YEREMIA 2:20 - Biblía Axweesantá Hhohho' ar Mungú 2004

²⁰ Iimír aáng kuúng taqwantók aga geeqeér nee piíngu kuri kwáhh amór saaw, tari ó', «Aníng kuúng u sagadiyuusaaká.» Gawaá tlom'aá tlede nee umuú gamuú xa'anoó loo/o naa/e munguaá hatlá' ina ii xupaapú' adór tsaatuso'o.

YEREMIA 2:20 Iomraidhean Croise

1 WAAWITÁ 12:32

Yeroboamu bál slahhángw dakaát tawa mibaá nee kooán gari qaás tawa deelór ur, as ngiwa slaqsi nee deeloodá' aáng muu i tlehhaahhiti baraá yaamaá Yudawo. Ilahhooár muruú ta tsu/i gari haniís gawaá kitangwdá' aa tleéhh baraá Beteli, dír geeraá slaqsayduú dama aa tleéhh. Kaahamuusér didá' gari tsawaár as iwa didár gongoamaá wa gadiyus.

1 WAAWITÁ 14:23

Inooín sleeme kiteeraá ilahhooa kawa hanmiis kina tleéhh gawaá gongoama', nee uheemiwo, nee slaqsa'aá munguaá ta bay Ashera ngina tleehhiyé' gawaá gongoama' nee baraá gam'ér umuúqo xa'anoó loo/o naa/a.

WARA'AMI 107:14

Giri duúx baraá deewa'ameero nee baraá giwtiro, nee muqsladá' kira tsegiít gari giqáy.

WARA'AMI 2:3

«Waawuti'iimar'ín an siaán, nee baalir'ín kari siaán amór saáwí alé.»

WARA'AMI 78:58

Nguna buhhtamiisiyé' ar wa/ameedá' taa tleéhh as sluufoó slaqsa'aá mungui. Ngway dá/tár ayé' ar murslaaqatuú munguiidá' naa tleehhiyé'.

TI'INAANGW 19:8

Mukdá' sleémeero axweesanaydá' kuri ya/án ar wakleelu'uuma, tari oo', «Axweesanaysíng sleémeero Mungú naa kuúngí oó', u adoosír boo/eesaán.» Mose kaangwí guri ki/ís amór AAKOÓ MUNGÚ.

TI'INAANGW 24:3

Mose iri tláy axweesanaydá' Mungú ngwa báy sleémeero guri oó' dír muu, muu sleémeero tari wakleelu'uumár ilawaáts, tari oó', «Axweesanaysíng sleémeero AAKOÓ MUNGÚ naa atén báy u tleehhaán.»

TI'INAANGW 3:8

Aníng nina hardáh asma inooín ngiwa tuu/ baraá dabaá múk Misri wa alé, nee in huúw ay baraá yaamaá hhooá', yaamaá iintlaaxw, yaamaá diihooár ilwa nee dane, yaamuudá' ta hooti nee xoorór Kana'ani, nee ar Hiti, nee ar Amori, nee Perisi, nee Hifi, nee ar Yebusi.

ISAYA 1:21

Gixsarí inkihhimuú koom, adór ira tsaatuso'o tleehhít! Inósadá' sakwasleemár ganaa'a haats, inósadá' hotaá ganaa'á' gira hot, ala hamí aa tsu/utuso'o tleehhít.

ISAYA 10:27

Slám male ale baraá deeloodae huwaawós gi hingees gawaá suumaroge, nee taaqwaniirós gawaá istoge gan giqáy.»

ISAYA 14:25

As adoorí aníng xoorór Ashuru a hhitiím baraá yaamueene, in yaamaá hara'adáh gawaá tloomar'eé' wa ale. Taaqwanay'ín gawaá isaá muk'eene un kwaáhh, tam huwar'ín an hiingeés gawaá sum'aá muk'eene.»

ISAYA 9:4

Asma taaqwanay'ín kudá' iló', kudá' taa gawaá sum'ii'ínií tsegiít nee hhartadár baramaanuuser'ine iga giqeér, adoodá' múk Midiani aáng kura bál.

YEREMIA 13:27

Aníng muruuwók kudá' ni waak ugwa ár, fuqtók nee tsaatuuse kawa al/aa/amiin, sli'iimarók tidaá harwaarahh gawaá tlom'i nee baraá qamuuwo. Aá Yerusalemu, a tsaxwaawók. Ay xaylá hheehhe'eesa ka siaaiin?»

YEREMIA 17:2

Qoomár muk'ín bar kiteeri'ín kudaá ilahhooa gi inslasláy, nee munguúín kuduú /ameeni ta bay Ashera, kudá' taa qaás dír umuúqo xa'anoó naa/a, nee gawaá gongoama',

YEREMIA 2:31

Xaysé', múk Israéli, te'eé' tí ni kah iiárií qaasaak, aníng a AAKOÓ MUNGÚ. Xáy aníng aga darma tleehhíti dír Israeliwo, laqaá aga yaamaá giiwá' tleehhíti? Ahaá waáy, muk'eé' masta kaahi, «Atén a múk amohhoó', ni amoorógií daqawanaaká?»

YEREMIA 3:13

Kuungá' tlakweésarhúng kilós na hhu'uu'umaak, tidá' anuú AAKOÓ MUNGÚ, Munguúhúng, iwa ahhé', nee munguaá hatlá' kiwa slaé' sluufmisuuwo dír umuúqo gamuú xa'anoó loo/o naa/e, nee afor'eé' kari iialooesi'iiká. Anuú AAKOÓ MUNGÚ tí ngina oó'.

YEREMIA 30:8

Baalaarí bál birna hardát, anuú AAKOÓ MUNGÚ Aleesleemusmo a kah, aníng taaqwantidár gawaá isaá muk'eé' a giqáw, piínguú kira tsegiít un tlaáq. Inooín dahaaye ngi sangw malé sagadiyuusiaaká.

YEREMIA 5:5

Aníng a axweesantá áw dír geeraharuuser'ín, inooín gár Mungú i slai ngi xuiyá', nee dabeerose.» Ala inooín sleémeero i alqoná' waawuti'iimár AAKOÓ MUNGÚ ngina si'iyé', nee iialooeesaro nguna si'iyé'.

ESEKIELI 16:28

«Ala kiíng aga hhe'esiká, tari sli'imár eér amór múk Ashuru. Tam sli'imaasíng sleeme iga tafki/iská.

ESEKIELI 16:31

Dír iimu/úngw umuúqo loohiro nee /aantani ana tléhh, nee wa/aamér munguaá hatlá' kiwa ilahhooárí hanmis baraá umuúqo gixsaro. Ala sli'imarók nar tsaatuusér ta bu'uun ti slay'aaká, asma kiíng peésár muu a ohiindaaká.

ESEKIELI 16:41

Maraywók kin daa/ ar asla, nee /ameenár yaariir sakwasleemarók gari aán. Tari tafkí/ fuqi eeharahaduuwo nee muu kuwa tlaxuun.

ESEKIELI 20:28

Asma qoomár ngiwa huúw baraá yaamuudá' naa inooín i alqadiím ngiwa haniis, umuúqo tloomár tleere ngiwa ariyé', laqaá xa'anoó loo/ór naa/ koóm, inooín nguna ilahhooárií gaasiyé' as aníng iwa hayloórí leehhiya', amooqaáqae ta ilahhooár mooyángw tsuú' hanmiis nee ar tsipipi'iimisuuwo.

ESEKIELI 23:5

Ala tam Oholiba a harer'eene, inós ina kumít fuqto, nee sla'aaruuseerós tidár yaamá Ashuru gana ilatleerús.

HOSEA 1:2

Wa'aá geeraawo AAKOÓ MUNGÚ ina axweés dír múk Israeli ar afkú Hosea. AAKOÓ MUNGÚ Hosea guna báy, «Tláw, harér tsaatuso'o duuxeek, nee na/aá tsaatuuse kiwa sleer, asma ayaawí tsaatu'uumár yaariir gaa tleéhh ar AAKOÓ MUNGÚ kuwa geexáy.»

HOSEA 2:5

Asma aayor'ín tsaatu'uuma gaa tléhh, tidá' inooín gaa tsit, muruú alsi'ím guna tléhh, asma ina ó', «Aníng nee mulqer'eé' an alhi'iimitaán, kudá' i muruú /aymár i slaslaawá' nee ma'aay, nee tsitaay nee di/i nee xuftaro.»

HOSEA 3:3

Aníng ngiri báw, «Dir'eé' wa hootang deelór yaariire, fuqi maweek nee hhawaatuú hatlá' mu geemawaar, aníng a kók.»

HOSEA 4:13

Inooín ilahhooár muruú ta tsu/i kan gawaá tlom'ií wá hanmaamiis. Nee ilahhooár da/a/aangw kan gawaá sagér tlom'ií wa hanmiis, baraá guruú xaa'aá ti'ita nee oo ta bay libúa nee ta/eewiro, asma mahhtirós ka hhoohhoo'. An gár dasuuhúng is fuquusi, nee /ameenár taa duxuút is duuxór gaamis as iwa tsee/aá wá hi'iimit.

HOSEA 9:1

Ma qwalaala/aara' aá múk Israeli! Ma adór múk xoordaá hatlá' wa qwalaala/aara'. Asma adoosíng kuungá' AAKOÓ MUNGÚ kuwa sié' ana daté' baraá fuqi. Slaasláwár fuqi kari ilatleerusé' umuúqo dír tawa balángw slahhana.

TLAHHOÓ LAÁWI 26:13

Aníng an AAKOÓ MUNGÚ, Munguúhúng, kudá' kuungá' naa baraá Misrír wa duux as tawa lawaalér múk Misrirooká. Aníng taaqwani aga geeqáw tidá' taa tseék gawaá isoohúng, as kahhó' tawa hota' ar amohhooa.»

NAHUMU 1:13

Ala daxta taaqwanay'ín un giqáw gawaahunge, nee muqslaadá' tundura tsegiit ngari supaapiím.»

DABE 12:2

Kuungá' wa/ameedá' muu munguaá hatlá' ngiwa sluufmiisi hhaamiisaak, gawaá tlom'aá tlede, nee gawaá gongoamawo, nee dír umuúqo gamuú xa'anoó loo/o naa/e.

DABE 15:15

Tí inslawaak, asma aáng kuungá' a lawaale baraá yaamaá Misriro, nee AAKOÓ MUNGÚ, Munguúhúng kuungá' nuna baraadá' wa tuú/, an gár laarí aníng kuungá' nusa adoorí báw.

DABE 26:17

Laarír kilá' aferhunge aga katé' adór AAKOÓ MUNGÚ tar Munguúhúng, nee adór loohirós kuungá' kar eehadá' nee kaahirós kawa ota' nee hara'ayarose nee dabeerose, nee inós kuwa iialooesá'.

DABE 4:20

Ala kuungá' an múk inós naa ba/amís baraá yaamaá Misrír wa ale, didár bohóngw asla oo muqsla kar weeqatamisi. Nuna amoodá' wa duúx as tawa mukós tleehhitá', an adoosíng hám laarí tay diria'.

DABE 4:34

Xáy, kuungá' mungú taa axasé' i deéro oo mukós gwaa leehh baraá xoorór hatlá' i ale, adoodá' AAKOÓ MUNGÚ, Munguúhúng aa tleéhh ar loohír iiara'at, nee layu nee slaqsa'aá waa/oo/amo, ar slaqwara, laqaá ar /uuruuwós kudá' úr, muruú yaariír guri tleéhh, kudá' taa aandé' ilahunge baraá yaamaá Misriro.

DABE 5:27

Tsiní kuúng, Mose, bihhiiqá' i tseewuweek, tidá' AAKOÓ MUNGÚ, Munguúrén i kaahi ngi iiárií qás, daqaní ni hardát, tidá' sleémeero ngi diréní ooár eér. Atén iia a qaasaán ngiri boo/eesaán.›

YOSHUA 1:16

Yoshua kuri báy, «Muruuwí sleémeero naa atén beér u tleehhaán, nee umuúqo amór kuúng ti ya/aba atén a daqawán.

YOSHUA 24:24

Mukdá' Yoshua nguri bayé', «Atén AAKOÓ MUNGÚ Munguúrén un sagadiyusaán, nee hara'ayaarós an iialooeemisaán.»

YOSHUA 24:26

Yoshua axweesanaydá' sleémeero guri gooín baraá kitaábuú dabér Mungú, tlaa/ár yaangaariir gari sláy, gari foól bihhaá xa'anoó ta/eewi didá' heémár AAKOÓ MUNGÚ i diri'.

Geehhoeemaá 17:1

Malaykamoó wák niri hardáh. Inós a malaykamoó wák baraá malaykeedá' faanqwe, tidá' slooqa'aá faanqw gi koom. Inós iri amor'eé' axweés iri báy, «Qwaláng amoorí. Aníng sakwasleemár tsaatuso'oodá' ur ngi dirógií laqaám. Inós a tidá' aa iwit gawaá ma'aá yaariir i alé.

HAR'OHUUSE 10:6

Múk Israeli tlakweema gina malé tleéhh dír geeraá AAKOÓ MUNGUHE. Inooín munguiidá' ta bay Ba'ali nee Ashtaroti ngina sagadiyuusiyé', nee munguaá hatlá' awa Shamu, nee awa Sidoni, nee awa Moabu, nee awa múk Amoni, nee awa múk Filistiro sleeme. Inooín AAKOÓ MUNGÚ nguna mayé', tam sleeme naa kumiiti'iiká nguwa sagadiyuusiya'.

HAR'OHUUSE 2:11

Múk Israeli tlakweema kina tleéhh dír ilaá AAKOÓ MUNGUHE, inooín Ba'ali ngway sagadiyuusiyé'.

HAR'OHUUSE 2:13

AAKOÓ MUNGÚ nguna mayé', Ba'ali nee Ashtaroti ngiri sagadiyusiyé'.

1 SAMUELI 12:10

Inooín AAKOÓ MUNGÚ kway i /aa/amín tari oó', ‹Aga tlakweesaán, asma AAKOÓ MUNGÚ ugwa geexawaán, munguaá ta babay Ba'ali nee Ashtaroti kiri sagadiyusaán, ala hamí ti tu/ baraá dabaá wakuuseerene, daqaní atén kuúng u sagadiyuusaán.›