YEREMIA 2:3 - Biblía Axweesantá Hhohho' ar Mungú 2004

³ Múk Israeli a múk hhohhó' dír AAKOÓ MUNGUHE, xwaylarós tidár baris. Heé gi gár tlaákw i tleéhh i hhitiruut, amotlakwe ga sláy.› Anuú AAKOÓ MUNGÚ tí ngina oó'.»

YEREMIA 2:3 Iomraidhean Croise

TI'INAANGW 22:29

«Ma tligaar bu'úngw hargeera kuduú baraá qaymoorók daáhh kuwa hup, nee difaáiro. «Barismoowók ngun aníngí hanís.

TI'INAANGW 23:16

«Slám deelór ur ar bu'úngw geera oo gadiyérhúng tleehhaak, nee ar bu'úngw baraá qamuuhúng daáhh. «Deelór ur ar balangwhúng kuwa burumburiinda' an tlehhá' umuú kurko, qoomár bar bu'úngw gadiyérhúng burumburiindá'.

ISAYA 41:11

Ga/aaweek kudá' kuúng ugwa i buhhiye', iga mureekeés nee kaa baál. Kudá' nee kuúng ti tlaampa'aamisá', inooín a gár tawo nee ki hhaamiis.

ISAYA 47:6

Aníng muk'eé' una i buúhh, aalir'eé' ngiri meetagaás, ngiri haniís gawaá dabaawók i alé, ala kiíng iga gurtleeriiká, qoomaadaádae kiíng bariise ana huwár iloói tsa/ás.

YEREMIA 12:14

AAKOÓ MUNGÚ i kaahi, «Aníng gár ni oo' i deer dír inslaawoó múk Israeli, kudá' yaamaá naa muk'eé' haniís nga hhitine'. Ga/aaweek, Mukwí tlákw aníng un hingeés baraá yaamuuine. Tam múk Yuda un hingeés baraá yaamuuine.

YEREMIA 2:4

Axweesantá AAKOÓ MUNGÚ iiárií qaasaak, kuungaá múk Yakobo nee xwaylár múk Israeli sleémeero.

YEREMIA 30:16

Ala kudá' sleémeero kuungá' nu hhaamiisár wa sla'á' ki hhaamiis. Wakuuserhúng sleémeero kar tláy baraá loohaay, kudá' kuungá' naa gaa wa hayohiye', muruuín ku hayoh sleeme. Kudá' kuungá' naa slakaatiyé' aníng in slakaát.

YEREMIA 50:7

Umuú gár gaa harasliqiti gina /ák. Wakuuser'ín giri beer, ‹Atén ti tlakweeká asma inooín AAKOÓ MUNGÚ nguna sadakuusiyé', kuduú qawtantaín ar ló', AAKOÓ MUNGÚ kuduú harahhifór baabi'ii'ín.›

Yoeli 1:3

Na/iihúng ádbawaak, na/iihúng na/ii'ín ngi ádbaye'. Nee na/ii'ín qartá hatlá' ngi ádbaye'.

AMOS 6:1

Tsaxwaahúng kuungaásingá' aga yaandahhe'eese' baraá Siyoniro, nee tsaxwaahúng kuungaá amohhooár hootá' gawaá tloomár Samaríaro, tunduwa ga/ay a waawituú xooroodá' iia tleer tidá' múk Israeli aa haraahhiíf.

HABAKUKI 1:11

Inooín tari waaraahh ar gaanslaay adór fur'a, tlakweema ngin tleehhiyá', i diiqiiaaká asma /uureemooín an adór munguúín.»

SEKARIA 1:15

Ala aníng xoorduudaá baraá diihhooár hootá' ina buhhtisiyé'. Ar ló' aníng múk Israeli una i buúhh gár niinawe, ala xoordu slahh'maayedá' ngina doogiyé'.›

SEKARIA 2:8

AAKOÓ MUNGÚ Aleesleemusmo, kudá' iga ya/aaw as xirfuuwós daanduú xoorduudá' kuungá' na loohatisi'i i kaahi, «Heé kuungá' naa kwatiit, a maamár iltaeé' gana kwatiít.

FAARO 18:12

«Aníng mura' sleémeero kudá' hhohhó' oo múk Israeli naa aníngí haniís adór di/tá hhohho', nee difaáiro nee balángw geera ngu kuúngí haniís.

Rumi 11:16

Mukatmoodá' taa geerií tleéhh barnaxes ku hhoohhoó', as adoodá' kuwa haniís amór Mungú, xwaanteedár mikaáte kara tleéhh sleémeero ka hhoohhoo'. Nee barnaxes dee/aruú xa'ano ku hhohhó', haleemi sleeme ki hhohho'.

Rumi 16:5

Múk kríshaanáy kudá' baraá dooín wa saalaaliím intsihhiisaak sleeme. Epaineto, sla'aarusmooeé', intsihhiisaak. Inós baraá yaamaá Asiaro a heé Kristo gwa geerí ya/an.

Efeso 1:4

Inós iimír yaamu ngiwa tleehhiiká, atén tina qaroó tsawaár ar baraá Kristo, as tawa múk taa hhoohhooeés oo xaslxaanslír koomaaká dír geeraawose asma sla'aarirós.

DABE 14:2

Asma kuungá' a múk hhohhó' oo AAKOÓ MUNGÚ, Munguúhúng. Kuungá' AAKOÓ MUNGÚ naa tsawaár as tawa mukós dír tla/ángw múk gawaá daanduú yaamu sleémeero.

DABE 26:19

Kuungá' nu xoorór ur tleehh ta xoorduukaá hatlá' sleémeero aa tlehhahhiít ba/a, as kuungá' inós kuwa xirfayeemisa', nee kuwa aleekala/a', nee kuwa ilaiwawaa/a'. Kuungá' tari mukós oo hhohhó' adoodá' AAKOÓ MUNGÚ, Munguúhúng ngira al'axweés.»

DABE 7:6

Adoorí tleehhaak, asma kuungá' tunda paraátl as AAKOÓ MUNGÚ, Munguúhúng. Kuungá' AAKOÓ MUNGÚ nuna tsawaár baraá tla/ángw xoorduuwo as tawa mukós oo kilá'.

Yakobo 1:18

Gawaá sla'aarirose inós atén tina laqwaál ar axweesantá looeema. Adoorí gana tleéhh as atén tawa adór bu'uungós tleehhitaan, kudá' aa giirin, baraá muruuwós kudá' sleémeero aa tleehhi.

1 Petro 2:9

Ala kuungá' a xoorór taa tsawaár, kaahamuusér waawuti'iimár Mungú, xoorór hhoohhoo', xooroodá' Mungú aa tós tleéhh, as kuungá' tlehhemi'iiwós kudá' xirfayen kiwa alki/ita', kudá' inós aa tleéhh. Inós kuungá' nuna ateét baraá giwtír wa ale, nuri dahaás baraá gwa/aateemaawós kudá' waa/oo/amór koomá'.

Geehhoeemaá 14:4

Mukwí an kudá' taa slasla/aareemisiiká ar /ameena. Inooín taa duuxuxunká. Inooín Deelmoó bee/i kun eeharahaar amór inós iqo kaya. Inooín kaa tlaáxw baraá múk wa ale as tawa bu'úngw geera oo Mungú nee oo Deelmoó bee/i.