YEREMIA 19:2 - Biblía Axweesantá Hhohho' ar Mungú 2004

² Ti alkoonde' ay baraá xatstá garmoó Hinomu, nee ta waarahhá' ar dír afkú ta bay Qambeesama'. Bar aga didií hardát, axweesante'eé' tidá' ni oó' ka dir'íní ó'.

YEREMIA 19:2 Iomraidhean Croise

2 WAAWITÁ 23:10

Waawutmo Yosia Tofeti gari meeta gaás, tidár baraá xatstá daaqoó Hinomu, as hee garmaawós laqaá dasiirós mingiwa baraá xátstí daá/ tawa ilahhooár munguú ta bay Moloki.

2 QOM'I 28:3

Mooyaangw guna da/aa/án baraá xatsta garmoó Hinomu wa ale, sleeme na/iiwós giri ilahhooár da/tá wa haniís dír munguú ta bay Ba'ali, ar adór muruudá' ta waki nee kur tlehhahhiti xoorduudá' Mungú aa guús geeraá xoorór Israeli wa aleeró.

2 QOM'I 33:6

Daaqaywós sleeme guna ilahhooár da/tá wa hanmiís baraá xatstá garmoó Hinomu wa ale. Tlaa/e gina xuú', iigu'utu guna leelehiít, muruuduú taami ohiingw guna tsegiít, sleeme tana aldinku'umiís nee mukdá' giaá duxuúm nee da/aluuse. Inós tlakweemaá yaariir gina tleéhh dír geeraá AAKOÓ MUNGUHE, Mungú guri buhhtís.

NEHEMIA 3:29

Sadoki garmoó Imeri dír aluudá' gana /abeés tlehhmuuwo, tidá' nee do'ós ti ga/aawá'. Aluuwo Shemaya garmoó Shekania kuduú xuumusmoó Afkuduú Da/aáw dír aluudá' gana /abeés tlehhmuuwo.

YEREMIA 1:7

Ala AAKOÓ MUNGÚ iri báy, «Ma kaahaar tu niiná, asma amór án kuúng uy qo ya/aawa an daqeér, nee umuúqo gár u bawa an ó'.

YEREMIA 11:6

AAKOÓ MUNGÚ iri báy, kaangwí alki/iteek baraá gixsadaá Yuda sleémeero nee baraá lohdaá Yerusalemuro. Inooín ki beer, «Axweesantír alqado iiárií qaasaak nee ka boo/esá'.

YEREMIA 18:2

«Yeremía, tláw ay dír doó tleeusmo, nee didaádae aníng axweesantá ni oo' i deer.»

YEREMIA 26:2

«Anuú AAKOÓ MUNGÚ a kah, ‹Sihhiít baraá matla/ángw Doó AAKOÓ MUNGÚ, múk gixsár Yuda kudá' baraaká' wa sluufmamiís kaangwí ti o', muruuwí sleémeero naa kuúng báw, ti o', tam ar wák ma mawaar ooaro.

YEREMIA 3:12

Tláw múk Israeli axweesantí baweek: Ki/aaré' kuungaá múk Israeli, kudá' inkihhimu wasl! Aníng kuungá' nu ga/aawaaká ar iltá tlaakw, asma aníng a gurtleemuú koóm. Eeít aníng kuungá' nu i buhhaaká ay alhhe'eesay wasle.

YEREMIA 32:35

Kitángw ilahhooa oo munguú ta bay Ba'ali nguna tleehhiyé' baraá xatstá garmoó Hinomu, as ilahhooár na/aá dasu nee awa daaqaay kawa hanmiisi dír munguúdá' ta bay Moleki, tam inooín aníng iga ádbawiikahe, nee gaarí aga inslawiiká. Inooín muruuwí ta waki nguna tleehhiyé', tam múk Yuda nguri dahaasiyé' baraá tlakweema.»

YEREMIA 7:2

«Tláw, sihhiít dír afkú doó Mungú nee axweesantí dahareemiseek, ta o', kuungá' múk Yuda, iia qaasaak kuungaáká' sluufmisuú aa'awá' baraá Doó AAKOÓ MUNGÚ.

YONA 3:2

«Tláw amór yaamaá Ninewi, gixsadá' ur kaweek, ya/abtoodá' naa dirók i oó' ilaharmiseek.»

Matayo 10:27

Tidá' án naa dirhúng i axweés baraá giwtír wa ale, kuungá' na dír gwa/aát wa ooaak. Nee tidá' tinda saasaáhh ooaro, kuungá' gawaá daandeemaá maraay tiwa alki/ite'.

Tlehhema'aá ya/Abuuse 20:27

Asma aníng adoodá' sleémeero Mungú i slai dirhúngí alki/iituuwo ngaa mawiiká.

Tlehhema'aá ya/Abuuse 5:20

«Tlawsé', sihhiité' baraá Doó Mungú, muu ádbawaak kángw axweesanaywí sleémeero oo slafiingo.»

YOSHUA 15:8

Digma iri kumiít ay xatstá Hinomu bihhaá basa awa tloomár múk Yebusi, umuú hatlá' a Yerusalemu. Iri tsa/án ar gawaá ságw tlooma bihhaá /uwá wa ale awa xatstá Hinomu, iri ti'iít ar alhhe'eesoó xatstá Refaimu.