YEREMIA 2:15 - Biblía Axweesantá Hhohho' ar Mungú 2004

¹⁵ Inós kuna i /oroótl nee direeri, inooín naa /orootliyé' ar afór uren. Yaamuuwós nga deeli tleehhiyé', nee gixsaduuwós nga sluhhay tleehhiyé', múk baraadá' wa hoót i kaahh.

YEREMIA 2:15 Iomraidhean Croise

YOBU 4:10

Múk tlákw tam ta adór dirángw wa /orootli, Mungú giqo taqeesama' giqáy, giri xasltis.

WARA'AMI 57:4

Aníng taa harweér nee wakuusér adór direeri, kudá' múk /aa/ayá'. Sihhinaín a adór lawlu nee maheeri, tsifreeri'ín a adór tsatoó xaraásl.

ISAYA 1:7

yaamuuhúng kaa deewa'ameérí geexáy, gixsaduuhúng kaa daá/ ar asla. Yaamuuhúng hooma gaa dír ilaahúng wa ar tleér, i baraá deewaa'ame, kwaáo hooma gina hhitiín.

ISAYA 24:1

Ga/aaweek, AAKOÓ MUNGÚ yaamu gi hhitín, nee giri dewa'atis. Inós faltá yaamu gan tukuntuuk, nee yaamuloouusér baraadá' hoot gari diyaa/.

ISAYA 5:29

Slaqwaruuser'ín in /orótl adór diraangw, nin /orootliyá' adór na/aá diraangw, kudá' /orootlá' nee sluqor'ín ngi oohá' ngiri huwiyé' amór saaw dír heé ga tuú/ iwa kahhi.

ISAYA 5:9

AAKOÓ MUNGÚ Aleesleemusmo una axaás iwa kaahi, «Looeemaawo maraá yaariir i muu wasleesiyá', maraá diren, hhohho', ki tawo geexáy.

ISAYA 6:11

Aluuwo niri yaahaás, «Xáy Aako, tay xaylá?» Inós iri mu/aywaáts, iri báy, «Ay dír gixsadu i deewaiya', niri muu wasleesiyá', nee maraay iwa tawo iwiitiya', nee yaamu kiwa ak ló'wa hhitin.

YEREMIA 10:22

Iia qaasaak, afo taa i hardát, tsimaahhír xoorór yaamaá /iikú daahh ni hardát, gixsadaá Yuda giri xaanxay tléhh, tari dír hotángw intsaawe.

YEREMIA 25:30

Kuúng Yeremia, daanduú kaangwí sleémeero dir'ín i aarimeek nee tawa o', «AAKOÓ MUNGÚ in /orootl iimír gáwtá wa alé, in tsee' iimír didá' hhoohhoo' ar hotaawós, in /orootl ar afór ur gawaá mukós, in tsee' adór heé sabiíbuú tsoo/iít, daanduú múk baraakaá yaamu sleémeero.

YEREMIA 25:9

aníng daxta xoordu sleémeero awa /iikú dahhá', dinkwa nee sagadiyusmooeé' Nebukadnesa, waawutmoó Babuloni, ngin huúw as yaamuuká' ngiwa ii haraatlaya' nee múk baraakií dirií', dinkwa nee xoordaá inslaawaay sleémeero. Inooín aníng in hhaamiís ló'wa alé, nee ngiri gár dae tlaaq tleéhh, kiri waaniqín, nee kiri waaqaqaa' ay alhhe'eesay wasle.

YEREMIA 26:9

Ahaá waáy, masa aariín ar umuú AAKOÓ MUNGÚ tawa kat, ‹Do'owí i adór kuduú Shilo tleehhiit, nee gixsarí i deewa'amérí mét, múk baraaká' wa hoót i kaahh?› » Muu sleémeero Yeremia guri harweér baraá Doó AAKOÓ MUNGÚ wa aleeró.

YEREMIA 33:10

AAKOÓ MUNGÚ i kaahi, «Baraá gixsarí kuungá' tawa kata'a, muu i kaahh laqaá makaay, eeít gixsár Yuda nee baraá lohdaá gixsár Yerusalemu, tidá' múk koomaaká laqaá makaay, baraakae

YEREMIA 34:22

Anuú AAKOÓ MUNGÚ a kah, ga/aaweek, aníng inooín i ádbáw as gixsarí ngiwa malé inki/iya' slaqwaraaro, nee gixsarí ngiri hayoohiyá', nee ngiri da/iyá' ar asla. Aníng gixsadaá Yuda i xaanxay tleéhh, tam múk gi hoót iri qwaar.»

YEREMIA 4:7

Adór dirángw naa baraá nahhaatarós wa ti'iit. Kudá' xoordu gi hhaamiís taa amohhe'eés. Inós naa dír kitaangós wa tláy as yaamuuwók ngiwa hhitin. Gixsaduuwók ngiwa taanguy nee heé baraadá' hoót iri qwaar.

YEREMIA 44:22

AAKOÓ MUNGÚ tlehhmi'iihúng kudá' tlákw sa qitluuwo gina harslaaqaát, nee muruuhúng kudá' ta waki taa tlehhaahhité', gawaá adoorihe yaamu niri deewaiyé', nee niri xaanxay tleehhitiyé' tari adór gár taa lu'ús, tam heé gi hoot i kaahh, adoodá' hám laarí i dirii'iya'.

YEREMIA 5:6

Gawaá adoorihe dirángw baraá sla/atá daáhh gin uhín, taweeramoó baraá xaanxoó daáhh gin hhaamiis, du'uma i baraá gixsaduuín wa gigidín. Umuúqo heé tsee/áy ti'iita kun karslamiis. Asma tlakweemaaín naa ló'wa tlahhiyé', nee inooín Mungú siasiuuwo naa ak harwaarahhiyé'.

YEREMIA 50:17

Múk Israeli, a adór bee/ángw ta slakaati nee diraangw kudá' ta tlatlahhaás. Geeraawo kina hhaamiís nee waawutmoó Ashuru, nee hám daxta Nebukadnesa waawutmoó Babuloni kudá' gaa fadu giqaaqay.

YEREMIA 51:38

Inooín ni /orootliyá' dinkwár wa ale adór direeri. Tari /oorootl adór na/aá diraangw.

YEREMIA 6:8

Múk Yerusalému, tí masók a gurbu'utahúng, laqaá bar adooriheeká nun ló'wa kwaáhh ar aahhi, nuri xaanxay tleéhh oo hee i baloó hootiiká.»

YEREMIA 9:10

Aníng an /aa/aá áw gawaá sagér tlom'i, nee an tsuunqumiís as qawtantá hikwa ar baraá darma, asma yaamu naa xaanxay tleehhitiyé', tam gár baraadár waaraahh i káhh. Baraadae afór hikwa a axaská nee ar tsir/ooro, nee ar makaá sla/to, asma sleémeero naa diyaa/atiyé'.»

YEREMIA 9:11

AAKOÓ MUNGÚ i kaahi, «Aníng gixsár Yerusalemu a ufuú tse/ewasi tleéhh, tay dír qatuú intsaawe. Gixsadaá Yuda in xaanxay tleéhh, heé gi hoót iri qwaar.

ESEKIELI 36:3

«Gawaá adoorihe, Esekiéli, kuúng aariím ta ó', ‹Anuú Aakoó MUNGÚ a kah, kuungaá tlom'aá múk Israeli, muu naa yaamaá tawo tleéhh, nee tunda i haratláy bihhe sleémeerowo, nee aga daqaari'iimár xoordaá hatlá' tleehhité', nee tari gár ta kaantin, nee ar ta waaqaqaai tla/ángw xoordu sleémeerowo.

ESEKIELI 5:14

Slám malé alé kiíng gixsár Yerusalemu i adór panmo tleéhh, nee tari gár ta waaqaqai nee xoordu, kudá' iga harweeriye', nee dír ilaá mukdá' waraahha ar bihhiiwók.

HOSEA 11:10

Inooín anuú AAKOÓ MUNGÚ i eehariyá', anuúdá' /oroótl adór diraangw, an i /oroótl, na/ii niri /uwá wa hardihiyá' ar daaraxaay.

HOSEA 5:14

Asma aníng a adór diraangw tleehhiít dír múk Israeliwo, nee adór na/aá diraangw dír doó Yudawo. Aníng, nu karslamiís, nuri hhimbiriítl, tam heé nu tuú/ iri qwaar.

AMOS 3:12

AAKOÓ MUNGÚ i kaahi, «Adoodá' de'eemusmo ya'aá tsár ngir afkú dirángw wa tu/i, laqaá iiár bee/i ngiwa tu/i, an adoodá' múk niiná oo Samaria ir kotsqoti, kudá' hamí guá' baraá qateenaá hhohhó' wa alé, nee inqwaruú hhohhó' ngwa hhafine'.»

AMOS 3:4

Xáy, diraangw iqo tsuwa aáhhi baraá sla/atá wa alé bar makiito'o ngaa oohiiká? Xáy, na/oó diraangw iqo /oroótli baraá mar'ír wa alé bar gár aa sláy i káhh?

AMOS 3:8

Diraangw bira aáhh, xáy heé da'ayumitaaká a heemá? Aakoó MUNGÚ, Mungú aa axweés, xáy heé kaangwí gu ooaaká a heemá?

NAHUMU 2:11

Gár múk gixsarí gu slaw a milá? Inooín ki saxamaár baraadae, ta direeraá /uureemaá kooma'a awa baraá mar'i. Kudá' hee i baloó qitliiká gwarangwarto.

SEFANIA 1:18

Peésar'ín laqaá nee sahaábuwo sleémeero gi ba/amisiiká bál deelór xarasleemaá AAKOÓ MUNGUHE, ala tam yaamu sleémeero kin daa/ ar asltá da/tós, asma muu sleémeero oo baraá yaamuuká' hoót gun qwaarees ar hartsatángw dae tlaáq.

SEFANIA 2:5

Kuungá' xoorór Krete múk bihhaá tlawtá hoót, a tsaxwaahúng. AAKOÓ MUNGÚ daanduhunge i axweesantá kón. Kiíng Kana'ani, yaamaá múk Filisti, aníng nu hhaamiís, tam hee miwa meét oo baraawók wa hoót.

SEFANIA 3:6

AAKOÓ MUNGÚ i kaahi, «Xoordu iga amór saáw i kwaáhh. Koo/ir'ín tidá' gawit tira baqiyé' aa hú'. Lohduuín kudá' uren iga hhitiím, tam heé gir ohiím i kaahh. Gixsaduuín nari tawó deewaaiyé', hee i kaahh baraadae, tam múk baraadá' hoót i kaahh sleeme.

SEKARIA 11:3

Tsuunqusmoó de'eemuuse iiárií qaasaak, asma xirfuuín kwa hhitín, afór /orootlór diraangw iiárií qaasaak, darmuú yaaér Yordani kwaa hhitín.

HAR'OHUUSE 14:5

Naagáy Samson nee xwayliiteérós tari /eét Timna, tawa hardáh baraá qamaá sabiíbu awa Timna, na/oó diraangw Samson guna i /oroótl.