YEREMIA 17:18 - Biblía Axweesantá Hhohho' ar Mungú 2004

¹⁸ Kudá' aníng i slahh'eemisá' ki mureekeesi, ala aníng mi mawaar tiwa mureekeesi. Kuká' ki alsi'imúy, ala aníng mi mawaar tiwa alsi'imuy. Amotlakwe ti hup. Hhaamiseek ni sagaawa tsár wa qororo'ootiye'.

YEREMIA 17:18 Iomraidhean Croise

YOBU 16:14

Ina giqáy, iri tlir'imaamiís, ina adór slaqwaruusér wá i haratlatláy.

WARA'AMI 35:4

Kudá' aníng i gaasár wa sla'á' na mureekeeseek, nee ki ar ba/i. Inooinaadá' anií baraá tsaxwáy dahmiisá', inooín awa kilá' tsaxwaadá' ngi slaye', ni amoqwaariye'.

WARA'AMI 35:8

Inooínaá kilá' i hhane', nee tsaaxweelidá' naa qaasiyé' ngi ohiin, sleémeero i baraadií qororo'otiye'.

WARA'AMI 40:14

Ki mureekeesi i amoqwaariye', kudá' slafingw'eé' leelehhiitá' nguwa qwaareesiya'. Ki alií ki/isi ki mureekeesi, kudá' slahh'amaayer'eé' ngi sa qwalala/á'.

WARA'AMI 70:2

Ki mureekeesi i amoqwaariye', kudá' slafingw'eé' mitsiimá' nguwa qwaareesiya'. Ki alií ki/isi, ki mureekeesi, kudá' slahh'amaayer'eé' ngi saqwalaala/á'.

WARA'AMI 71:1

Án naa amoorók i goów, AAKOÓ MUNGÚ, án mitiwa baloó mureekeés.

YEREMIA 1:17

Hám daxta kuúng Yeremía, ti amohhe'es siinotaywók tseegeek. Tláw tí u babaw ooeek, inooín mi da'ayumitaar, as kahhó' aníng kuúng muwa de'eérí tleés dír geeraaine.

YEREMIA 11:20

Ala aá AAKOÓ MUNGÚ Aleesleemusmo, kudá' sakwasleema ga adór ganaá'ár tleéhh. Kuúng munér muu nee fuqureeri'ine in tsee/aariín. Aníng masók an ár adór kuúng li/aywí ugwa bú', asma aníng umuú gaaro ngaa gawaá dabaawógií qaás.

YEREMIA 12:3

Ala aá AAKOÓ MUNGÚ, kuúng aníng i xú', nee in ga/eér, inslaway'eé' un amoorók i qwatsiín. Múk tlákw hhimbiritleek adór bee/ángw ta tsu/utár ay. Ki parátl as qoomár sakwasleemar'ín ar tsu/uta.

YEREMIA 14:17

AAKOÓ MUNGÚ aníng ina báy, as muu nguwa kángw baw daanduú gurhaamir'eene nee nay oó', «Masók hhirhheeraá ilaaeé' nin wa/aminá' tlaatla/aangw nee xweeraawo, masók an kumaamiít /aa/eewo, asma muk'eé' kwa ló'wa hariiáy, nee kwa ló'wa slahh'eés.

YEREMIA 16:18

Aníng li/oó dakumisuuín nee oo tlakweemaine un buú' sagaáwa tsár, asma yaamu nga meeta gaasiyé' ar tuaá munguii'ín kudá' naa aáhh, yaamuueé' ngaa dalaa/iyé' muruuín kudá' ni waka.»

YEREMIA 17:13

AAKOÓ MUNGÚ kuúng a harahhifór múk Israeli, kudá' kuúng ugwa si'iye' sleémeero ki mureekees. Kudá' kuúng ugwa geexaye' a adór umér taa gooín baraá hhape. Asma kuúnguú AAKOÓ MUNGÚ una si'iyé', kuduú kutltá ma'aá slafiingw.

YEREMIA 17:16

Aníng gadiyeédá' tawa de'eemusmo aga si'iiká, tam deeloodár slahh'amaaye aga ilatleerusiiká niwa hardat. Kuúng a xú' tidá' aníng naa oó' afkueene. Tidá' naa axweés kuúng a xú'.

YEREMIA 17:19

AAKOÓ MUNGÚ ina báy, «Tláw, sihhiít dír afkuduú waawituú Yuda ir daraahi nee ir ti'imiiti baraá gixsaro, nee dír afe sleémeero ar gixsár Yerusalemu,

YEREMIA 20:11

Ala kuúng AAKOÓ MUNGÚ a dinkwa nee aníng. Dir'eene kuúng a adór migusmoó dae tlaáq. Gawaá adoorihe kuká' aníng i baramaanuusá' i dukuutsiyá', baaliro i aleeslay'aaká. Ki ló'wa mureekees, asma i baalina'aaká. Murér alhhe'eesay wasle ngin slayá', ar taqo baloó gunqareesiiká.

DABE 33:11

Aá AAKOÓ MUNGÚ, /uuruuín tsuuqeek, nee gadiyér dabaaín ya/aameek, afeetlér wakuuser'ín giqaweek, kudá' inooín ngi ahhiitá' mindiwa malé sihhiitiyé'.»

Geehhoeemaá 18:6

Kuungá' inós buaak ar adoodá' inós ira bu'uún. Ka sagaáwa tsár wa buá' ar tlehhemi'iiwós kudá'. Inós wahaasaak ar wahaangw oo adór kudá' inós muu ngura wahamís, ala dirose sagaáwa tsár wa doogaak.