YEREMIA 20:12 - Biblía Axweesantá Hhohho' ar Mungú 2004

¹² Aá AAKOÓ MUNGÚ Aleesleemusámo, kuúng múk gan'amuú koóm un iiaraa'át, kuúng muruú baraá munér muu nee oo baraá inslawaywo u ga/eér. Aníng masók an ár wakuuser'eé' kawa li/áy bu'. Asma tí aníng nga máw gawaá dabaawók i aleeró.

YEREMIA 20:12 Iomraidhean Croise

2 QOM'I 24:22

Waawutmo Yoashi hhooeemadaá kway tleéhh nee Yehoyada baabuú Sekaria gay gunqareés, garmoó Yehoyada gway gaás. Qoomár Sekaria iwa gwagwa'an ina oó' «AAKOÓ MUNGÚ tlehhmi'iiká ngi ari, nee li/aywí ngu bui.»

WARA'AMI 11:5

AAKOÓ MUNGÚ múk hhó' nee tlakuuseero gin alqaytsimiit. Múk dabér eeharaharaaká gun ahhiit.

WARA'AMI 139:23

Mungú, aníng tsee/ariimáng, muunaáeé' xueek! Iiaaráng, iinslaway'eé' xueek!

WARA'AMI 17:3

Kuúng iga haraxeér xweeraawo, iri tsee/aariín, muunaáeé' kuri xuuxu'uún. Kuúng ina iiát, ala gár tlaakw ar taa aán i káhh baraaeene. Aníng gár tlaakw aga ooiiká afkwe'eene.

WARA'AMI 54:7

Asma iga ba/amís umuúqo slahh'amko, nee hu'uumá wakuuser'eé' ngiri ár ilte'eene.

WARA'AMI 58:10

Heé hota ganaá' i qwalalaa/ bar ngaa ár wakuuse kaa li/áy buú'. Ya'aawós gin hamaatl ar tseerér múk hota ganaa'aaká.

WARA'AMI 59:10

Mungú kuduú sla'aarirós warqawaaká ni hardah. Mungú aníng i aleesleemuú i haniis wakuuser'eé' ngiwa arbaa/.

WARA'AMI 62:8

Kuungaá muu, Mungú haratlintiaak daqisleém, slahh'amuuhúng alki/iitaak dirós i alé, Mungú a dír guwayrén.

WARA'AMI 7:9

Tlakweemaá múk tlákw mindiwa kumiitiyé', heé hotaawós ganaa'á' gawdeeseek baraá gan'amu. Kuúng, Aakoó Mungú, kudá' gan'amuú koóm, kuúng an kudá' naaqór baraá mune nee inslawoó muu gu tsee/ariím.

WARA'AMI 86:4

Muunuú sagadiyusmoowók qwal/aseek, aníng ti amoorógí haniís, Aakoó Mungú.

ISAYA 37:14

Waawutmo Hesekia barwito'o gari sláy dír ya/abuusér wa alé. Gari soomuús, iri tláy ay baraá doó AAKOÓ MUNGÚ barwito'oodá' gari gweér dír geeraá AAKOÓ MUNGÚ.

ISAYA 38:14

«Aníng ana adór halee/amó wá inini'imamiít ana hununu'umamiít adór hhookír wá ale, ilaeé' niri maa/uumitiyé' as xumsír gawa, ana oó', ‹Aá AAKOÓ MUNGÚ, aníng a slahhaá' kuúng masók a slafingw'eé'.›

YEREMIA 11:20

Ala aá AAKOÓ MUNGÚ Aleesleemusmo, kudá' sakwasleema ga adór ganaá'ár tleéhh. Kuúng munér muu nee fuqureeri'ine in tsee/aariín. Aníng masók an ár adór kuúng li/aywí ugwa bú', asma aníng umuú gaaro ngaa gawaá dabaawógií qaás.

YEREMIA 12:8

Muk'eé' kudá' naa tsawaár ugwa sakií/. Adór dirángw baraá sla/a aníng iga i /orootliyé'. Gawaá adoorihe aníng iga aáhh.

YEREMIA 17:10

Anuú AAKOÓ MUNGÚ inslawoó muu un tsee/ariím, nee munér muu an iiaraa'ár, as kahhó' umuúqo heewo nguwa buu' ar adoodá' ir hotaatin, nee adoodá' tlehhmi'iiwós i dirii'iya'.»

YEREMIA 17:18

Kudá' aníng i slahh'eemisá' ki mureekeesi, ala aníng mi mawaar tiwa mureekeesi. Kuká' ki alsi'imúy, ala aníng mi mawaar tiwa alsi'imuy. Amotlakwe ti hup. Hhaamiseek ni sagaawa tsár wa qororo'ootiye'.

1 Petro 2:23

Inós qoomár kuwa /ooslislín, /ooslima gaa tiqár buiiká. Qoomár kuwa slahh'eemiís, mukdá' gwa slahh'eemiis gwa dae tsatiiká, ala tiri qaás gawaá dabaá Mungú, kudá' sakwasleemár ganaa' ga tleéhh.

1 Petro 4:19

Gawaá adoorihe mukdaádá' ta slahh'eemisi ar adoodá' Mungú i slai, muner'ín ngi dabaá Mungú i qaasiye', asma inós a tleehharusmooín oo inkihhimuú koóm, nee inooín tawa qiqtlin baraá tlehhema'aá hhó' wa ale.

Geehhoeemaá 18:20

Kuungá' doóri, nee kuungá' múk hhohhó' oo Mungú, nee ya/abuuse nee aaruuse, kuungá' qwalaala/é' as inós. Asma Mungú gixsarí gaa sakwasleemuút as tlehhemi'iiwós kudá' inós naa kuungá' i tlehhít.

Geehhoeemaá 2:23

Nee aníng na/iiwós i faák tsu/utaaro. Nee múk kríshaanáy sleémeero gari xuu' adór aníng tar kudá' munér muu ga tsee/ariím nee inslawaywo. Nee aníng umuúqo heewo baraahunge un buú' ar adoodá' inós wa hariím as tlehhemi'iiwós kudá' aa tlehhiít.

Geehhoeemaá 6:10

Inooín tari tseeamín ar afór ur ta kaahi, «Aáko, kuúsíng hhoohhoó' nee oo looeemaá axweés, kuúng ta damraaraan ay xaylá? Kuúng sakwasleema ka tlehh a xaylá, as li/oó tseereerén kuwa bu' dír mukdá' baraá yaamuú wa hoota?»

1 SAMUELI 1:15

Ala Hana guri mu/aywáts iri ó', «Aasla'áy, aakooeé', aníng a /ameenír gurhaamuut. Aníng difaái ngaa wahiiká, tam gár oonitimis, ala aníng muunaáeé' una haniís amór AAKOÓ MUNGÚ.