YEREMIA 2:8 - Biblía Axweesantá Hhohho' ar Mungú 2004

⁸ Kaahamuusér Mungú i katká, ‹AAKOÓ MUNGÚ i amoomá?› Kudá' dabér xuá' aníng i xuiiaaká, geeraharuuse aníng iga áhh, aaruuse i aaririín ar umuú Ba'ali, nee munguaá hatlá' ngiwa haratlintaati'iya' awa gaa wasl.»

YEREMIA 2:8 Iomraidhean Croise

1 WAAWITÁ 18:22

Naagáy Eliya muu guri báy, «Aníng kil'eé' an aarusmoó AAKOÓ MUNGÚ oo aa meet, ala aaruusér Ba'ali ki ló' wa ur, inooín a tsiire tsiyáhh nee mibeeri kooán.

1 WAAWITÁ 18:29

Tana ló'wa kumiít tsimaahhiro, tari ti'ii'ín adór slarhhamaaye ay looár aa /uwaá xu', qoomár ilahhooa haniisa, kár ala heé gaa iiárií qaas i kaahh, laqaá oo gaa gaáriíi xuu' i kaahh.

1 WAAWITÁ 18:40

Eliya muu guri báy, «Aaruusér Ba'ali sleémeero ohiimare', tam oo wák miwa kotsqoót.» Naagáy sleémeero kiri ohín. Eliya giri huúw baraá yaaér Kishoni, giri tsuú/ baraadií ale.

YOBU 35:10

Ala hee i kaahh oo káh, ‹Mungú kuduú Tleehharusmooeé' i amá? Kudá' xweeraawo aníng i bar/úr áw gaálaay?

ISAYA 28:7

Múk hatlá' i deer oo aa oonimiit difaáiro, múk ta/amiít as buurár aa hamat, kaahamuusér Mungú nee aaruuseero taa oonimiít as buurár aa hamat, niri leexuutiyé' as difaái, inooín i ta/amiitiyá' as buurár aa hamat, baraá iigu'utuwo muruú aa qwaar ngun kaahiyá', nee baraá sakwasleemaro in dakumiisiyá'.

ISAYA 29:10

Asma AAKOÓ MUNGÚ qeeruú gu'utér ilo' ngi huwahuúw, ngwa gawaahúngí ku'uús, nee ilaá kuungaásaá aaruuse gina tuuntuúk, nee sagér kuungásingá' muruú araa'ará' gana giwísh.

ISAYA 30:5

inooín sleémeero ki mureekees ar loohír mukdá' inooín /iisaro gi aslawká. Múk inooín /iisaro gi aslawká sleeme ki slaasláwarí hanisiiká, ala gár ni aleeslaya' aqo har mureekeesa nee niqaay.»

YEREMIA 10:21

Anuú Yeremia niri oó', «De'eemuuse a daktu'uumít. Inooín AAKOÓ MUNGÚ ngu firirina'aaká. Gawaá adoorihe slaasláwár i slaya' i káhh. Bee/angw'ín sleémeero aa qaroó diyaaya/aát.

YEREMIA 12:10

De'eemuusér yaariir qaymor'eé' ar sabiíbu gaa hhitiín. Daqaari'iimar'eé' nga yaamií kalaa/iyé', qaymor'eé' tidá' hhoohhoo' nga xaanxay tleehhiyé'.

YEREMIA 16:19

Aá AAKOÓ MUNGÚ, kuúng an /uuruueé', nee koo/ir'eé' ar gawit, kuúng an dír guway'eé' qoomár slahh'amuwo! Xoordaá badu sleémeero awa yaamu nin amoorók i hardihiyá' tawa kaahi, «Baabi'iirén gár taa aál i káhh, aqo har munguaá lama, muruú tawo oo slaasláwár koomaaká.

YEREMIA 18:18

Naagáy muu iri oó', «Qwalaasé', Yeremia u garkaárí tleehhaán, asma atén kaahamuusér Mungú ar ti intsaahhatimis a dakuusanaaká, nee múk sageloén oo ti gurbuú', nee aaruusér axweesantá Mungú alki/iita. Qwalaasé', u sakwasleemutaán ar axweesantós ar kilá', axweesantós tidá' i kaahi mawa iiárií qaasaán.»

YEREMIA 2:11

Xáy, xooro tam ar wák iqo deéro ar munguiiwós gaa warqes, tam munguaá kilaeekahe. Ala muk'eé' aníng iga geexáy, anuúduú Munguú kilá', munguaá' hatlá' ngiri eehariyé'.

YEREMIA 2:6

Inooín taa yaahasi'iiká, ‹AAKOÓ MUNGÚ kudá' atén taa baraá yaamaá Misrír wa duux i amá? Kudá' atén taa geeraharahaar baraá darmuuwo nee yaamaá xaanxaay nee boh'e, baraá yaamaá kaahaar nee awa ma/ami, yaamaá muu ira waaraahhiiká nee awa ta hootiiká.›

YEREMIA 4:22

AAKOÓ MUNGÚ i kaahi, «Muk'eé' a daktana, aníng i xuiaaká. Inooín a na/aá iimibo/ gár i tsatshhana' i káhh. Inooín lohdaá tlakweema tlehhit ngi xuiyá', ala kángw hhó' tleehhtuuwo ngu xuiaaká.»

YEREMIA 5:31

Aaruuse i lamtá aariiriín, kaahamuusér Mungú muu gun geeraharaahát ar sager'ín, slám muk'eé' adoodá' ga slaa'. Ala alhhe'eesoó tí birna xáy, adór ta /isa' a adoomá?

YEREMIA 7:8

«Ga/aawaak, kuungá' axweesanoó lama una harahhifé'.

YEREMIA 9:14

Ala inooín muner'ín ngina gawdeesiyé' nee Ba'ali nguri eehariyé' adoodá' kira intsaahhatís nee baabi'ii'ín.› »

ESEKIELI 22:26

Kaahamuuser'ín daber'eé' ngina si'iyé', xooslar'eé' tidá' hhohho' ngina meetagasiyé'. Inooín muruú hhohhó' nee kudá' hhohhoeekahe paraatlaro ngwa harslaaqatiyé', slám muu ngu intsaahhatimisiaaká daanduú muruudá' slasla/arén nee oo hhohhoe. Inooín slám deelor'eé' ar Sabaáto ngi boo/eemisiaaká, inooín aníng tiri ilaiwawa/i'iiká.

ESEKIELI 34:2

«Heewí, aariím daanduú de'eemuusér Israeliwo. De'eemuuse kabeeto, anuú Aakoó MUNGÚ a kah, ‹Tsaxwaahúng, kuungaásingaá de'eemuusér múk Israeli, kuungaásingá' ti kiloohúng /aymisá'. Xáy, hariimaro a de'eemuuse bee/angw'eé' gun /aymiskáhe?

HOSEA 4:6

Muk'eé' aa qwaár asma án ti xuiiká. Asma adoodá' kuúng án ira sí' xu'utiro aníng daxta kuúng u sií' tawa kaahamusmooeé'. Asma adoodá' kuúng hara'ayár Munguúwók kara geexeér, aníng sleeme na/iiwók i sií'.

HABAKUKI 2:18

«Munguú slaqsaay oo taa tléhh ar daba' gár uwa bui, inós bar muqslír hee aa kwahhuút, gaa barqo lamtá tawo. Heedaádá' murslaaqat gwaa tleehh nguwa malé harahhifi gár nguwa bui, munguúwós kwí i qamin bar munguú murslaaqatuú axweesantá aslawká.

Matayo 16:26

Ala tam hee yaamu sleémeero ngi slaya, gár nguwa buiya' a milá, bar slafiingós aa qwaár? Laqaá hee gár i duuxi a umós ar slafiingós ngur ki/isi?

Luka 11:52

«Kuungá' intsaahhatuusér hara'ayár Mose, a tsaxwaahúng, asma kuungá' gweermór xu'utír mura' aga hayoté', ala kuungá' kilá' muruudá' ugwa gaárií xui'iiká kuwa xua', slám mukdá' muruudá' xu'utír wa slaá' ugwa ila/é'.»

Yohana 16:3

Adoorí kan tlehhiit asma Baabá kuwa xuiiká, nee aníng sleeme ti xuiiká.

Yohana 8:55

Kuungá' ugwa xui'iiká, ala aníng u xuú'. Barnaxes aga oó' u xuaaká, aníng a lamusmo tleehhiít adór kuungá' wa ale. Ala án u xuú', nee axweesantós aga óh.

2 korinto 4:2

Atén tlehhemi'iidá' sleémeero awa getlakw nee awa murér koomá' iga mawaán. Al/ayma a tlehhiitanaaká, nee slám axweesantá Mungú a warqeemisanaaká. Ala atén tin kiloorén xu'utisaán dír umuúqo heewo, ar looeema kiwa alki/iitaan ar geehhooeema dír geeraá Munguhe.

DABE 33:10

Nee na/aá Yakobo ngi intsaahhatisiye' kaahiroge, múk Israeli dabeeroge ngu intsaahhatisiye'. Mooyángw tsuú' nguri geeraawók i qaasiyá' nee ilahhooár da/a sleémeero gawaá kitaangók oo ilahhooa.

1 SAMUELI 12:21

Ma bihhií warqawaara', asma muruú gaa wásl oo slaasláwár koomaaká kuwa sagadiyusa' oo alee/isoó huwaaká sleeme i ba/amisiká, asma gár iwa harin i káhh.

1 SAMUELI 2:12

Daaqoó Eli a múk iia waslén, AAKOÓ MUNGÚ ngu gaárií xuiaaká,