YEREMIA 17:24 - Biblía Axweesantá Hhohho' ar Mungú 2004

²⁴ AAKOÓ MUNGÚ i kaahi, «Ala barnaxes aníng iga iiárií qasé', nee huwa ngi dahmisa'aaká baraá gixsa baalaarír Sabaátoro, ala deelór Sabaáto kari hhohhoesé', nee gadiyeedu kiri meeré' baalaadae,

YEREMIA 17:24 Iomraidhean Croise

TI'INAANGW 15:26

Giri báy, «Barnaxés afór AAKOÓ MUNGÚ Munguúhúng aga iiárií qasé' ar ilakaaharu, nee adór ganaa' kari tlehhé' dír geeraawose, nee hara'ayaarós kari iialooesé', nee kaahirós kari oté', daqaní anuú AAKOÓ MUNGÚ kuungá' nu tiqtírí huwaaká, tidá' naa huúw dír múk Misri. Asma aníng an AAKOÓ MUNGÚ kudá' kuungá' nu hungu/uumiís.»

TI'INAANGW 20:8

«Deelór Sabaáto inslaweek kawa hhoohhooes.

ISAYA 21:7

Múk faras ngwaa i tsa/an oo ti tsadér wa koóm burngwa ár, laqaá oo daqwaaye ngaa i tsa/an, laqaá angamía, inós iia ngi ló'wa qaasi, nee ngi ló'wa sihhi.»

ISAYA 55:2

Ahaá waáy gár peésarhúng kas hhitiindá' as gár /aymaarooká, nee tawa gadiyus daanduú gár guruú dalaa/akahe? Aníng kángw kilá' wa iiárií qaasaré', kuungá' daqaní muruú /aymár hhó' u /agá', nee muruú wahhaár kuri saqwalaala/a.

ESEKIELI 20:20

nee Sabaáto na hhoohhooeesaak as tawa layár alqador'eé' tla/ángw án nee kuungá'. Sabaátorí kuungá' nun inslawtís adór aníng tar AAKOÓ MUNGÚ, Munguúhúng.

SEKARIA 6:15

«Múk sawén ni hardah as niwa alee/isoó tlehhmuú Doó Mungú ay.» Kuungá' kari tsahhá' adór AAKOÓ MUNGÚ Aleesleemusmo ira amorhúng i ya/aáw. Muruuwí i tleehharuut bar kuungá' aga ilakaaharesé' afór AAKOÓ MUNGÚ, Munguúhúng kawa iialooeemisa'.

DABE 11:13

«Naagáy kuungá' hara'ayduueé' kuká' laarí ni hanmiis bira iialooesé', nee AAKOÓ MUNGÚ, Munguúhúng bura slaé', nee bura sagadiyusé' ar munerhúng sleémeero, nee qeereemoohúng sleémeero.

DABE 11:22

«Kuungá' ti harmagahhe', hara'ayar'eé' sleémeero ar naa kuungií hara'ayiím kawa ota' ar ilakaahara. AAKOÓ MUNGÚ, Munguúhúng sla'aak, nee adoodá' inós i kaahi sleémeero kawa ota', nee tawa alhota' nee inós.