:26

Aluuwo wawutmoodá' Yerame'eli garmoó waawutmo, nee Seraya garmoó Asrieli, nee Shelemia garmoó Abdeli, giri ya/aáw as goousmo Baruku nee aarusmo Yeremiawo kiwa ohin, ala AAKOÓ MUNGÚ inooín gina luú/.

YEREMIA 37:13

Qoomár iwa dír Afkú dahma oo ta bay, «Benyamini» xuumusmoó wák oo ta bay Iriya garmoó Shelemia garmoó Hanania, Yeremia guri óh, guri báy, «Kuúng an /akumít as tawa haraagwa' amór slaqwaruusér Kaldayo.»

YEREMIA 37:21

Waawutmo Sedekia hara'aya gari oó', Yeremia kuwa tseegi dír afeenidá xuumuuse i xumxaaxuun, nee kuwa mikaátér i hanimisi umuú deelooro nee mukdá' mikaátér tlehhahhiít ay dír mikaatedá' ii fak baraá gixsaadae. Naagáy Yeremia iri dír afeenidár xuumuusér wa hotaatín ay qoomár gixsár Yerusalemu kawa hayóh.

SEKARIA 14:10

Yaamu sleémeero kiri warqees tay adór xatsa iimír Gebár wa tleemu ay Rimoni bihhaá Yerusalemu awa basa. Ala gixsár Yerusalemu iri gáwtí mét dirós tidá' i diri', iimír Afkú Benyamini wa tleemu ay dír afkudá' taa geerií tleéhh, ay dír afkudá' koo/i niwa warqeér slám iimír /Aampár Hananelír wa tleemu ay didá' sabiíbuú doó waawutmo kuwa tsoo/aa/iti.

Matayo 21:35

Ala doosluuseedá' sagadiyuuseedá' gari ohiín, oo wák kuri muúx, oo hatlá' kuri gaás, nee kuqá' kuri tlaquút ar tlaa/e.

Tlehhema'aá ya/Abuuse 4:3

Petro nee Yohane kiri ohín, kiri dahaás baraá doó tseegamo ay matlaatle, asma siiwadá' a tsiindo.

Tlehhema'aá ya/Abuuse 5:18

ya/abuuse kari ohín, kari dahaás baraá doó tseegamo.

Tlehhema'aá ya/Abuuse 5:40

Ya/abuuse kari ateét, kari muúx, kari hara'ayín matawa axweés ar umuú Yesu. Kiri geemáy, tari tláy.

Tlehhema'aá ya/Abuuse 7:52

Baabi'iihúng aaruusér taa máy gusisiingo a gaalá? Inooín aaruuse kana tsuú/, tidá' aa aaririin iwa kat, Kudá' Ganaá' ni hardah. Hám kuungá' ugwa saki/é' kuri gasé'.

Geehhoeemaá 17:6

Aníng ngiri tsaáhh adór /ameenidá' kara oonitiís nee tseerér múk hhohhó' sleémeero oo Mungú, nee ar tseerér mukdá' taa tsuú/ as Yesu kuwa lamabu'ún. Aníng inós ngiwa ár niri ló'wa waa/oó/.

Geehhoeemaá 2:10

Slahh'amaayeedá' kuúng ta sleer ma da'ayuutaar. Ga/aaweek, Neetlaangw kuungá' bahh'alé nu tsegiit baraá doó tseegamo, as tunduwa iiari. Nee kuungá' slahh'amu u sleerá' deelo mibaangw. Kuúng masók tu inkihhím tam ay gwa'ara, daqaní aníng slamángw slafiingw ngu haniís.