YEREMIA 19:5 - Biblía Axweesantá Hhohho' ar Mungú 2004

⁵ Kitángw ilahhooa oo mungú ta bay Ba'ali nguri tleehhiyé' as na/ii ngiwa da/aa/ana' adór ilahhooár da/a. Aníng adoorí aga hara'ayimiiká, laqaá iga kaangwí bawiiká, laqaá tam adoorí aga aldakwiiká.

YEREMIA 19:5 Iomraidhean Croise

2 WAAWITÁ 17:17

Na/ii'ín awa daaqaay nee awa dasuwo ngina ilahhooár da/tá wa hanmiisiyé' dír munguaá lama, inooín dír qwaslaare nee da/aluuse ngina kakayé' as kiwa yaahamiisi kángw hotaaine. Inooín tina ló'wa haniisiyé' baraá tlakweema, dír geeraá AAKOÓ MUNGUHE, gawaá adoorihe, AAKOÓ MUNGÚ nguri buhhtisiyé'.

2 WAAWITÁ 21:6

Inós na/aywós guna haniís as tawa ilahhooár da/a, tlaa/e giri xuú', iri tsuuqaá a'áy, tari aldinku'uús nee qwaslaarér giaá duxuum nee da/aluuse. Inós muruú tlákw guna ló'wa tlehhiít, AAKOÓ MUNGÚ guri mune duúx.

2 QOM'I 28:3

Mooyaangw guna da/aa/án baraá xatsta garmoó Hinomu wa ale, sleeme na/iiwós giri ilahhooár da/tá wa haniís dír munguú ta bay Ba'ali, ar adór muruudá' ta waki nee kur tlehhahhiti xoorduudá' Mungú aa guús geeraá xoorór Israeli wa aleeró.

YEREMIA 32:35

Kitángw ilahhooa oo munguú ta bay Ba'ali nguna tleehhiyé' baraá xatstá garmoó Hinomu, as ilahhooár na/aá dasu nee awa daaqaay kawa hanmiisi dír munguúdá' ta bay Moleki, tam inooín aníng iga ádbawiikahe, nee gaarí aga inslawiiká. Inooín muruuwí ta waki nguna tleehhiyé', tam múk Yuda nguri dahaasiyé' baraá tlakweema.»

ESEKIELI 16:36

«Anuú Aakoó MUNGÚ kiíng in babaw, Peésarók aga harnét, aga fuqús nee mulqeerók tlabaawók in waatlés as tawa fuqusa' nee mulqeerók, slaqsi'idaá munguaá hatlá' iga fiririín nee iga tseerér na/iiwók i hanmís.

ESEKIELI 20:26

Aníng ina máw as na/ii'ín awa baris ngiwa hanmiisiya' ilahhooár wa ale, dír slaqsi'iidaá munguaá hatlá'. Gaarí an slahhtaín ar dae tlaaq, as aníng iwa tsaahhiya' adór tar AAKOÓ MUNGÚ.

ESEKIELI 38:10

«Kuúng, Gógu, anuú Aakoó MUNGÚ a kah, baalaadá' birna xeér muruú tlákw kuri axwés baraá muunaáwók i ale, nee kuri qoomeemés tari o',

DANIELI 2:29

«Aá waawutámo, kuúng qoomár tawa gu' ana tlatiitiín daanduú kángw alúwá hi'iít, nee Munguúdá' naaqór geehhooetimís kangwdá' tleehharuút ngwaa dirók i laqán.

TLAHHOÓ LAÁWI 18:21

Na/aywók ló' mu baloó ilahhooár wa hanisaar dír munguú ta bay Moloki, asma adoosinge umuú Munguúwók u /oosliín. Aníng a AAKOÓ MUNGÚ.

FAARO 22:41

Matloowose Balaki Bala'amu guri ar tsa/án ay amór Bamot-ba'ali, amoodae Bala'amu múk Israeli guri bahh ár.

DABE 12:31

Kuungá' AAKOÓ MUNGÚ, Munguúhúng mu adoorír firirimaara', asma umuú gár AAKOÓ MUNGÚ aa aahhi inooín ngina dír munguii'íní tlehhiitiyé'. Tam inooín daaqay'ín nee dasuuine ngina da/a/ané' baraá asla as tawa ilahhooár da/a/aangw dír munguii'ine.