YEREMIA 18:23 - Biblía Axweesantá Hhohho' ar Mungú 2004

²³ Ala AAKOÓ MUNGÚ, kuúng adoodá' ta qoomeemesi as iwa gaasár wa slaya' a xú'. Tlakweemaaín mi gurtlawaar, laqaá tlakweemaaín mi hingeesaar dír geeraawoge, inooín ki arba/i dír geeraawoge. Qoomár bara búhh inooín haraganaaeek.»

YEREMIA 18:23 Iomraidhean Croise

WARA'AMI 119:126

AAKOÓ MUNGÚ, daxta a qoomár gaa kawa tlehh, asma muu dabeerók gaa giqaqáy.

WARA'AMI 35:4

Kudá' aníng i gaasár wa sla'á' na mureekeeseek, nee ki ar ba/i. Inooinaadá' anií baraá tsaxwáy dahmiisá', inooín awa kilá' tsaxwaadá' ngi slaye', ni amoqwaariye'.

WARA'AMI 56:8

Amoqwaqwadingw'eé' sleémeero kuúng u xú', hhirhheerieé' kuúng i insleér, xáy, kaa gooínke baraá kitaábuuwoge?

WARA'AMI 59:5

AAKOÓ MUNGÚ, Munguú Aleesleemusmo, Munguú Israeli, tlawáng, xoordu sleémeero slahheek, kudá' tlakweemaá tlehhiitá' mi gurtlawaar.

ISAYA 10:3

Hám adór ta laqa' deelór muxtaaro, deelór bambaaór ur burna amór saáwá i hardát? Heé ti ta'aiinda' a heemá oo nu /iís? Dír daqaari'iimarhúng ki qasa' a diimá?

ISAYA 2:9

As adoorí umuú heewo ku amoqwaarees, hhawaate ki mureekees, gawaá adoorihe, inooín mi gurtlawaar.

YEREMIA 11:23

Kurkú inooín ngiwa hhaamiis birna hardáh, aníng amotlakwe an huúw gawaá múk Anatoti, hee tumu wák oo meét i kaahh.»

YEREMIA 15:15

Aníng ana oó', «Ala AAKOÓ MUNGÚ, kuúng a xú', aníng inslawáng nee qwaláng /iisáng, wakuuser'eé' li/áy bueek daanduueé' wa ale. Kuúng qitla u xú', án mi qwaareesaar. Inslaweek adór aníng tir /oosliislín as kuúng.

YEREMIA 17:18

Kudá' aníng i slahh'eemisá' ki mureekeesi, ala aníng mi mawaar tiwa mureekeesi. Kuká' ki alsi'imúy, ala aníng mi mawaar tiwa alsi'imuy. Amotlakwe ti hup. Hhaamiseek ni sagaawa tsár wa qororo'ootiye'.

YEREMIA 17:4

Yaamuuká' aníng naa kuungá' i haniís aqo in geexeerá', nee aníng kuungá' nun gawaá dabaá wakuuserhúng i haniís, as kiwa sagadiyuusa' baraá yaamaá kuungá' ta baloó xua'aaká, asma aníng an daa/atúw buhhtaawo adór asltá baloó gwa'aaká.

YEREMIA 18:18

Naagáy muu iri oó', «Qwalaasé', Yeremia u garkaárí tleehhaán, asma atén kaahamuusér Mungú ar ti intsaahhatimis a dakuusanaaká, nee múk sageloén oo ti gurbuú', nee aaruusér axweesantá Mungú alki/iita. Qwalaasé', u sakwasleemutaán ar axweesantós ar kilá', axweesantós tidá' i kaahi mawa iiárií qaasaán.»

YEREMIA 26:11

Qoomaarihe kaahamuusér Mungú, nee aaruuse, niri axweesiyé' dír geeraharuuse nee muu sleémeero kiri báy, «Heewí gár kuwa hariím a gaasa, asma muruudá' aa aarín daanduú gixsarihe, adoodá' kuungá' kilá' iaahunge kura axasé'.»

YEREMIA 26:8

Alaá Yeremia kangwdá' sleémeero AAKOÓ MUNGÚ ngwaa báy kahaango nguwa hhe'eés dír muu sleémeero, kaahamuusér Mungú nee aaruusero nee muu sleémeero Yeremia nguri oohiyé', ta kaahi, «Naxooro laarí kuúng a gwá'!

YEREMIA 37:15

Geeraharuusedá' mune gari tsú/ dír Yeremia kuri muúx, nguri dahaasiyé' baraá doó tseegamo. Do'oduú goousmo Yonatan kudá' taa doó tseegamo tleéhh.

YEREMIA 38:4

Geeraharuuse waawutmo guri beér, «Heewí gár kuwa hariím a gaasa, asma i slaqwaruusér diqiya' tlaaq nee mukdá' aa baraá gixsarí meeti. Baraá axweesanaywós kwihe inós mukwí gu hhooárí slaiiká, ala gár ngwi slai a amotlakwe.»

YEREMIA 6:15

Xáy, qoomár tawa tlehhma'aá slasla/aren tlehhiiti mure ka ara'ári? Aasla'áy, mure ka ara'ariiká tam ar niiná. Tam adór baraá gitsee/er'ine ngir laqana' ngi xuiaaká. Gawaá adoorihe inooín ta alhuu' nee kudá' huuhu'uumá' qoomár bira slaáhh ngiri hhaamiís. Anuú AAKOÓ MUNGÚ tí ngina oó'.»

YEREMIA 6:21

Gawaá adoorihe anuú AAKOÓ MUNGÚ a kah: Qaytsiít mukwí aníng u dukuutseérí qaás, dukuutseerí gi dukúts, giri daráhh yaamií alé. Ín baabá nee na/ii'ín nin dinkwaárií huuiyá', tam inslaawmo nee mulqumoowós aqo kin hhaamiis.»

YEREMIA 7:20

Gawaá adoorihe anuú Aakoó MUNGÚ a kah, «Buhhtaawo aníng an daa/atúw dír yaamuuká' gawaá muu nee makaay, nee xaa'aá baraá qamu, nee balángw baraá yaamu. Sleémeero asltá ta baloó gaasiiká gin al'ót.»

YEREMIA 8:12

Kuungá' tunda mureekeési qoomár muruudá' ta waki kuwa tlehhité'. Aasla'áy, kaa mureekesiiká, tam mureekesoó niiná ngwaa slay'iiká. Gawaá adoorihe inooín i huuiyá' baraá tla/ángw mukdá' aa huuhu'un. Qoomár bira sakwasleemút ta hhán. Anuú AAKOÓ MUNGÚ tí ngina oó'.»

WA/AA/I 3:60

Kuúng li/oó wakuuser'eé' i bu'uun ugwa aán, nee muruuín kudá' tlákw i qoomeemeesiya' daanduueene.

WA/AA/I 3:61

Aá AAKOÓ MUNGÚ, kuúng /oosliislingw'ín ugwa axás, nee muruuín kudá' tlákw i qoomeemeesiya' daanduueene.

Luka 21:22

As deeloorí tawa deelór li/aay, as tidá' taa gooín sleémeero iwa bo/.

Rumi 2:5

Ala kuúng muunaáwók kwisíng gawide nee oo hhu'uu'úngw sla'aakahe xarasleemaá Mungú in gawaawók i tlahhmís ay bál sakwasleemár Mungú, baldá' sakwasleemár Mungú ar ganaa' bar kinga geehhooeés.