YEREMIA 17:25 - Biblía Axweesantá Hhohho' ar Mungú 2004

²⁵ daqaní waawitaádá' waawuti'iima gaa oh alaá waawutmo Daudiwo, nee geeraharuusér hatlae, dinkwa nee múk Yuda, nee yaamuloouusér Yerusalemu, i dahiyá' ar afkú gixsarí, qoomár bar farsuuín ngwa i tsa/ané', nee gaardaá faras. Gixsarí kari hotaatín ay alhhe'eesay wasle.

YEREMIA 17:25 Iomraidhean Croise

2 SAMUELI 7:16

Do'ók nee waawuti'iimaroge i kumaamitiyá' dír geeraaeé' waá ale daqiisleém. Kitaangók oo waawuti'iima ku gawdees kureerisleém.› »

2 SAMUELI 8:4

Daudi múk kumuú wák nee tsiire faanqw guna loohír wa hayóh, nee múk slaqwara oo ya'ár hi'iít kume mibeeri tsár. Daudi kanér ya'aá alu gana tlaáq ar farsuudá' sleémeero oo gaardaá koóm, ala farsuú gaardaá tsiiruwo bu'uút guna geexáy.

TI'INAANGW 12:14

Baalaarí a baalár baloó gunqarutaaká dirhunge. Kuungá' deelór ur an tlehhitá' dír AAKOÓ MUNGÚ ay qari sleémeero. Gaarí an dákw baloó warqawaaká.»

ISAYA 9:7

Axweesanoó aleesleemuú koóm nee wayduuwós i alhhe'eesoó kon'aaká, baraá kitángw Daudi oo Aleesleemu nee waawuti'iimarós, Gin gawdees nee gin kumitiis ar sakwasleemár ganaa' nee hotaá ganaa'á', iimír hamí ay alhhe'eesay wasle. AAKOÓ MUNGÚ Aleesleemusmo adoorí gan tleehh.

YEREMIA 13:13

Daqaní ki beer, ‹Anuú AAKOÓ MUNGÚ múk yaamuuká' un oonitamís, iimír waawitá kudá' waawuti'iím kitángw Daudi wa ale, nee kaahamuusér Mungú, nee aaruuse nee muu sleémeero oo Yerusalemúr hoót.

YEREMIA 22:2

‹Kuúng waawutmoó Yuda kuúngudá' aga iwit gawaá kitángw waawuti'iimaár Daudi, dinkwa nee sagadiyuuserók nee mukók kwí daraahá' ar afeerí, axweesante'eé' iiárií qaasaak anuú AAKOÓ MUNGÚ.›

YEREMIA 22:30

AAKOÓ MUNGÚ i kaahi, «Heewí kaangwí ti gooiin tawa adór heé na/aá koomaaká, a heé gaa tleehharo ga aleeslawaaká baraá hotaawose. Asma baraá xwaylarose hee i kaahh oo kitángw waawuti'iimár Daudi gu i iwiít, nee oo xoorór Yuda ga sawaawuti'iím.»

YEREMIA 22:4

Axweesante'eé' tí bar aga iialooesé' naagáy daqaní waawitaádá' waawuti'i'iím gawaá kitángw Daudi wa alé, i kumiit darhuú afkú doó waawutmoowo. Inooín dinkwa nee sagadiyuuser'ín nee muk'ine, tari tsa/aa/án gawaá daandemaá faras, nee gawaá gaardaá faras i uuruxun.

YEREMIA 25:5

Tunduna babáy, ‹Umuú heewo tlehhimi'iiwós kudá' slasla/aren nee kudá' tlakw ngi may, as daqaní kuungá' tawa hota' baraá yaamuudá' AAKOÓ MUNGÚ naa kuungií haniís, nee baabi'iihúng, iimír aáng wa alé, as kiwa ala' kureerisleém.

YEREMIA 33:15

Deeloodae nee qoomaadae aníng halmír hota ganaa' an baraá xwaylár Daudi wá harma/atís. Inós giri geerahaar ar sakwasleemár ganaa' nee ar hotaá ganaa'á' baraá yaamuwo.

YEREMIA 33:17

Asma anuú AAKOÓ MUNGÚ a kah, ‹Heé múk Israeli gu sawaawuti'iím baraá xwaylár Daudiwo i qwaariiká.

YEREMIA 33:21

daqaní alqadoodá' aníng naa tleéhh dír sagadiyusmooeé' Daudi sleeme hhitiimaro a aleesleér, tam na/oó kitaangós gu sawaawuti'iím iri qwaar, nee sleeme alqadoodá' naa tleéhh nee sagadiyuuser'eé' tidár kaahamuusér tlahhoó Laáwi.

YEREMIA 7:3

AAKOÓ MUNGÚ Aleesleemusmo, Munguú múk Israeli, i kaahi, hotaahúng qoomeesaak nee tlehhmi'iihúng gan'aasaak, daqaní án kuungá' nu ya/aám tawa baraaká' wa hota'.

YEREMIA 7:7

daqaní aníng kuungá' nu ya/aám tawa baraá yaamuuká' wa hota', kuká' naa baabi'iihúng i haniís, iimír aange.

DABE 17:16

Dinkwa nee tihe inós masók a heé farsuú yaariír gu leelehhiitaaká as slaqwaruuserós, laqaá masók a heé muu gu baraá yaamaá Misrirí ki/isaaká, as farsuú yaariír kuwa sleera'. Asma AAKOÓ MUNGÚ taa gurbuú' iwa kaahi, ‹Ma baloó baraá yaamaá Misrír i ki/aara'.›

Ebrania 12:22

Ala kuungá' tloomár taa i hardaté' a tloomár Siyoni, nee Yerusalemúr gawaá doori gixsár Munguúdá' slaáf, nee amaqawár yaariir ar malayke.

1 SAMUELI 8:11

Iri oó', «Waawutmoó kuungá' nu sawaawuti'iím daharuú i kon a kwí, daaqayhúng gun ar tláy, guri qaás baraá gadiyér gaarduwós kudá' ta uuruxun, nee farasuwós kuri i tsa/án, inooín tari ti'ii'ín geeraá gaarduuwós wa ale.