YEREMIA 2:11 - Biblía Axweesantá Hhohho' ar Mungú 2004

¹¹ Xáy, xooro tam ar wák iqo deéro ar munguiiwós gaa warqes, tam munguaá kilaeekahe. Ala muk'eé' aníng iga geexáy, anuúduú Munguú kilá', munguaá' hatlá' ngiri eehariyé'.

YEREMIA 2:11 Iomraidhean Croise

1 WAAWITÁ 11:33

Aníng adoorí a tleéhh asma Solomon aníng iwa geexáy, munguaá hatlá' gina sluufmisuú áy, kudá' ta bay Ashtaroti, munguú /ameeni kuduú múk Sidoni, nee Kemoshi, munguú múk Moabu, nee Milkomu, munguú múk Amoni. Solomon aa dee/aanuút, tlakweema gaa tleéhh dír geeraaeene, nee kaahir'eé' gaa oohiiká nee axweesante'eene. Adoodá' baabuúwós Daudi aa tleéhh inós gaa eehariiká.

2 WAAWITÁ 1:3

Ala malaykamoó AAKOÓ MUNGÚ aarusmo Eliya oo Tishbe guri báy, «Tláw ti doge' nee mukdaádá' taa ya/aáw nguwa yaahasi, ‹Ahaá waáy, gár tas Ba'alsebubu, munguú gixsár Ekroni yaahasár eera', asma Mungú in káhhi baraá yaamaá Israeliro?› »

2 QOM'I 13:9

Xáy, kuungá' kaahamuusér AAKOÓ MUNGÚ tidár xwaylár Aroni nee múk tlahhoó Laáwiwo iga gusi'iikáhe, kaahamuuserhúng kari qasi'iíke adór xoordaá hatlá'? Umuúqo heewo oo naa dirhúng i hardah ar awu, laqaá gwaandaawér faanqw, un paratlá' tawa kaahamusmoohúng.

WARA'AMI 106:20

Xirfuú Mungú kuri warqeés, ar murslaaqatuú adór damár gitsór /aay.

WARA'AMI 115:4

Munguii'ín kina tleéhh ar peésa, muqsla nee sahaábu, a gadiyér dabaá muu.

WARA'AMI 3:3

AAKOÓ MUNGÚ, kuúng aníng in báq dír tsaxwawo adór gaamboót. Kuúng an xirfuueé' nee kudá' aníng i pihháy hanmiís.

ISAYA 37:19

Mungui'ín kiri baraá ásltí supín, asma gaa a munguaá kil'eeká. Ala a gadiyér dabaá muu. Gaa a gufteeri nee tla/u. Gawaá adoorihe munguiidá' kiri suwatsaát.

YEREMIA 16:20

Xáy, hee tiwa munguúwós i tleehh gaqo aleesláya? Aasla'áy, ala barnaxes gwa tleéhh, a munguú loeeká.»

YEREMIA 18:13

AAKOÓ MUNGÚ i kaahi, «Gawaá adoorihe, axáy xoordu sleémeero yaahasaak, kángw adór kwí heé gwa axaas iqo deéro? Múk Israeli adór ló'wa slasla/aar gaa tleéhh.

YEREMIA 2:5

AAKOÓ MUNGÚ i kaahi, «Xáy, gár tlaakw ar baabi'iihúng na ariyé' dir'eene a milá, tam tari puruúts dir'eene, tari eeharín alaá muruú tawór wa alé, nee inooín niri tawo tleehhitiyé'.

YEREMIA 2:8

Kaahamuusér Mungú i katká, ‹AAKOÓ MUNGÚ i amoomá?› Kudá' dabér xuá' aníng i xuiiaaká, geeraharuuse aníng iga áhh, aaruuse i aaririín ar umuú Ba'ali, nee munguaá hatlá' ngiwa haratlintaati'iya' awa gaa wasl.»

YEREMIA 5:7

Xáy, tlakweemaahúng adór ngir gurtlaw? Mukók aníng iga sií' nee lo'o ngiri /ayiyé' ar munguaá lama. Qoomár inooín ngiwa /aymiís niri aaxiyé', nina baraá fúqtí tlayé', baraá maraá tsaatuuse ngiri dalaa/iyé'.

ESEKIELI 14:5

Aníng múk Israeli u mune kwatiít as aníng iwa i ki/iya', asma inooín taa saweés dir'eene as slaqsi'iidá' mungui ngiwa sluufmisuú ayé'.

ESEKIELI 5:7

Gawaá adoorihe anuú Aakoó MUNGÚ a kah, Hám daxta asma kuungá' tundu sage gawdén ta xoorduuká' kuungá' na harweeri'i, nee sleeme aga hoti'iiká ar adoodá' hara'ayar'eé' i kat, tam sleeme adoodá' kuungá' naa báw aga oti'iiká, aqo tidá' xoordaá hatlá' kudá' kuungá' naa harweeriye' ana eehadé'.

MIKA 4:5

Asma xoordu sleémeero nin hootiyá' nee umuú xoorooro ar baraá umér mungu'ii'ín. Ala atén an hootaán ar baraá umuú AAKOÓ MUNGÚ, Munguúrén, ay kureeraá kureér.

Rumi 1:23

Inooín Munguúduú slafíngw alhhe'eesay wásl koóm kwaa xirfayeemisiiká. Ala gár inooín taa xirfayeemiís a munguiidá' taa tleéhh ar slaqsa'aá múk qaátl nee awa tsir/o, nee awa makaay, nee awa makaydá' ya'a' waslen.

1 Korinto 8:4

Ala gawaá daanduú /aymár fu'unaydá' taa ilahhooár wa hanmiisi dír munguaá hatlá' gár ni oo' a tí, atén a xuaán adór munguaá hatlá' tar gaarooká baraá yaamuwo, ala Mungú a wak.

Galatia 4:8

Qoomaadá' aáng kuungá' Mungú kuwa xui'iiká, kuungá' a lawaalér munguaá hatlá', ala inooín a munguiwooká.

DABE 32:16

Inooín nguna dá/tár ayé' ar munguaá hatlá', ar tlehhmi'ii'ín kudá' slasla/arene nguri buhhtisiyé'.

DABE 32:21

Aníng ina da/tár ayé' ar gár munguheeká. Inooín iga mune duuxiyé' ar slaqsi'ii'ín kudá' naa dabár tleehhiyé'. Aníng inooín in da/itár aw ar muruú mukooká, nee in buhhtís ar xoorór múk daktana.

DABE 33:29

Kuungaá Israeli a múk amohhoó', múk adór kuungá' a gaalá? Múk taa ba/amís nee AAKOÓ MUNGÚ. Inós an gaambórhúng ar alee/isaay, nee paángarhúng ar baali. Wakuuserhúng ni dirhúng i hardát ar ilaiwa/ame, kuungá' kiri yaamuií naka/aruurá'.»

1 Petro 1:18

Kuungá' a xuá' adór gár tundura tlaáxw tar muruudá' hhitiruumitaaká, a peesaarooká, laqaá sahaábuwooká, as kuungá' niwa ti'ita' baraá tlehhemi'iihúng kudá' hariima'aakahe, kudá' taa ilaaoté' dír baabi'iihúng wa ale.

1 SAMUELI 4:21

Na/aay guri beér, Ikabodi, iri ó', «Asma xirif aa quútl dír múk Israeliro.» Asma sandakmoó alqadór Mungú kwaa hayóh, nee as taatoó hhawaatuuwós nee hhawaatuuwose niwa qatliyé'.