YEREMIA 2:23 - Biblía Axweesantá Hhohho' ar Mungú 2004

²³ Xáy, adór hám tar o', «Aníng ti slasla/areeká, munguaá Ba'ali iga eehariiká.» Qaytsiít, tlakweemadá' taa tléhh baraá xatstaqá' wa aleeró, ga/aaweek adoodá' taa amorqá' wa tléhh. Kuúng a adór damár ar angamía buka ar /akuutár slaa', tidá' ti'iim amooqá' nee tiqae,

YEREMIA 2:23 Iomraidhean Croise

ESTA 8:16

Múk Yahudi gwa/aateema giri sláy nee qwala/ nee bara/ nee ilaiwa/amero.

WARA'AMI 36:2

Birta i qaytsiít, tin kilós hheehhe'eemiis, asma tlakweemaawós mikiwa tsaáhh as kahhó' mukuwa aáhh.

WARA'AMI 50:21

Adoorí an adoodá' taa tléhh, aníng nay xasliít. Kuúng kawa xu' aníng aqo adór kuúng. Ala aníng kuúng u iigahhaát, muruuwí sleémeero ngu geehhoeés dír geeraawógí alé.»

AXWEESANOÓ SAGALOOA 28:13

Heé tlakweemaá lu/u/uúm amohhooa ga baloó slayká. Ala kudá' tlakweemaawós gaa gwadiidin giri máy tlehhtuuwo ku gurtláy.

AXWEESANOÓ SAGALOOA 30:12

Mukko i deer oo ti hhoohhooeemiís ar afer'ín Ala iringér'ín kaa hamaatliiká.

AXWEESANOÓ SAGALOOA 30:20

Hotaá /ameenír fuquso'o a adoorí, in /ayiín, afkós guri fíts naagáy iri o', «Gár naa tlakweés i káhh.»

YEREMIA 14:10

AAKOÓ MUNGÚ daanduú mukwihe i kaahi, «Ar ló' inooín leehaád nguna intsaahhiyé', ala inooín ta hintiqisiiká tlakweema tlehhtuuwo. Gawaá adoorihe anuú AAKOÓ MUNGÚ inooín i ilaohaaká. Tlakweemaín i gunqaresaaká, nee in sakwasleemuút as tlakweemaaín.»

YEREMIA 16:10

Qoomár bár kuúng /aymi'iiká' sleémeero iga dír múkwí ó', inooín kuúng turi yaahaas tawa kaahi, ‹Ahaá waáy, gár AAKOÓ MUNGÚ atén tis i xaraasli? Dakumisuurén a milá? Ahaá tlakweemaá taa AAKOÓ MUNGÚ, Munguúrén i tleehhaán a milá?› »

YEREMIA 2:36

Ahaá waáy, gár tisa adoorír inslaahhés, tleehhmi'iiwók kis adoosír warqeemis? Tu mureekees nee múk Misri adoodá' tura mureekeés nee múk Ashuru.

YEREMIA 3:2

Axáy ilaawoge sagér tlom'i xuxueek. Dii a diimá ar kuungá' nee inooín tawa alqati'iiká? Mulqeerók ana daamaraán bihhaá loohír wa aleeró adór Ma/araábuduú baraá xaanxaay. Yaamu iga meetagasé' ar tsaatu'uumarhúng tidá' slasla/aruuwo aa harwaarahh.

YEREMIA 31:22

Ta baabaqaamamisa' ay xaylá, kuungaákaá inkihhimu wasl? Asma aníng gár dimbé, ar /aben daanduú yaamuwo aga tleéhh, ‹/Ameeni hhawaata gu xuún.› »

YEREMIA 7:31

Kitángw ilahhooa ki hanmiisi nguri tleehhiyé' didár gawa ta bay Tofeti, baraá xatstá garmoó Hinomu, as na/ii'ín awa daaqaay nee awa dasu kiwa da/aa/an ilahhooár wa ale. Gaarí aníng aga baloó dir'ín i hara'ayimiiká, sleeme aga inslawiiká.

YEREMIA 9:14

Ala inooín muner'ín ngina gawdeesiyé' nee Ba'ali nguri eehariyé' adoodá' kira intsaahhatís nee baabi'ii'ín.› »

HOSEA 1:2

Wa'aá geeraawo AAKOÓ MUNGÚ ina axweés dír múk Israeli ar afkú Hosea. AAKOÓ MUNGÚ Hosea guna báy, «Tláw, harér tsaatuso'o duuxeek, nee na/aá tsaatuuse kiwa sleer, asma ayaawí tsaatu'uumár yaariir gaa tleéhh ar AAKOÓ MUNGÚ kuwa geexáy.»

Luka 10:29

Ala heedá' tina kilós gan'amií harafaár, iri Yésú yaahaás, «Ahaá, inslaawmooeé' a heemá?»

Rumi 3:19

Ala a xuaán axweesanaydá' sleémeero hara'aya i kat, kwaa oó' dír mukdá' sleémeero baraá waawuti'iimár hara'ayár wa hoót. Gár axweesanaywí oo hara'aya kusa oó', a umuúqo heewo kuwa xasltisi, nee muu sleémeero kuwa sakwasleemuuti nee Mungú.