YEREMIA 2:19 - Biblía Axweesantá Hhohho' ar Mungú 2004

¹⁹ Tlakweemahúng awa kilá' kuungá' nu muxiyá', nee kuungá' lo'o nu eér as aníng iwa geexeeré'. Gimsé' xuaak, ka ló'wa tlaakw nee a gár slahh'eemiis, anuú AAKOÓ MUNGÚ, Munguúhúng, bira geexeeré', nee ilaiwa/amer'eé' bara hingesé' baraá muunerhunge. Anuú Aakoó MUNGÚ Aleesleemusmo tí ngina oó'.

YEREMIA 2:19 Iomraidhean Croise

1 WAAWITÁ 18:18

Eliya guri báy, «Múk Israeli heé gwa slahh'amuúr ay a aningeeká, an kuúng nee múk doó baabuúwók, asma kuungá' hara'ayár AAKOÓ MUNGÚ ana sié' nee slaqsi'iidaá munguaá ta bay Ba'ali kiri sluufmisé'.

2 QOM'I 12:5

Naagáy aarusmo Shemaya waawutmo Rehoboamu nee geeraharuusér Yudawo gina i daqáy, kudá' naa burumburiitiye' Yerusalemu as tawa goów Shishaki wa ale, giri báy, «AAKOÓ MUNGÚ i kaahi, ‹Kuungá' aníng iga geexeeré', ala gawaá adoorihe aníng kuungá' naa geexáw, nee nuri haniís dír waawutmo Shishaki.› »

2 QOM'I 21:10

Gawaá adoorihe múk Edomu tam ay laarí kiwa sawaawuti'in nee múk Yuda ngaa si'iyé'. Qoomaarír kilae sleeme múk Libna waawuti'iimár Yehoramu ngina si'iyé', asma Yehoramu AAKOÓ MUNGÚ Munguú baabi'iiwós guna sií'.

2 QOM'I 25:16

Ala qoomár heé Mungú axweesantí ngiwa hhe'eesiiká, waawutmo Amasia guri báy, «Xasliít kuúng, a xaylá kuúng tuwa hara'ayusmoó waawutmoó wa qaás? Hamí an slá'a tuwa gaasi?» Aarusmoodá' iri xasliít, iri malé oó', «Aníng a xuú' adór Mungú ngira ístí tsaát kuúng uwa hhaamiis as adoorí taa tléhh, slamí hamí hara'ayar'eé' aga sí'.»

WARA'AMI 36:1

Tlakweema i baraá muunuú tlakusmoó wa tlupiitiyá', Ilaiwa/amér Mungú i káhh dirose.

TI'INAANGW 33:6

Gawaá adoorihe múk Israeli xosluuín kudaá parooti kiri qafín iimír tindiwa tláy tloomár Horebu wa ale ay aluudá'.

AXWEESANOÓ SAGALOOA 1:31

As adoorí mamaá gadiyérhúng i /agá', gur'erhúng iri tlaanduumít as al/aymarhúng.

AXWEESANOÓ SAGALOOA 1:32

Asma muu bira sií' baraá iimibo/ár wa alé an gár gi tsuu/, nee daktana bar daktu'uumar'ín ngaa algeemayé' gi hhaamís.

AXWEESANOÓ SAGALOOA 5:22

Heé tlaákw kun oh nee tlakweemaawós awa kilá', kun oh nee him'ér dakuúsarós tidár kilá' i tlehhaahhiti.

ISAYA 3:9

Gitsee/er'ín baraá aán gár ir lamabu'uun a tlakweemaaín kudá', adór kuqaá Sodoma, slám ki lu/u/unká. Mukwí a tsaxwaaín, asma hhintleemooín ngaa tlakweemár ayé'.

ISAYA 5:5

«Hám daxta adór qaymoorí ngi laaq ngi oó'. Yawtós an feé/, kari hhitín, koo/irós an feé/, kari yaamií kal/án.

ISAYA 50:1

AAKOÓ MUNGÚ i kaahi, «Slaambare/idá' aayorhúng aníng ngiwa talaákár i haniís i amá? Laqaá aníng kuungá' heé nuy weeriís a heemá oo aníng i iinuús? Ga/aawaak, kuungá' tunduna weeriís as tlakweemaahúng. Aayorhúng kinga guús as dakuúsarhúng.

YEREMIA 1:16

Aníng múk Israeli un sakwasleemuút as tlakweemaaín kudá' sleémeero naa tleehhiyé' aníng iwa geexayé' nee munguaá hatlá' ngiri mooyángw i da/a/ané', nee slaqsi'i kudá' naa dabaaín ar tlehhiitiyé' ngina haratlintati'iyé'.

YEREMIA 13:22

Kuúng bara baraá muunaáwógií ó', «Ahaá waáy, gár kaangwí isa sláy?» Asma tlakweemadá' ur taa tléhh, an gár tusa /aankweetsiís, nee an gár tusa óh ar /uuru.

YEREMIA 2:17

Kuungá' múk Israeli tí ana kiloohúng leelehhité'. Aníng ina geexeeré', anuú AAKOÓ MUNGÚ, Munguúhúng kudá' naa geerahaar baraá loohiro.

YEREMIA 3:22

Ki/aaré' kuungá' na/aá inkihhimu wasl, aníng inkihhimu waslerhúng a huungu/uús. Kuungá' a kata', «Ga/aaweek atén naa ki/aán amoorók asma kuúng an AAKOÓ MUNGÚ, Munguúrén.

YEREMIA 4:18

Yúda, hotaangók nee tlehhmi'iiwók kuúng ugwa kaangwí huwiyé'. Kaangwí an qwanaay nee slahh'amu diroge, slám a ló'wa dáh baraá muunaáwók.»

YEREMIA 5:22

Anuú AAKOÓ MUNGÚ a kah, «Ahaá aníng mis ilaiwawa/a'aaká? Ahaá mas daaraxa'aaká dír geeraeene? Aníng hhasaangw una qaás tawa harki/isoó tlawi, digmuú tlawi waarahhamko i baloó aleesleeraaká. Tam gwaanduú ma'aay digmuudá' ngu aya, ala gu waarahhiiká, tam i /orootli ala gu waa/akutiiká.

YEREMIA 5:24

Slám i baraá muner'ín i kaahiaaká, AAKOÓ MUNGÚ, Munguúrén un ilaiwa/aán, kudá' tluwoó hanmiís ar qoomaadá' hariim, tluwoó saxi, nee oo buhaareewo ngu hanmiis, nee umuúqo kurko bu'úngw hhó' ngun hanmiis ar qoomaadá' iwa harin.

YEREMIA 5:6

Gawaá adoorihe dirángw baraá sla/atá daáhh gin uhín, taweeramoó baraá xaanxoó daáhh gin hhaamiis, du'uma i baraá gixsaduuín wa gigidín. Umuúqo heé tsee/áy ti'iita kun karslamiis. Asma tlakweemaaín naa ló'wa tlahhiyé', nee inooín Mungú siasiuuwo naa ak harwaarahhiyé'.

YEREMIA 7:19

AAKOÓ MUNGÚ i kaahi, «Mukwí heé i buhhtamiisi a anínge baré? Aasla'áy inooín ti kilooín slahh'eemisiyá' as amoqwaqwadingw'ín.»

YEREMIA 8:5

Ahaá ala waáy, mukwí loohír ganaa' maska sií', niri ak kumiitiyé' baraá qwanay'ín. Inooín niri ak naagisiyé' munguaá lama eeharahaduuwo, niri si'iyé' ki/imaá amor'eene.

ESEKIELI 23:30

Kiíng ana fuqús nee xoordaá hatlá', tiri meetagás ar slaqsi'ii'ín kudaá munguaá hatlá'.

ESEKIELI 39:24

Ana alií warqáw miwa ariyé', adoodá' inooín wa hariim ana dir'ínií tleéhh ar har qoomoó slasla/aruuín nee dakuúsar'ín.

HOSEA 11:7

Muk'eé' aa maariít iga si'iyé', handá' ki ateetín tawa ki/i amór Kuduú Gawa, tam heé wák i kaahh oo inós gu xirfayeemiís.

HOSEA 13:9

Aá múk Israeli, án kuungá' nu hhaamiís, heé kuungá' nu tuú/ a heemá?

HOSEA 14:1

Aá kuungaá múk Israeli, amór AAKOÓ MUNGÚ, Munguúhúng, nay ki/aak, asma aga dukutsé' as tlakweemaahúng.

HOSEA 4:16

Asma múk Israeli aa sagagawdúy, adór tsa/atmoó gwaréhh. Hám daxta AAKOÓ MUNGÚ de'eengo gi aleesláya adór deeloó bee/ángw baraá hindawtá ur?

HOSEA 5:5

Nee daara/ángw múk Israeli ku geehhoó'. Gawaá adoorihe inooín ta dukuuts baraá tlakweemaaín. Múk Yuda sleeme i aldukuuts dinkwa nee inooín.

HOSEA 7:2

Inooín tam tsaahhár niiná ngi kon'aaká, adór aníng tlakweemaaín ngir xuú', ala inooín kaa nagwaáhh nee tlakweemaaín badu sleémeero, tlakweemaaín sleémeero aníng i ga/áw.

HOSEA 9:1

Ma qwalaala/aara' aá múk Israeli! Ma adór múk xoordaá hatlá' wa qwalaala/aara'. Asma adoosíng kuungá' AAKOÓ MUNGÚ kuwa sié' ana daté' baraá fuqi. Slaasláwár fuqi kari ilatleerusé' umuúqo dír tawa balángw slahhana.

AMOS 8:10

Aníng deelorhúng ar ur an warqeés tawa deelór tsuunqumis, nee daa'angwhúng sleémeero oo bara/ tari /aa/e, kuungá' sleémeero guniyadu kiri tsitá' as gurhaami, nee sagerhúng kari deqwá' adór xwayliitér /aa/amiim as garmoó aayoorose wák ina kahhuút, nee deelór alhhe'eesaay tay slahh'amuú úr.»

MIKA 1:5

Tí sleémeero i tleehharút as dakuúsár múk Yakobo nee as tlakweemaá múk Israeli. Xáy, dakuúsar múk Yakobo a milá? Ahaá, a gixsar'ín tidá' ur ar Samariároke? Xáy, tlakweemaá múk Yuda a milá? Ahaá, a gixsar'ín tidá' ur ar Yerusalemuúwoóke?

SEKARIA 7:11

«Ala inooín axaasaro nina si'iyé', iri alaá xu'usiyé', iaaín ngiri tuuntukiyé' as mindiwa gaa axaasiyé'.

Rumi 3:18

Slám baraaine Mungú ku ilaiwawa/iiká.»

HAR'OHUUSE 10:13

Ala tam adoorihe aníng kuungá' ina geexeeré', munguaá hatlá' kiri sagadiyusé', gawaá adoorihe aníng kuungá' nu malé tu/aaká.