YEREMIA 18:7 - Biblía Axweesantá Hhohho' ar Mungú 2004

⁷ Barnaxes qoomarkaaro aga oó', xooro laqaá waawuti'iima a hingeés, nee an giqáw ngiri hhaamiís,

YEREMIA 18:7 Iomraidhean Croise

IIMU/UUNGW 6:6

AAKOÓ MUNGÚ iri oó', «Gár hám hee ngusa tleéhh nguri qaás baraá yaamií alé.» Ina ló'wa gurhamuút baraá muunaáwose, iri oó', «Masók una tleehhiiká.»

YEREMIA 1:10

Qaytsiít, laarí aleesleemu ngwa haniís daanduú xoorduwo nee waawuti'iimaro as kiwa tu/uun nee kiwa giqeer, aleesleemuú kiwa hhitiin nee kiwa qwaares, nee aleesleemuú kiwa tlehh nee kiwa sihhtis.»

YEREMIA 26:3

Doóqa inooín sleémeero ta axaas, nee tlakweemaaín kiri máy. Adoorí birnga tleehhiyé' daqaní inslaway'eé' daanduú amotlakwér ni huwa as tlehhmi'ii'ín kudá' tlakw naa tlehhaahhitiyé' u warqeés.›

YEREMIA 31:28

Adoodá' aníng tir inkihhím ngiwa tu/uúm, ngiwa fe/iít, ngiwa daraáhh, ngiwa hhititiím nee ngiwa slahh'eemiís, nee ti inkihhím ngiwa malé dahaas nee ngiwa malé tleehh.

YEREMIA 42:10

‹Barnaxes kuungá' a metá' baraá yaamuuká', daqaní án kuungá' nu tleemaír i haniís, nu qwaareesaaká, nu male harma/atís, nu tu/aaká. Asma aníng inslaway'eé' u warqeés daanduú amotlakweedá' naa kuungá' i tleehhi.›

YEREMIA 45:4

«Ala aníng AAKOÓ MUNGÚ ina báy, kuúng uwa ádbaw, ga/aaweek, tidá' aáng naa tleéhh aga feé/, nee tidá' na dahasiím aga tuú/, adoorí an tleéhh baraá yaamu sleémeero.

ESEKIELI 33:14

Slám heé tlaákw bura báw, ‹Kuúng looeemaawo a gwá',› nee inós tlakweema gay máy, muruú ganaá' nee oo qoóm guri iimu/ún tlehhtuuwo,

DANIELI 11:4

Ala tam adoorihe, qoomár bira ló'wa iia tleerúy as aleesleemuuwós, waawuti'iimarós i hú' iri qasít badu tsiyáhh awa yaamu. Baraá na/iiwose oo waawuti'iím i kaahh, tam baraá yaamuudá' inós aa sawaawuti'ini heé waawuti'iím i kaahh, asma waawuti'iima ka hayoh nee múk hatlá'.

AMOS 9:8

Qaytsiít, ilaá Aakoó MUNGÚ waawuti'iimár tlakweemaá tlehhahhiit ngin ga/ayá', ngiri hhitiím nee ngay diyaá/ gawaá daanduú yaamuwo. Ala doó Yakobo u ak suquwaaká. Anuú AAKOÓ MUNGÚ tí ngina oó'.»

YONA 3:10

Mungú adór tlehhmi'ii'ín kudá' tlakw kira máy gari ár, Mungú iri ya/án /aymuudá' tlaákw nguwa may, kudá' geera i dir'ín i tleehhi.

YONA 3:4

Yona iri baraá gixsadá' i dáh, iri baraadá' wa hi'iimiít looa gar wa dát, iri tseeamín iwa kaahi, «Gixsár Ninewi ka qwaarees alaá deelo mibeeri tsiyáhh bira waaráhh.»