YEREMIA 2:37 - Biblía Axweesantá Hhohho' ar Mungú 2004

³⁷ Nee slám ni amoodá' wa kí/ daba' kiwa gawaá ságw i qás as mure. Anuú AAKOÓ MUNGÚ kudá' kuúng ta haraxu' aníng iga sií', slám alee/isay'ín gár uwa bui i káhh, ala kuúng alee/iisaro u aleeslayká.

YEREMIA 2:37 Iomraidhean Croise

2 SAMUELI 11:12

Naagáy Daudi Uria guri báy, «Diirií meeteek laarí, matlo ta wátl.» Baalaadae Uria ina meét baraá gixsár Yerusalemu. Looaytleérós,

2 SAMUELI 13:19

Naagáy, Tamari da/ara gari slík gawaá sagós, hiyaywós kudá' guri feehhís, dabaawós giri qás gawaá saga, iri tleér i haratseeamiín /aa/eewo.

2 QOM'I 13:12

Ga/aawaak, Mungú inósuú kilá' an geeraharusmoorén, nee kaahamuusér Mungú i taruumbetadaá koón, taa amohhe'és ufahharo, as tawa layár slaqwara imu/uuma nee kuungá'. Kuungá' múk Israeli, ma slaqwara' nee AAKOÓ MUNGÚ, Munguú baabi'iihúng, asma kuungá' a baloó baalinda'aaká.»

ISAYA 10:4

Gár ti meta' aqo an kulala'amitá' tla/ángw múk taa tseegi, laqaá an pahhá' baraá tla/ángw múk ta baraá slaqwarár wa tsu/i. Tam adoorihe, AAKOÓ MUNGÚ muneerós gaa gu/iiká, tam hamí dakós i loloqoosárí kaahh.

ISAYA 28:18

Daqaní alqadorhúng tidá' taa tlehhé' nee gwa'ara iri paysút, kangwdá' nee gi'i tiwa axweesani sleeré' i tleehharutiiká, qoomár amotlakwe burna i hardát, kuungá' sleémeero nun yaamií dahás.

YEREMIA 14:3

Múk urén ta sagadiyuuser'ín ya/abiit as tawa ma'aá hheeki, ala ma'aay kaa slayká. Inooín tana waátl ar dahhaaroó kaaharén, sage ngiri tuuntukuné' as mure nee amoqwaqwadiingw.

YEREMIA 14:4

Doosluuse i gurhamút baraá muner'ine, sager'ín gari tuuntúk mureero, asma tluwaay iwa kahhi nee yaamu kiwa kaahaár.

YEREMIA 17:5

AAKOÓ MUNGÚ i kaahi, «Heé hee gu harahhiíf i tsarere'eeti, kudá' handá' /uuruú hee gwaa harahhiif, kudá' baraá muunaáwose AAKOÓ MUNGÚ gwaa sii'.

YEREMIA 2:36

Ahaá waáy, gár tisa adoorír inslaahhés, tleehhmi'iiwók kis adoosír warqeemis? Tu mureekees nee múk Misri adoodá' tura mureekeés nee múk Ashuru.

YEREMIA 22:20

Kuungá' múk Yerusaleému, tsa/amé' gawaá Lebanoni, /aa/é', aforhunge tsee'é' amór Bashanír wa alé, /aa/é' amór tloomár Abarimu wa alé, asma sla'aaruuseerhúng sleémeero kaa hhaamiís.

YEREMIA 22:30

AAKOÓ MUNGÚ i kaahi, «Heewí kaangwí ti gooiin tawa adór heé na/aá koomaaká, a heé gaa tleehharo ga aleeslawaaká baraá hotaawose. Asma baraá xwaylarose hee i kaahh oo kitángw waawuti'iimár Daudi gu i iwiít, nee oo xoorór Yuda ga sawaawuti'iím.»

YEREMIA 32:5

Sedekia kun ar tláy ay yaamaá Babuloni, inós iri hoot amoodá' wa alé ay dír aníng ngway artá aw. Tam geeraawo Sedekia ti muxiia nee múk Kaldayo i baloó baalinká. Anuú AAKOÓ MUNGÚ tí ngina oó'.› »

WA/AA/I 4:17

Ilaarén naa buqanumitiyé' as alee/isaay kuwa daamaramaan, baraá dal'amaayerene xoorór ba/amisaro ti aleeslawaaká ana daamaramaán.

FAARO 14:41

Ala Mose iri oó', «Ahaá waáy, kuungá' mas malé kumitá' hara'ayár AAKOÓ MUNGÚ siaasiuwo? Adoosinge kuungá' dír ta eera' i káhh tam ar niiná!