YEREMIA 18:22 - Biblía Axweesantá Hhohho' ar Mungú 2004

²² Masók /aa/e ki axaas baraá maray'ine, qoomár daqtá malguuse bara dir'íní gaanslár húp. Asma inooín bohoongw ngwa fooliyé' as aníng iwa oohiya'. Tsaaxwel ngwa qaasiyé' as ya'aaeé' kiwa ohin.

YEREMIA 18:22 Iomraidhean Croise

WARA'AMI 119:85

Múk daara/aám baa'ár ir oohiya' nga fooliyé', inooín a múk dabeerók ga gaárí xuaaká.

WARA'AMI 140:5

Múk tlákw ina tsaaxweelírí qaasiyé' ngiri lu/iyé', nee him'e ngaa qaasiyé' adór baratsufaay wa aleeró, tsaaxweeli ngaa qaasiyé' ngiri lu/iyé' afaá loohi, as tiwa oohár wa slai.

WARA'AMI 140:6

AAKOÓ MUNGÚ una báw, «Kuúng an Munguúeé'.» Kuúng AAKOÓ MUNGÚ, afór firor'eé' iiárií qaaseek.

WARA'AMI 142:4

Bara qaytsiít bihhieé' awa doó /iyáy, heé án i /iís i kaahh, nee oo án xuúm i kaahh, amór ni goow i káhh.

WARA'AMI 38:12

Mukdá' aníng i gaasár wa slaá', tsaaxwel kun qamín, kudá' aníng i gár tlaákw ar sla'á' ta qwaareesar'eé' axwees, nee tlaatla/angw sleémeero ta lohaá aldakuut awa adór tir dahhi.

ISAYA 10:30

Múk Galimu, /aa/eewo tsee'é'! Múk Laisha, iia qaasaak! Múk Anatoti, mu/aywatsaak!

YEREMIA 18:20

Xáy, hhooeema kin búi ar tlakweema? Ala iga bohóngwí fooliyé'. Inslaweek adoodá' aníng kuúng uwa firiím, as kiwa gár hhoó' i tlehh, mikiwa sláy nee buhhtaawók.

YEREMIA 20:10

A axamiís muu iwa saasahhan daanduueene, aníng taa umií tsaát i babaya', «Dae tlaqa umuú bihhiwo.» Bahh'alé ta kaahi, «Tlawsé', sakwasleemutaak! Qwalaas, u sakwasleemutaán!» Mulqer'eé' sleémeero i daamaraán iwa kat, «Doóqa i tapiis, atén daqaní li/aay un buaán.»

YEREMIA 20:16

Heewí masók in adór gixsár taa daáhh tleehhiit, tidá' AAKOÓ MUNGÚ aa daáhh ar gurtleemu wasle. Heewí masók tsuunqumis gun axaas matlaatleero, nee tlaatla/aango masók tsimaahhír slaqwara gan axaas.

YEREMIA 4:31

Afo ana axaás adór afór /ameenír asltá xwayla. Tseeo a adór tidár /ameenír na/oó baris gu laqwaliim. Gadaádá' a afór Siyoni tidá' hiinsluuwós bu'umitaaká, nee dabaawós gaa gan'ás iwa kat, ‹Tsaxwaaeé', aga slar/aát dír geeraá tsu/uutuuse.› »

YEREMIA 5:26

Baraá tla/ángw muk'eene tlakuuse i deer. Múk muruú múk hayoohiím ar /uuru, inooín an adór múk tsir/ór slakaát, tsaaxweeluín ngun qaminá' as muu kuwa ohin.

YEREMIA 6:26

Tlabaá guniyadu dahasaak, muk'eé', nee ta gwangwara'amitá' baraá da/arár wa aleeró. Tsuunqumisé' ar /aa/aá uren, adór heé na/aywós oo wák aa gwaa'. Asma heedá' nu hhaamiís ni gaanslár hardah.

SEFANIA 1:16

deelór tsimaahhír tarumbeétár slaqwara, daanduú gixsadaá koo/i gawdene, daanduú /ampuudá' ló'wa tlede.

Matayo 22:15

Aluuwo múk Farisayo iri tláy, tari al'axweés adór Yesu kur oohi ar /aymi'iiwós.