YEREMIA 17:2 - Biblía Axweesantá Hhohho' ar Mungú 2004

² Qoomár muk'ín bar kiteeri'ín kudaá ilahhooa gi inslasláy, nee munguúín kuduú /ameeni ta bay Ashera, kudá' taa qaás dír umuúqo xa'anoó naa/a, nee gawaá gongoama',

YEREMIA 17:2 Iomraidhean Croise

2 QOM'I 24:18

Naagáy muu Doó AAKOÓ MUNGÚ, Munguú baabi'ii'ín, guri máy, munguúdá' ta bay Ashera nguri sluufmisuú ayé', nee slaqsa'aá hatlae, Mungú múk Yuda nee oo Yerusalemu giri i qa/iít.

2 QOM'I 33:19

Firoorós nee adoodá' Mungú firoorós ngiwa ya/án, nee tlakweemaawós sleémeero, nee inkihhimu wasleerós, nee wa/aameedár gawaá gongoama' ar munguaá hatlá' kiwa sluufmiisi ar aa tleéhh, nee adoodá' munguúdá' ta bay Ashera ngura tleéhh, nee murslaaqatuudá' taa hhaásl qoomár inós tiwa niinaweesiiká, tí sleémeero ka gooín baraá inslaslángw iigu'utuuse.

2 QOM'I 33:3

Wa/aamedár gawaá gongoama' ar munguaá hatlá' kiwa sluufmaamisi gana male tleéhh, kudá' aáng baabuúwós Hesekia aa feé/, kiteeraá ilahhooa giri tleéhh awa munguaá Ba'ali, nee awa munguúdá' ta bay Ashera. A tí kiloseká, inós sleeme tsatse/uú gawaá doori guna sluufmiís, guri sagadiyuús.

WARA'AMI 78:58

Nguna buhhtamiisiyé' ar wa/ameedá' taa tleéhh as sluufoó slaqsa'aá mungui. Ngway dá/tár ayé' ar murslaaqatuú munguiidá' naa tleehhiyé'.

TI'INAANGW 34:13

Ala kuúng kiteeri'ín kudaá munguaá hatlá' kiwa ilahhooárí hanmiisi fee/eek, nee uheemi'ín kudaá munguiidá' ta bay Ashera ki supiín.

ISAYA 1:29

Asma kuungá' tundu mureekees kuwa sluumisá', as ti'ituudá' taa ilaatleerusé' kuwa sluufmisa', tunduri amoqwaarees as asalmoodá' taa tsawdé' kuwa sluufmisa'.

ISAYA 17:8

Inooín kiteeridaá ilahhooa, awa gadiyér dabaaín ngiri si'iyá', nee gadiyér ditsaaín ngiri baloó harahhifiaaká, didár munguúduú Ashera nee kitangwduú ilahhooár mooyángw tsuú' kay haniisi.

YEREMIA 2:20

Iimír aáng kuúng taqwantók aga geeqeér nee piíngu kuri kwáhh amór saaw, tari ó', «Aníng kuúng u sagadiyuusaaká.» Gawaá tlom'aá tlede nee umuú gamuú xa'anoó loo/o naa/e munguaá hatlá' ina ii xupaapú' adór tsaatuso'o.

YEREMIA 3:23

Looeemaawo taa kiloorén al/ayaán tawa munguaá hatlá' sluufmisuú awaán gawaá sagér tlom'i. Looeemaawo ba/amár múk Israeli amór ni dahh a amór AAKOÓ MUNGÚ, Munguúrén.

YEREMIA 3:6

Qoomár waawuti'iimár waawutmo Yosia AAKOÓ MUNGÚ aníng ina báy, «Xáy aga aándi adoodá' múk Israeli kudá' inkihhimu wásl aa tleéhh? Ina geexayé' niri tsa/ané' gawaá umuúqo ságw tloomaro nee umuúqo dír gamuú xa'anoó loo/o naa/e as tsaatu'uuma ngiwa tleehhiya'.

YEREMIA 7:18

Na/ii ta migiruú sleemiis, baabi'ii'ín ta asltá oohamiis, nee /ameena ta puuruú lufu/ún as mikaáte kawa tleehhi, as munguúduú /ameeni ta bay «Waawuto'ór gawaá doori» Slám munguaá hatlá' kina ilahhooár difaáírí tsiriximiís as aníng iwa ak buhhtisiya'.

ESEKIELI 20:28

Asma qoomár ngiwa huúw baraá yaamuudá' naa inooín i alqadiím ngiwa haniis, umuúqo tloomár tleere ngiwa ariyé', laqaá xa'anoó loo/ór naa/ koóm, inooín nguna ilahhooárií gaasiyé' as aníng iwa hayloórí leehhiya', amooqaáqae ta ilahhooár mooyángw tsuú' hanmiis nee ar tsipipi'iimisuuwo.

DABE 12:2

Kuungá' wa/ameedá' muu munguaá hatlá' ngiwa sluufmiisi hhaamiisaak, gawaá tlom'aá tlede, nee gawaá gongoamawo, nee dír umuúqo gamuú xa'anoó loo/o naa/e.

HAR'OHUUSE 3:7

Múk Israeli adór slasla/aar gana tleéhh dír ilaá AAKOÓ MUNGUHE, AAKOÓ MUNGÚ, Munguúín nguri gunqareesiyé', inooín munguiidá' ta bay Ba'ali nee Ashera ngiri sagadiyuusiyé'.