YEREMIA 2:25 - Biblía Axweesantá Hhohho' ar Mungú 2004

²⁵ Múk Israeli, kuungá' ya/ataahúng hi'iitanoro mindiwa tawo faakiyé', laqaá hheehharók miwa tawo kát! Ala kuúng a kat, «Harahhifo i káhh tam ar niiná, asma munguaá múk hatlá' ina ló'wa slaá', aníng inooín in eehár.»

YEREMIA 2:25 Iomraidhean Croise

2 QOM'I 28:22

Qoomár waawutmo Ahasi iwa baraá slahh'amuú i dirii'i, ina ló'wa dee/anuút dír AAKOÓ MUNGUHE.

2 QOM'I 28:23

Asma ilahhooár muruú ta tsu/i gana haniís dír munguidaá múk Damasko, kudá' inós ngwaa baaliye' slaqwaraaro, as iwa kaahi, «Asma munguiiká' bar waawituú Aramu nguna /iisiyé', aníng bira ilahhooár muruú ta tsú/í haniís sleeme i /iisiyá'.» Ala munguiidá' inós nguna ak hhaamiisiyé' nee xoorór Israeli sleémeerowo.

ISAYA 2:6

Asma kuúng mukók oo Israeli ugwa sí', asma da/aluusér da/aáw daahh baraá ayaaín gwaa dalá/. Múk tlaa/aá xuú' i deer, adór múk Filisti, taa aldinku'uús nee hooma.

ISAYA 57:10

Kuungá' loohír tleer naa qaroó slaaqatimís ala kuungá' a kat'aaká, «Gaarí a gadiyér tawo.» Kuungá' /uuruú /abén kuri sleeré' an gár tasa /ararandi'iiká.

YEREMIA 13:21

Hám daxta ma kát kudá' taa haraxú' tawa mulqe, kudá' kuúnguú kilá' taa intsaahhatís, barnaxes ugwa arba/iyé' nee ugwa sawaawuti'iné'? Xáy, a ló'wa slahhá'áke slahh'amaayér adór tiqár /ameenír baraá asltá xwaylár i dirii'?

YEREMIA 13:22

Kuúng bara baraá muunaáwógií ó', «Ahaá waáy, gár kaangwí isa sláy?» Asma tlakweemadá' ur taa tléhh, an gár tusa /aankweetsiís, nee an gár tusa óh ar /uuru.

YEREMIA 14:10

AAKOÓ MUNGÚ daanduú mukwihe i kaahi, «Ar ló' inooín leehaád nguna intsaahhiyé', ala inooín ta hintiqisiiká tlakweema tlehhtuuwo. Gawaá adoorihe anuú AAKOÓ MUNGÚ inooín i ilaohaaká. Tlakweemaín i gunqaresaaká, nee in sakwasleemuút as tlakweemaaín.»

YEREMIA 18:12

Ala inooín i kaahiya', ‹Tisíng a tawo. Adoorén tidá' ta sla'aan an eeharaán, nee umuú heewo in hoot ar adór aa ár baraá muunaáwós kudá' tlaakwe.› »

YEREMIA 2:31

Xaysé', múk Israéli, te'eé' tí ni kah iiárií qaasaak, aníng a AAKOÓ MUNGÚ. Xáy aníng aga darma tleehhíti dír Israeliwo, laqaá aga yaamaá giiwá' tleehhíti? Ahaá waáy, muk'eé' masta kaahi, «Atén a múk amohhoó', ni amoorógií daqawanaaká?»

YEREMIA 22:20

Kuungá' múk Yerusaleému, tsa/amé' gawaá Lebanoni, /aa/é', aforhunge tsee'é' amór Bashanír wa alé, /aa/é' amór tloomár Abarimu wa alé, asma sla'aaruuseerhúng sleémeero kaa hhaamiís.

YEREMIA 22:21

AAKOÓ MUNGÚ ina axweés nee kuungá' qoomár tawa baraá diihhooa, ala kuungá' tari oé', «U iiárií qaasanaaká.» Adoorí an adoodá' tar hotaatinda' iimír tawa masoomba. Kuungá' afór AAKOÓ MUNGÚ aga iialooesi'iiká.

YEREMIA 3:13

Kuungá' tlakweésarhúng kilós na hhu'uu'umaak, tidá' anuú AAKOÓ MUNGÚ, Munguúhúng, iwa ahhé', nee munguaá hatlá' kiwa slaé' sluufmisuuwo dír umuúqo gamuú xa'anoó loo/o naa/e, nee afor'eé' kari iialooesi'iiká. Anuú AAKOÓ MUNGÚ tí ngina oó'.

YEREMIA 44:17

Ala atén umuú gaaro ar ta lo'ór wa /ayaán aqo an tleehhaán, mooyángw tsuú' kuwa da/aa/amaan dír waawuto'ór doori, nee ilahhooár tsiririxiisa an dirós i haniisaán, adoodá' ta tlehhahhitaan atén nee baabi'iirén, nee waawitaárén, nee geeraharuuseerén, baraá gixsadá' Yudawo nee baraá lohdaá Yerusalemuwo. Asma qoomár adoorí kawa tlehhahhitaan muruú /aymár yaariír una slawaán, diihhooár yaariir ana slawaán, nee gár tlaakw ar taa araán i káhh.

WA/AA/I 1:2

Inós xweeraawo in /aa/amaamiín as slahh'amu, hhirhheeri nin gororoxeeliná' gawaá tlaaqarmaawo, baraá tla/ángw sla'aaruuseerós sleémeero oo gaa gurkwa/as i kaahh tumu wák. Inós kaa al/aáy nee mulqeerós sleémeero, inooín naa wakuuseerós tleehhitiyé'.

WA/AA/I 4:4

Afér na/aá ninakw aa kahaakát waxeero, i mak muruú /aymár firiiriná' ala heé gi qáw i kaahh.

ESEKIELI 20:32

Kuungaáká' kaahá', ‹Atén a adór xoordaá hatlá' tleehhitaán, nee tlahh'aá yaamaá hatlá', as xaai nee tlaa/e kiwa sluufmisaan.› Tisíng ta baraá munerhúng i kata' i baloó ya/aandaaká.»

HOSEA 2:3

Bir axamiská aníng a tlaba' hingeés, gwe'eedo gay tsee/áy tsát, ngiri ki/ís adoodár bál kingiwa laqwaál, inós ngiri adór xaanxaay tleéhh iri mét ar pakáy, ngiri gaás ar waxe.

HOSEA 2:5

Asma aayor'ín tsaatu'uuma gaa tléhh, tidá' inooín gaa tsit, muruú alsi'ím guna tléhh, asma ina ó', «Aníng nee mulqer'eé' an alhi'iimitaán, kudá' i muruú /aymár i slaslaawá' nee ma'aay, nee tsitaay nee di/i nee xuftaro.»

MALAKI 3:14

Kuungá' ana katé', ‹Slaasláwár dáw i káhh, Mungú kuwa sagadiyuusi. Gár naa slawaán a milá hara'ayaarós kawa oohaán, nee tawa daqawan ar gurhaami dír geeraá AAKOÓ MUNGÚ Aleesleemusmo?

Luka 15:22

Ala baabá lawaaleerós gari báy, ‹Inqwaarír hhoo' huwaare' ar gaanslaay, tsiitisaak, dakós mungáy qaasaak, ya'a' ya/atáy dahaasaak.

Luka 16:24

Daqaarmoodá' iri tseé' amór Abrahamu iwa kaahi, ‹Baabá Abrahamu, án gurtlawáng. Lasaro ya/aaweek ma'aay ngi tikiisi ar diitsarós, tsifrangw'eé' ngu tse'eesi, asma baraakae asla i ló'wa slahh'eemís.›

Rumi 8:24

Asma atén ana ba/amán ar baraá haraxu'uti. Ala gadá' taa haraxuaán barnaxes aga araán adór kara boo/eés, gadá' daqaní a haraxu'utirooká. Asma hee gadaádá' i ga/ay adór ngir haraxui?

DABE 28:48

Gawaá adoorihe, kuúng daxta wakuusmoowók kudá' AAKOÓ MUNGÚ ni amorógi tleesi un sagadiyús, qwari uri didií gaas nee waxeero nee /aankwetsuwo, nee umuúqo gaaro kari dakús, kuúng turi himuú muqslírár tseek ay dír tay hhaan.

DABE 32:16

Inooín nguna dá/tár ayé' ar munguaá hatlá', ar tlehhmi'ii'ín kudá' slasla/arene nguri buhhtisiyé'.