YEREMIA 18:8 - Biblía Axweesantá Hhohho' ar Mungú 2004

⁸ ala xooroodá' naa daanda oó', bar muruú tlákw gwaa meér tlehhtuwo, aníng tidá' naa ístí tsaát daanduuine aqo an máw tleehharo.

YEREMIA 18:8 Iomraidhean Croise

2 QOM'I 12:6

Naagáy ala waawutmo nee geeraharuusér Israeliwo tiri niinaweesiyé', tari oó', «AAKOÓ MUNGÚ adór ganaa' gaa tleéhh.»

WARA'AMI 106:45

alqadoorós gana insláy as inooín, muneerós gari guú/, asma yaareemaá sla'aarirós ar warqawaaká.

WARA'AMI 135:14

Asma AAKOÓ MUNGÚ mukós gu aleekalaa/, sagadiyuuseerós ga gurtláy.

WARA'AMI 90:13

AAKOÓ MUNGÚ, buhhtaawók i kumaamitir ay xaylá? Ki/áng sagadiyuuseerók gurtlaweek.

TI'INAANGW 32:12

Ahaá waáy, gár múk Misri tas ooi, ‹Aáng gár tlaakw gana qo qoomeés daanduuine, inooín gina baraá yaamuuká' wa duúx as ngiwa tsu/utár ay gawaá tlom'i nee ngiwa hhaamisi gawaá daanduú yaamuwo.› Buhhtaasingá' xaraaslá' maweek, warqáw baraá inslawaysíng tlákw ta koon daanduú mukoge.

TI'INAANGW 32:14

AAKOÓ MUNGÚ inslawaywós kudá' tlákw guri máy, kudá' geeraawo i tleehhamór wa slai dír mukós.

YEREMIA 12:16

Alaá kaangwí bira waaraáhh, inooín barnaxes alhotaarír muk'eé' kaa intsatsaáhh ar muunuú ló', nee bar lo'o ngaa umuueér /ayiyé' tawa kaahi, ‹Ar adoodá' AAKOÓ MUNGÚ ir hotaatina.› Adoodá' aáng muk'eé' ngura intsaahhatisiyé' lo'o ngiwa /ayiya' ar mungú Ba'ali, daqaní inooín tari hoot baraá tla/ángw muk'eene.

YEREMIA 15:6

Anuú AAKOÓ MUNGÚ a kah, «Kuungá' aníng iga sié', aníng iga geexeeré', tari alií ki/é'. Aníng kuungá' nay hhaamiís, asma aga slahhaá' kuungá' gurtlatlaango.

YEREMIA 26:13

Gimsé', hám daxta hotaahúng gan'aasaak, nee tlehhmi'iihúng gan'aasaak, nee afór AAKOÓ MUNGÚ Munguúhúng iialooeesaak. Adoorí bar aga tlehhé', AAKOÓ MUNGÚ inslawaywós gu warqees, nee amotlakweedá' aa uín ngi huwiiká dirhunge.

YEREMIA 26:19

Xáy, Hesekia waawutmoó Yuda nee mukós sleémeero Mika ngwa gaasií'i? Aasla'áy, kitaangose Hesekia AAKOÓ MUNGÚ guna ilaiwaá/, nee gurhhooár AAKOÓ MUNGÚ gari firín. AAKOÓ MUNGÚ inslawaywós guri warqeés, kudá' geeraawo ngiwa amotlakwér i huwi. Ala atén a baraá tsaxwaá yaariírí diriaán tiwa kiloorén hhaamisaan.»

YEREMIA 26:3

Doóqa inooín sleémeero ta axaas, nee tlakweemaaín kiri máy. Adoorí birnga tleehhiyé' daqaní inslaway'eé' daanduú amotlakwér ni huwa as tlehhmi'ii'ín kudá' tlakw naa tlehhaahhitiyé' u warqeés.›

YEREMIA 36:3

Doóqa múk Yuda amotlakweedá' ni dir'ín i tleehhár wa slaa' ka axaas, as umuú heewo tlakweemaawós ngiwa may as kahhó' án dakuúsar'ín nee tlakweemaine ngiwa gurtlaw.»

YEREMIA 42:10

‹Barnaxes kuungá' a metá' baraá yaamuuká', daqaní án kuungá' nu tleemaír i haniís, nu qwaareesaaká, nu male harma/atís, nu tu/aaká. Asma aníng inslaway'eé' u warqeés daanduú amotlakweedá' naa kuungá' i tleehhi.›

ESEKIELI 18:21

«Barnaxes heé tlaákw, tlakweemaawós kudá' i tlehhaahhiti gaa máy tlehhtuuwo, nee barnaxes hara'ayar'eé' sleémeero gaa óh, inós tlehhma'aá ganaa'á' nee awa qoomá' birnga tleéhh, heé adoorí looeemaawo i hoot, i gwaiiká.

ESEKIELI 33:11

Mukwí baweek, ‹Adoodá' anuú Aakoó MUNGÚ nir hotaatima, gwa'arár heé tlaákw aníng a saqwalala/aaká, ala gár ni slaa' masók heé tlaákw tlehhma'aá tlakw gin máy, as iwa hooti. Tlakweemaahúng hhu'uu'umaak, nee muruudá' tlákw mawaak tlehhtuwo. Múk Israeli, ahaá waáy, mas qatlór slá'?›

ESEKIELI 33:12

«Nee kuúng heewí, mukók kubeeto, Heé ganaá' bar tlehhma'aá tlakw gaa tleéhh, tlehhmi'iiwós kudá' gana'á aa geerií tleéhh ngu tu/iiaaká. Heé tlaákw barnaxes tlakweema tlehhtuwo gaa máy, ku sakwasleemuutiiká. Heé ganaá' bar tlakweema tlehhtuwo gaa iimu/ún, gan'amuuwós kuduú aáng gu ba/amisiiká.

ESEKIELI 33:13

Ala aníng tam al'axweesani aga qaasi ar heé gan'amuú koóm iwa hooti, ala inós barnaxes gan'amuuwós kudá' guna ár adór ira bu'uút, tlakweema giri iimu/ún tlehhtuwo, tlehhmi'iiwós kudá' aa geerií tleéhh ki inslayká, aqo in gwaa' as tlakweemaawós.

ESEKIELI 33:14

Slám heé tlaákw bura báw, ‹Kuúng looeemaawo a gwá',› nee inós tlakweema gay máy, muruú ganaá' nee oo qoóm guri iimu/ún tlehhtuuwo,

HOSEA 11:8

Aá múk Efraimu adór nur geexaw? Án kuungá' múk Israeli adór nur sii'? Adór ngir aslaw nuwa adór gixsár Adma tleehh? Adór ngir aslaw nuwa adór gixsár Seboimu tleehh? Muunaáeé' aa warqáy, guruueé' aa ló'wa tláy.

AMOS 5:15

Tlehhma'aá tlakw aahhaak, awa hho' sla'aak, sakwasleemár gan'amu tleehhaak baraá tlahh'iihúng awa kwasleemaro. Doóqa AAKOÓ MUNGÚ, Munguú Aleesleemusmo guruuwós i tláy as panoó múk Yosefu.

YONA 4:2

Yona AAKOÓ MUNGÚ guri firín, guri báy, «Án kuúng u firiím, AAKOÓ MUNGÚ. Adoosíng a adoodá' aníng naa oóiíke qoomár niwa baraá yaamuueé' i dirii'? Adoosíng an gár nisa gaanslár ta'aaím baraá yaamaá Tarshishírí alé, asma aníng a xuú' kuúng a Munguú gurhhoó', slám a gurtleemuú koón. Kuúng buhhtaawo tu inslahheeká, ala aga háts sla'aarír warqawaakahe. Tam sakwasleemadá' taa ó' a ya/aán meemuwo.

DABE 32:36

Looeemaawo AAKOÓ MUNGÚ mukós gu alekalaa/, sagadiyuuseerós ga gurtláy, qoomár birnga ár /uureemooín naa faakiyé', nee birnga ár heé meét i kaahh, oo lawaalmo nee lawaalmoowooká.

HAR'OHUUSE 2:18

Nee umuúqo qoomár AAKOÓ MUNGÚ har'ohusmo nguwa ya/aawi, AAKOÓ MUNGÚ a dinkwa nee har'ohusmoodá', AAKOÓ MUNGÚ múk Israeli guna ba/amís baraá dabér wakuuser'ín wa alé, deelo sleémeero ar har'ohusmoodá' iwa slafi. Asma AAKOÓ MUNGÚ kuna gurtleés nee /aa/eeín, as adoodá' kiwa slahh'eemiís nee kiwa baramaanuús nee wakuuser'ín.