YEREMIA 18:13 - Biblía Axweesantá Hhohho' ar Mungú 2004

¹³ AAKOÓ MUNGÚ i kaahi, «Gawaá adoorihe, axáy xoordu sleémeero yaahasaak, kángw adór kwí heé gwa axaas iqo deéro? Múk Israeli adór ló'wa slasla/aar gaa tleéhh.

YEREMIA 18:13 Iomraidhean Croise

ISAYA 36:22

Aluuwo Eliakimu garmoó Hilkia nee goousmo Shebna nee Yoa garmoó Asafu kuduú muruú inslaslángw wa hariím gu gooiím tari amór waawutmo Hesekia káy, tlabaaín ngaa feehhamiisiyé' muruudá' sleémeero oo geeraharusmoodá' aa aaín nguri alki/iitiyé' dír waawutmo.

ISAYA 66:8

Heé kángw adór kwí gwaa axaas dirhunge? Heé gár adór tí gaa ar dirhunge? Xáy, yaamu ki baalár wák tleéhhi? Xáy, xooro ka siwár wák i laqwaáli? Ala qoomár Siyoni gura' ngiwa sangw tsaát, daaqaywós guna adaá laqwál.»

YEREMIA 14:17

AAKOÓ MUNGÚ aníng ina báy, as muu nguwa kángw baw daanduú gurhaamir'eene nee nay oó', «Masók hhirhheeraá ilaaeé' nin wa/aminá' tlaatla/aangw nee xweeraawo, masók an kumaamiít /aa/eewo, asma muk'eé' kwa ló'wa hariiáy, nee kwa ló'wa slahh'eés.

YEREMIA 18:14

Xáy, tlaa/aá Lebanoni sager'ín ka /awkekáhe adór tlaa/aá tluwaay? Xáy, duxér ma'aá tloomarós iqo kahaakáta?

YEREMIA 23:14

Ala baraá aaruusér Yerusalemuro xisluú dae tlaáq ugwa ár. Inooín in fuquusiyá' nee i /aysenaá tlaaqiyá', mukdaádá' tlakweemaá tlehhiít ngun muunií qaminá', as adoorí heé tlakweemaá mamáw i kaahh. Inooín sleémeero dir'eene an adór múk Sodoma, yaamuloouuser'ín a múk tlákw adór múk Gomora.»

YEREMIA 31:4

Aníng kuúng un male tleéhh, nee kuúng adoodá' aáng tay diri' kay i kí/, aá Israeli, kuúnguudá' hhoohhoó'. Kuúng xoosladár ni/ima kari male taatáhh as tawa ni/iin ar qwal/uú úr oo bara/.

YEREMIA 5:30

Muruú waa/oo/amo nee oo buhhtamís naa ti'iít baraá yaamuukae.

WA/AA/I 1:15

«Aako slaqwaruuser'eé' sleémeero gana waaqasén, inós dinku'uuma gana ateét niwa amor'eéní haratleer, as kahhó' masoombar'eé' kawa hhaamisi. Aako múk Yuda guna kal/aa/án adoodá' sabiíbu kur kal/aa/an.

HOSEA 6:10

Baraá doó Israeliwo gár ni waak aga ár. Fuqi ana ár dír múk Israeli, nee inooín sleeme tiri kilooín slasla/areesiyé'.

AMOS 5:1

Tsuunqumisuueé' daanduuhunge iiárií qaasaak, kuungaá múk Israeli.

AMOS 5:2

Xoorór Israeli a adór /amaatlito'ór aa hu', nee i baloó sihhitaká. Inós kaa kilós geexáy baraá yaamuuwós i alé, nee heé ga gáwtí tleés i kaahh.

1 Korinto 5:1

Án kangwko ugwa axaás heeko i deer baraá tla/angwhunge oo fuquús nee harér baabuúwós. Fuqtá adór tí kaa dii wa axaasiiká tam baraá múk pakaanayhe.

1 SAMUELI 4:7

tari da'ayuút. Tari oó', «Mungui naa hardihiyé' baraá xafoó xoorór Israeli, a tsaxwaarén! Gár adór tí aga baloó araaniiká.