YEREMIA 17:17 - Biblía Axweesantá Hhohho' ar Mungú 2004

¹⁷ Aníng mi dae tlaaqaar, asma kuúng an dír guway'eé' qoomár slahh'amaayeero.

YEREMIA 17:17 Iomraidhean Croise

YOBU 31:23

Asma aníng a baraá de'ér ur as hhitár amór Mungú daahh, nee aníng a qiitlaaká niwa dír Munguú Aleesleemusmór qoom.

WARA'AMI 41:1

Heé amohhoó' a kudá' narkuute ga gaár i xuú', inós ku alee/iis nee AAKOÓ MUNGÚ baalár slahh'amuuwo.

WARA'AMI 59:16

Ala aníng /uuruuwók u daa'ángw wa óh matlaatleero. Sla'aarirók ar warqawaaká an daa'ángw wa óh ar qwala/. Asma kuúng an baqmor'eé', nee dír ni goow baalaadár slahh'amko.

YEREMIA 16:19

Aá AAKOÓ MUNGÚ, kuúng an /uuruueé', nee koo/ir'eé' ar gawit, kuúng an dír guway'eé' qoomár slahh'amuwo! Xoordaá badu sleémeero awa yaamu nin amoorók i hardihiyá' tawa kaahi, «Baabi'iirén gár taa aál i káhh, aqo har munguaá lama, muruú tawo oo slaasláwár koomaaká.

YEREMIA 17:13

AAKOÓ MUNGÚ kuúng a harahhifór múk Israeli, kudá' kuúng ugwa si'iye' sleémeero ki mureekees. Kudá' kuúng ugwa geexaye' a adór umér taa gooín baraá hhape. Asma kuúnguú AAKOÓ MUNGÚ una si'iyé', kuduú kutltá ma'aá slafiingw.

YEREMIA 17:7

Heé AAKOÓ MUNGÚ gwaa harahhiif kwaa tsuúq, kudá' AAKOÓ MUNGÚ gwaa harahhifoorós tleehh.

Yoeli 3:16

AAKOÓ MUNGÚ ni amór Siyonír wa /orootl, afoorós kari axaas baraá Yerusalemu wá alé, doori nee yaamu niri daaraxatiyá'. Ala AAKOÓ MUNGÚ an dír mukós i gogowi, nee koo/ír gawit ar múk Israeli gwa harwet.

NAHUMU 1:7

AAKOÓ MUNGÚ ku hhoó', inós a koo/ír gawit deelór slahh'amuwo, inós mukdá' sleémeero gu i gogoów gu xún.

Efeso 6:13

Gawaá adoorihe xooslaá slaqwarár Mungú sleémeero oohaak. Deeloodá' tlaakw bál binda hardát, daqaní wakusmoodá' u aleesleerá' kuwa baqa', nee arba/ato bura hhe'esé', ta sihhitano hhe'esá'.