YEREMIA 18:10 - Biblía Axweesantá Hhohho' ar Mungú 2004

¹⁰ ala barnaxes xooroodá' tlakweema gaa tléhh dír geeraaeene nee afor'eé' iialooeesaro ngiri si'iyé', aníng an warqáw hhooeemaadá' nira tsabiím tleehhamoro i sangw tleehhaaká.»

YEREMIA 18:10 Iomraidhean Croise

WARA'AMI 125:5

Ala kudaádá' naa warqaye' baraá lohaá tlakw, AAKOÓ MUNGÚ gi qwaarees dinkwa nee múk tlakweemá tlehhahhiít. Amohhooa masók i dír Israeli!

ESEKIELI 18:24

«Ala heé ganaá' barnaxes gan'amuuwós gwaa máy, tlehhmi'iidá' aníng i buhhtimiisá', kudá' heé tlaákw i tlehhaahhiti, giri tleéhh, xáy, heewí iqo tsuwa sláfi? Aasla'áy, tlehhmi'iidá' sleémeero awa hho' aa tlehhahhiít geeraawo ki baloó inslayká, inós aqo in gwaa' as dee/anuuwós nee tlakweemaadá' aa tleéhh.

ESEKIELI 33:12

«Nee kuúng heewí, mukók kubeeto, Heé ganaá' bar tlehhma'aá tlakw gaa tleéhh, tlehhmi'iiwós kudá' gana'á aa geerií tleéhh ngu tu/iiaaká. Heé tlaákw barnaxes tlakweema tlehhtuwo gaa máy, ku sakwasleemuutiiká. Heé ganaá' bar tlakweema tlehhtuwo gaa iimu/ún, gan'amuuwós kuduú aáng gu ba/amisiiká.

ESEKIELI 33:18

Qoomár heé ganaá' barnaxes gan'amu tlehhtuwo gwaa máy, nee tlakweema giri tlehhiít, heewí aqo in gwaa' as tlakweemaadá'.

ESEKIELI 45:20

Adoorí gan male tleehh bál faanqw ar slahhaangwihe as daanduú heé tlakweema gaa tleehh as xuaawasle, laqaá as fahhari. Daqaní Doó Mungú ku haraki/isárí tlehhá'.

SEFANIA 1:6

Mukdá' AAKOÓ MUNGÚ eeharto aa alií kii/, nee kudá' AAKOÓ MUNGÚ ngu leeleehhita'aaká, sleeme ngu yaahamisia'aaká.»

FAARO 14:22

hee i kaahh tumu wák baraá kuká' xirfuueé' nee waa/o/aamooro ngaa ariye', tidá' naa baraá yaamaá Misrír wa tleéhh nee baraá xaanxaywo iri alkomkaakoné' iiara'aduuwo ay waiká' mibaangw, nee afor'eé' ngaa iiárií qaasi'iiká,

FAARO 14:23

ar looeemaawo, mukwí yaamuudá' naa lo'ór wa /aáy ngiwa dír baabi'ii'ín haniis ngi ariiaaká tam kudá' sleémeero aníng iga waaqaaiye' oo gi ár i kaahh.

FAARO 14:34

Kuungá' slahh'amu nu sláy as daanduú tlakweemaahúng kureeri mibeeri tsiyáhh adoodár kilá' deelór mibeeri tsiyahhe yaamu kiwa tsawtsawusé', kurkú wák a adór baalár wák, kuungá' daqaní a tsahhá' adór aníng muuna ira gaás.

1 SAMUELI 13:13

Samueli Saulo guri báy, «Adoosá naa tléhh ar barawaslaay, hara'ayár AAKOÓ MUNGÚ, Munguúwók aga otká kudá' ugwa hara'ayin, asma AAKOÓ MUNGÚ geera waawuti'iimarók ga gawdees gawaá daanduú múk Israeliro ay kureerisleém.

1 SAMUELI 15:11

«Aga gwadidiím, asma Saulo nguwa waawutmoó wa qaás, asma inós aníng iga máy eeharto nee hara'ayar'eé' gaa boo/eesiiká.» Samueli iri buúhh, iri /aa/aá áy dír AAKOÓ MUNGÚ xweera sleémeero.

1 SAMUELI 15:35

Samueli nee Saulo tay baloó ari'iiká ay gwa'ararós, ala Samueli Saulo guna ale/aa/amaamín. AAKOÓ MUNGÚ iri gwadidín, asma adoodá' Saulo nguwa waawutmoó múk Israeli wa qaás.

1 SAMUELI 2:30

Gawaá adoorihe AAKOÓ MUNGÚ, Munguú Israeli i kaahi, ‹Tam án geeraawo aga ooi do'ók nee doó baabuúwoge i geeraaeé' wa kumaamitiiyá' kureerisleém.› Ala hamí AAKOÓ MUNGÚ i kaahi, ‹Kangwsíng i amór saáw pa/i dir'eene.› Asma mukdá' aníng i ilaiwawaá/ án u ilaiwawaá/ sleeme. Ala kudá' i waqaaqa'á' aníng i gaárí xuaaká.