YEREMIA 2:21 - Biblía Axweesantá Hhohho' ar Mungú 2004

²¹ Aníng kuúng una dahaás adór dahaasíngw sabiíbu oo taa tsawaár, dahaasíngw hhohhó' oo sabiíbu. Ahaá daxta baré aga hhiturút, aga warqeér aga sabiíbuú sla/a tleehhít?

YEREMIA 2:21 Iomraidhean Croise

IIMU/UUNGW 18:19

Aníng inós una tsawaár, asma na/iiwós ngiwa hara'ayin, nee na/aá na/iiwós, loohír AAKOÓ MUNGÚ ngiwa oohiya', as gan'amu nguwa tleehhiya' nee sakwasleema, as AAKOÓ MUNGÚ al'axweesantós dír Abrahamuwo ngiwa boo/esi.»

IIMU/UUNGW 32:28

Heedaádá' iri oó', «Kuúng tu malé bayká Yakobo, ala tun bay Israeli, asma nee Mungú tina /ootsité', nee muu sleeme, kiri arbá/.»

WARA'AMI 105:6

kuungá' xwaylár Abrahamu sagadiyusmoowós, kuungaásingaá xwaylár Yakobo kudá' aa tsawaár.

WARA'AMI 44:2

Kuúngú kilá' múk xoordaá hatlá' una tlatlahhás ar /uuruuwók, ala yaamuuín kiri mukók i dahás, xoordaá hatlá' kiri slahh'eemís, ala baabi'iirén kiri diihhooatís.

WARA'AMI 80:8

Sabiíbuú Misrír daáhh nguna húp, xoordu kiri gús kway dahás.

WARA'AMI 80:9

Sla/a ana fíts, inós dee/áruuwós guna sihha hhe'eés yaamu giri hatsiís.

TI'INAANGW 15:17

Aá AAKOÓ MUNGÚ, kuúng inooín in húp, kiri qás gawaá tloomadár aalirók, didá' taa tléhh tawa dír hotaawók. Aá AAKOÓ MUNGÚ, in húp ay didá' hhoohhoo' taa tléhh ar dabaawók.

ISAYA 1:21

Gixsarí inkihhimuú koom, adór ira tsaatuso'o tleehhít! Inósadá' sakwasleemár ganaa'a haats, inósadá' hotaá ganaa'á' gira hot, ala hamí aa tsu/utuso'o tleehhít.

ISAYA 27:2

Baalaadae AAKOÓ MUNGÚ in ooi, «Daa'aangw oohaak as qaymor'eé' tidár sabiíbu sla'atamis.

ISAYA 41:8

Ala kuúng Israeli a sagadiyusmooeé', nee kuúng Yakobo, una tsawaár, xwaylár Abrahamu mulqumooeé'.

ISAYA 5:4

Xáy, gár naa tleehhiiká baraá qaymor'eé' ar sabiíbuuwo a milá? Qoomár gár naa haraxuú' tawa sabiíbu mamaá hhohho' ngin laqwaal, aluuwo gár aa laqwaál mas sabiíbuú sla/a?

ISAYA 60:21

Muu sleémeero tari múk hota ganaá'. Inooín yaamu kin aal ay alhhe'eesay wasle. Inooín an harma/itaeé' ar dabaaene naa dahaás. As kahhó' aníng ti xirfayees.

ISAYA 61:3

Kudá' tsuunqumiisá' baraá Siyoniro. Slamángw /ayo nguwa slaya' kitángw da/araro. Di/tá qwala/ ngiwa haniis kitángw tawa tsuunqumiisi. Tlabaá xirif ngiwa haniis kitángw muneesi'imaawo. Daqaní inooín kin bay «Ti'itaawér hota ganaa'. Dahaasíngw AAKOÓ MUNGÚ, as kahhó' inós kuwa xirfayeesi.»

YEREMIA 11:16

Qoomarkaaro aníng ana oó'. Inooín an xa'anoó seituúnír loo/o naa/, seituúnír hhohho' nee ar mamaá hhohhó' koom. Ala hám daxta ar afór adór kwarara/ár ur xa'anoowí un daá/ ar asla nee haleemiiwós in hhaamiís.

YEREMIA 11:17

«Anuú AAKOÓ MUNGÚ Aleesleemusmo, kudá' kuugá' naa qaas baraá yaamuuká', amotlakwe ngi gawaahúng i huúw, kuungá' múk Israeli, nee oo Yuda asma tlakweemaadá' taa tlehhé'. Aníng iga buhhtisiyé' as mooyángw tsuú' nguwa da/iyé' dír munguúdá' ta bay Ba'ali.»

YEREMIA 5:10

Tlawsé', waaraahhé' ar baraá qamuuwós awa sabiíbu, umuú gaaro hhitimaak, ala ma ak faaka hhe'eesara'. Haleemiiwós na tsataak, asma awa AAKOÓ MUNGUHEEKÁ.

WA/AA/I 4:1

Xáy, adór sahaáburén ira boo/áy, adór sahaábu hhohhó' ira warqáy! Tlaa/aá hhohho' tsee/a ngaa tsataatiyé' baraá umuúqo loohiro.

ESEKIELI 15:2

«Heewí, xáy xa'anoó sabiíbu kun ak hhoóe ta xaa'aá baraá sla/ato?

Matayo 21:33

«Slaqsoó hatlá' iiárií qaasaak. Heeko i deer oo do'ós koóm. Inós sabiíbu guna dahaás baraá qaymoorós. Qaymo gari yaáw. Bohóngw mamaá sabiíbu ngiwa tsoo/iti guri foól baraá tla/ángw qaymo. /Aampár xuuma gari tleéhh. Qaymo gari saayín dír doosluuse, iri aa'aá káy.

Marko 12:1

Yesu iri dir'ínií axweés ar slaqsi'i, giri báy, «Heeko xaaikaari ta bay sabiíbu gina dahaás, giri yaáw. Bohoongw guri foól oo ma'aá mamaá xaaidá' ngiwa tsoo/iti. /Aampár xuuma gari tleéhh. Qaymoorós gari dír múk i saayín. Inós iri aa'aá káy.

Luka 20:9

Yesu slaqsaywí guna ar axweés dír muu iwa kaahi, «Heeko xaaiikaari ta babay sabiíbu gina dahaás baraá qaymoorós, nee qaymo gari saayín dír doosluuse. Inós iri aa'aá káy amór yaamaá saawá', iri amoodá' wa hoót deelór yaariire.

Yohana 15:1

«Aníng a xa'anoó sabiíbu kuduú ló', nee Baabuúeé' an dooslitmo.

DABE 32:32

Asma xa'anoó sabiíbuuín a xa'anoó Sodomár daáhh, dír kunguwa huúw a Gomora, sabiíbuuwós a sabiíbuú qarkú koóm, mamuuwós i qarqariyá'.

DABE 4:37

Asma inós baabi'iihúng gina ló'wa slaá'. Inós kuungaásaá xwaylar'ín nuna tsawaár, inósuú kilá' nuri baraá Misrír wa duúx ar /uuruuwós kudá' úr.

YOSHUA 24:31

Xoorór Israeli AAKOÓ MUNGÚ guri sagadiyús de'emadá' sleémeero Yoshua iwa slafi, tam alaá iwa gwaá' nari kumiitiyé' nguwa sagadiyuusiya' de'emaá bariise iwa kumit, tidá' tlehhmaá'a AAKOÓ MUNGÚ aa tlehhaahhiít dír xoorór Israeli gaa ar'aa'aan ilaaine.