YEREMIA 17:6 - Biblía Axweesantá Hhohho' ar Mungú 2004

⁶ Heewí a adór xwansliito'ór baraá xaanxaay, gár hhoo' ga baloó ariiká. Inós in hotaá áy baraá darmuú aa qor'oot, baraá yaamaá hharkí awa muu i hotaatinká.

YEREMIA 17:6 Iomraidhean Croise

2 WAAWITÁ 7:2

Aluuwo alee/isusmoó waawutmo Elisha guri báy, «Tam AAKOÓ MUNGÚ inósuú kilá' afkú doori burngwa gweér, adoosíng iqo baloó ya/aánda?» Elisha iri oó', «Kuúng ilaawoge adoorí a tawo aán, ala gár ta tsaq i káhh.»

YOBU 20:17

Tsuuqaá diihhooár huwá' inós gi slayká, diihhooár adór ma'aá yaaér wa/amiim ga slayká.

YOBU 39:6

Aníng darma una dirósí haniís tawa adór do'ós oo i hooti, nee xatsaá hharkír koomá' ina haniís dirósí ale tawa wa/aamér hotaawós.

WARA'AMI 1:4

Ala tlakuuse a adooriheeká. Inooín an adór muundoó fur'a ir tlatleer.

WARA'AMI 107:34

yaamaá xawuú koomá' giri warqeés tari hhapér diwi, asma múk tlákw oo baraadá' hoót.

WARA'AMI 92:7

Tam múk hota ganaa'aaká ni harma/i adór gitsór wa ale, nee kudá' sleémeero muruú tlákw tlehhiitá' birna slu/ubibiné', ala ki qwaarees ay alhhe'eesay wasle.

ISAYA 1:30

Kuungá' a adór ti'ituú loo/oorós kaahaakah, nee a adór asalmoó ma'aá koomaaká.

YEREMIA 29:32

Gawaá adoorihe, anuú AAKOÓ MUNGÚ a kah, ‹Shemaya oo Nehelamu u slaáhh dinkwa nee xwaylarose. Dír xwaylarose oo slafíngwí meét i kaahh tam oo wák oo diihhooadá' ni muk'eé' tleehh ga ár.› Asma muk'eé' nguna dukiyé', anuú AAKOÓ MUNGÚ iwa si'iya', anuú AAKOÓ MUNGÚ tí ngina oó'.»

YEREMIA 48:6

/Akumiité', hhintleemoohúng tu/aak, ta'aaimé' adór daqoó aa nariis oo baraá xaanxaay.

ESEKIELI 47:11

Ala wa/angwdá' oo niíts nee tlahhesoowo awa bihhaá tlawi, ma'aá tsuuá' ngi slay'aaká, ala ma'ay'ín in meetiyá' tawa ma'aá diwi.

SEFANIA 2:9

Gawaá adoorihe adoodá' anuú AAKOÓ MUNGÚ aleesleemusmo hotaatima, Munguú Israeli yaamaá Moabu i adór Sodoma tleehhitiyá', yaamaá Amoni niri adór Gomora laqiyá' Yaamuuín te'és ngin alti'iit nee boh'ér diwto, kiri dewa'ameérií máy ay kureeraá kureér. Muk'eé' kudá' aa meet giri haasaáng wá hayoh, nee panayduú muk'eé' giri aal.»

DABE 29:23

nee adór yaamuuká' asla ngira hhitiín, nee diwto, nee adór asla ngira qororo'ós, gár ki dahamiisi káhh, gár i laqwalina' i káhh, tam gitsór ti'imiit i káhh, a adór qoomaadá' AAKOÓ MUNGÚ yaamaá Sodoma nee Gomora nee Adma nee Seboimu ngira hhaamiís ar buhhtaawós kudá' xaraaslá'.

HAR'OHUUSE 9:45

Abimeleki nee múk Shekemu tana slaáqw tlaatla/aangw sleémeero, gixsa gari hayóh, muu sleémeero kuduú baraadá' guri tsuú/. Gixsa gari daá/, gari díwtí ku'uús.