YEREMIA 2:2 - Biblía Axweesantá Hhohho' ar Mungú 2004

² «Tláw ay amór yaamuloouusér baraá Yerusalemu, ki beer, adoorí an tidá' AAKOÓ MUNGÚ i kaahi, ‹Aníng inkihhimuduú qoomár kuúng tawa masoomo un insláw, adoodá' ira slá' geerií aleeró adór múk ti duuxór wa slaá'. Ina eehát baraá xaanxaywo, baraá yaamuudá' taa dooslikahe.

YEREMIA 2:2 Iomraidhean Croise

WARA'AMI 129:1

Hám daxta Israeli i ooi, «Aníng taa ló'wa baramaanuús iimír masoombi'iimar'eene.

TI'INAANGW 14:31

Múk Israeli gadiyeédá' ur ar AAKOÓ MUNGÚ aa dír múk Misrírí tleéhh kari ár. Naagáy inooín AAKOÓ MUNGÚ nguri ilaiwawa/iyé' nguri haratlintii'iyé', nee sagadiyusmoowós Mosewo.

TI'INAANGW 16:8

Mose iri oó', «AAKOÓ MUNGÚ kuungá' nu fu'unáy haniis tsiindoowo, nee matlaatleero nun mikaáteérí haniis, gur'erhúng kari dal/aandá', asma inós qununu/ayhúng gwa axaás. Kawa xua' atén tiwa i qununu/a a múk adoomá? Ma qununu/aara' amooréní ale, amór AAKOÓ MUNGÚ nay qununu/aak.»

AXWEESANOÓ SAGALOOA 1:20

Sagalooa i ateetiín baraá lohduú wa alé, dír waaraangiro in tseeamiín.

DAA'AANGW 3:11

Áx gimsé', qwalaasé', kuungá' awa /ameenár Siyoni! Waawutmo Solomon qaytár awaare'! Slamángw aayoorós aa tléhh ngwa dahaás bál deelór duuxoorose, deelór muunaáwós qwal/uwo iwa haáts.

DAA'AANGW 3:6

Garqá' a milá baraá xaanxoó daahh, adór tsángw quui oo aa sihhiit. Tidá' mooyángw manemáne, hee mooyángw tsuú' iwa tlatlay, tidá' ta weeramiisi nee halanuuse.

ISAYA 58:1

AAKOÓ MUNGÚ i kaahi, «/Aá/ ló'wa ale, ma xaslitaar, tseé' adór tarumbeéta. Muk'eé' dakuúsar'ín ti alki/it, Tlakweemaá doó Yakobo ooeek.

YEREMIA 11:6

AAKOÓ MUNGÚ iri báy, kaangwí alki/iteek baraá gixsadaá Yuda sleémeero nee baraá lohdaá Yerusalemuro. Inooín ki beer, «Axweesantír alqado iiárií qaasaak nee ka boo/esá'.

YEREMIA 19:2

Ti alkoonde' ay baraá xatstá garmoó Hinomu, nee ta waarahhá' ar dír afkú ta bay Qambeesama'. Bar aga didií hardát, axweesante'eé' tidá' ni oó' ka dir'íní ó'.

YEREMIA 2:1

Axweesantá AAKOÓ MUNGÚ ana axaás i kat,

YEREMIA 2:6

Inooín taa yaahasi'iiká, ‹AAKOÓ MUNGÚ kudá' atén taa baraá yaamaá Misrír wa duux i amá? Kudá' atén taa geeraharahaar baraá darmuuwo nee yaamaá xaanxaay nee boh'e, baraá yaamaá kaahaar nee awa ma/ami, yaamaá muu ira waaraahhiiká nee awa ta hootiiká.›

YEREMIA 3:4

Aqo hamír kilá' iga atetkáhe tawa kat, «Kuúng a baabuúeé', ina slá' iimír tawa na/oó niiná.

YEREMIA 7:2

«Tláw, sihhiít dír afkú doó Mungú nee axweesantí dahareemiseek, ta o', kuungá' múk Yuda, iia qaasaak kuungaáká' sluufmisuú aa'awá' baraá Doó AAKOÓ MUNGÚ.

ESEKIELI 16:22

Baraá mura' sleémeero dinkwa nee sli'imaarók tidae, aga insleeriiká deelór na/uumaarók tidá' tawa kal/aandus baraá tseereerók wa aleeró, qoomár tawa /aankwets nee tiwa gaa wásl.»

ESEKIELI 16:60

Ala aníng al'axweesantadá' nee kiíng naa qaasaán qoomár kiíng tawa /amaatliito'o a insláw. Aníng nee kiíng al'axweesantá alhhe'eesáy wasl a tleehhaán.

ESEKIELI 16:8

«Niwa malé kií/ nari bihhaawók ar waaraáhh iri ár, qoomaadae a dasír /amaatliito'o ar duuxo gaa eer. Iri tsiitiís ar tlawuueé', /aankwetsuuwók nguri luú/. Aníng nee kiíng al'axweesantá duuxo kari qaasaán as kiíng tawa harer'eé'. Anuú Aakoó MUNGÚ tí aga oó'.

ESEKIELI 23:19

Tam adoorihe ina ak búhh fuqto adoodár kilá' tawa /amaatliito'o ira fuqús baraá yaamaá Misrír wa alé.

ESEKIELI 23:3

Qoomár inooín tawa dasuú /amaatliite tawa yaamaá Misrír hooti, inooín tana fquús, asma tana ya/án iseemaaín kiwa kwatmiiti nee daaqaay, nee kiwa harneeti inooín niri sli'imuuse tleehhitiyé'.

ESEKIELI 23:8

Inós ina kumít tsaatu'uuma tlehhtuuwo, tidá' aa iimu/uún iimír qoomár iwa baraá yaamaá Misri, qoomaadá' tawa dasír /amaatliito'o, nee hhawaate nina alqaatiyé', slaqooín ngiri tsaeemisiyé' dirós wa ale.

HOSEA 11:1

Israeli kuwa niiná una slaá', garmaaeé' kwí ngway ateét niwa Misrír wa ti'iiti.

HOSEA 2:15

Aníng qamuuwós awa sabiíbu ngay amoodá' wa haniís, nee xatstá Akori tidá' ta bay slahh'amaaye tari harahhifoorós. Inós aníng iri ya/aán ar adoodá' aáng ngira sa'axweés tawa /amaatliito'o, nee adór qoomaadá' niwa ti'ít Misrír wa ale.

HOSEA 2:17

Umér munguiidá' ta bay Ba'ali qoomaadae a hingeés gawaá afkose, kiri baloó ooiiká.

HOSEA 2:7

Inós mulqeerós gay eeharahaduú eér, ala gi sleeraaká, gi leelehhít ala gi aandaaká, iri o', «Aníng a kií/ amór hhawaatuueé' kuduú bi/i, asma adoodá' dír hhawaatueene nira hoót a tsiní ta adoorí hám ni diriia.»

HOSEA 8:1

Tarumbeéta ufahhaak! Asma wakusmo i adór gwareesír wá haraatláy amór doó AAKOÓ MUNGÚ, asma alqador'eé' ngaa mayé' nee hara'ayar'eé' ngaa aahhiyé'.

HOSEA 9:10

Aníng múk Israeli nguwa sláw, a adór sabiíbuú darma. Taati'iihúng ngiwa ár ki afhhamít adór mamaá /aantsí awa har geera. Ala tawa hardáh Ba'al-peori, tiri paraatliyé' dir'eene as Ba'ali nguwa sluufmisiya'. Aníng inooín ina aáhh adór Ba'alír ale, kudá' i slaiya'.

YONA 1:2

«Tláw, daqáw dír gixsár Ninewi, gixsadá' ur, tseé' amoorós i ale ar afór ur, asma tlakweemaawós naa hardihiyé' gawaá doorí alé, dír geeraaeé'.»

Matayo 11:15

Heé iaá axamis gi koóm i axaasi.

Luka 12:13

Heeko wák baraá boo/aydae Yesu guri báy, «Intsaahhatusámo, hhiyaaeé' ádbaweek aalir'eé' ngi qasiisi.»

DABE 2:7

«Gimsé', inslawaak adór AAKOÓ MUNGÚ, Munguúhúng kuungá' nura tsuúq baraá umuú gaaro ar taa tlehhi'i. Kuungá' nuna de'én qoomár tawa baraá xaanxaywí úr wa tongaanusa'. Inós ina hoót dinkwa nee kuungá' har afiqoomár kureeriiká' mibeeraá tsiyahhe, nee kuungá' gár nuwa /aaruur i káhh.

DABE 33:3

Looeemaawo mukós guna slaá', inós mukós sleémeero oo hhohhó' gun de'én. Gawaá adoorihe inooín digiruuwós gun eeharahariyá', nee hara'aya ngin dirós wa slaslayá'.»

DABE 8:2

Inslawaak adoodá' AAKOÓ MUNGÚ, Munguúhúng, nura geerahaár aaiidá' tleere tawa baraá xaanxár oté', afiqoomár kureeraá mibeeri tsiyahhe, as kuungá' nuwa múk iialoén tleehhi, nee munerhúng ngiwa iiari, as tidá' kuungá' ta aldakuta' baraá munerhunge ngiwa xui, nee axáy hara'ayaarós aga otí'i, laqaá aasla'áy.

Yakobo 4:4

Kuungá' fuquúse, kuungá' kaangwí u xua'aakáhe? Hee bar mulqumoó múk aa haratlintii'iiká, inós a wakusmo dír Munguhe. Gawaá adoorihe heedaádá' mulqi'iimár tlehhiít dír múk aa haratlintii'iiká, inós tin wakusmoó Mungú tlehhiit.

Geehhoeemaá 2:4

Ala aníng axweesantaka a koóm daanduuwoge, ‹Kuúng sla'aarirók tidár geera aga meér.›