YEREMIA 17:11 - Biblía Axweesantá Hhohho' ar Mungú 2004

¹¹ Heé daqaari'iima gaa slay ar loohír gana'aaká, a adór xooymoó qanhhár aa qanhhusiiká gaa umtór ay. Daqaari'iimarí gun afa bá/ qoomár tla/a tsara birnga áy, alhhe'eesaywo iri daktu'uut.

YEREMIA 17:11 Iomraidhean Croise

YOBU 20:21

Alaá /aymaro tam gwa'amír i meetisi i káhh, gawaá adoorihe, diihhooarós i baloó tleereská.

WARA'AMI 49:13

Tí an tidá' gi slaw kudá' daktana ti harahhiifá', an adór alhhe'eesay'ín kudá' waahhamiimá' ar daqaari'iimar'ín.

WARA'AMI 55:23

Ala kuúng Mungú, inooín in /araraa'ás tay baraá bohóngw qwanaay. Múk kuunday raa/atén nee fooluuse, hotangw'ín sleeme tla/atsara ga ayká. Ala Mungú aníng kuúng u harahhiíf.

AXWEESANOÓ SAGALOOA 13:11

Daqaari'iima bara sleér ar wa'aá wák i gaanslár fák, Ala heé ga ikwakwaáhh burumburingo ga niiq.

AXWEESANOÓ SAGALOOA 15:27

Heé slaasláwár ilatleeruús ar loohír gana'aaká, múk do'ós gu baambeeúy, Ala heé slukuma ga sla'aaká i hoot.

AXWEESANOÓ SAGALOOA 21:6

Daqaari'iima bara sleér ar lama, a adór quuír ta ufaáhh slám a xotloompír gwa'ara.

AXWEESANOÓ SAGALOOA 23:5

Asma tawa qaytsita daqaari'iima aa fák, Ila nee tí gár ta aan kwaáo ina tleér ar hhampe'eeri papáh gan ó', adór gwareesír gawaá doori.

AXWEESANOÓ SAGALOOA 28:16

Geeraharusmo bar tsaahha nguwa /aaruúr a baramaanusmoó xaraásl dír muko Ala geeraharusmoó slaasláwár al/ayma ga sla'aaká ku slafiingw tleér.

AXWEESANOÓ SAGALOOA 28:20

Heé inkihhimuú koóm tsuuqaá yaariir gi sláy, ala heé daqaari'iitár slaá' ar gaanslaay muxtaaro ku pa/asiiká.

AXWEESANOÓ SAGALOOA 28:22

/Akusmo daqaari'iima gan mak gaanslár leeleehh, Inós ga xuiiká adór aleema ngur i hardihiyá'.

AXWEESANOÓ SAGALOOA 28:8

Heé daqaari'iimarós dogiít ar iwa múk /aytin, Gan burumbuur as heedaádá' narkuutér gurtlatláw.

YEREMIA 22:13

A tsaxwaawós heedaádá' do' gwaa tleehh ar /ayta, yooraywós guri doók ar hara/uuntsa, kudaádá' muu gu tawó ar gadiyuús, ala gu bu'unká.

YEREMIA 22:17

Ala kuúng ilaawók nee muunaáwoge in tlam/aán baraá slaasláwár hariimaaká. Múk dakuús wásl una tsú/, muu kuri baramaanús nee kuri /aytiín ar gurtleemu wasle.

YEREMIA 6:13

Inooín sleémeero iimír na/aá ninákw wa tleemu ay múk urén slaasláwár ganaa'aaká ngi tawo slaiyá'. Tam aaruuse nee kaahamuusero umuú heewo gaa a lama gan tlaaq.

YEREMIA 8:10

Gawaá adoorihe, tlaaway'ín un múk hatlá' i haniís, qamuuín in múk hatlá' i haniís. Asma iimír na/ií wa tleemu ay múk urene, umuú heewo a slaasláwár hariimaaká gan iinuus, nee iimír aaruusér wa tleemu ay kaahamuusér Munguhe sleémeero a lamuuse.

AMOS 3:10

AAKOÓ MUNGÚ i kaahi, «Mukwí gár ganaa' tleehhamooro ngi xuiaaká. Inooín muruú fiiso nee oo taa /uurúr hayoohín ngun babatsiyá' baraá maray'ín i alé.»

MIKA 2:9

Kuungá' /ameenár muk'eé' an tsee/ií kwakwahhá' baraá maray'ín kudá' hotaariro naa intsaahhiyé'. Nee na/ii'ín kiri tsuuqaaeé' /ité' slafingw'ín sleémeero.

MIKA 7:3

Sleémeero kin ilakaaharen muruú tlákw tlehhtuuwo. Ga/awuuse nee múk doó sakwasleema slukma ngin slaiyá'. Tam heedá' úr ta ilaiwawa/i tós ar i slai gan oo', sleémeero tin bardarahiyá'.

SEFANIA 1:9

Baalaadae muu sleémeero kudá' munguaá lama ngi i tumbarara'amiitá' un muúx, kudá' doó aakooín ngu hatsmiisá' ar muruú tinda /awaa/awín nee oo fiiso.»

SEKARIA 5:4

AAKOÓ MUNGÚ Aleesleemusmo i kaahi, «Aníng lo'oorí an ya/aáw iri dát baraá maraá fisuuse nee baraá maraá mukdá' lo'ór lama ngi /aa/ayá', lo'oorí maray'ín giri eér, giri /ák tam waqas nee tla/uuwo.»

MALAKI 3:5

AAKOÓ MUNGÚ Aleesleemusmo i kaahi, «Aníng kuungá' nun i tseewúw as nuwa sakwasleemuut, aníng tay lamabu'usmoó inslahhúw daanduú da/aluuseero, nee daanduú fuquuseero, nee daanduú kudá' lo'ór huwahuuwá' ar lama, nee daanduú kudá' sagadiyuuser'ín ngi baramaanuusá' baraá slaasláwar'ine, kudá' kwaalo'o nee panmo ngi baramaanuusá', kudá' hariímár /eetusmo ngi /ititimá', tam aníng i da'ayumitiaaká.»

Matayo 23:13

«Ala kuungaá intsaahhatuusér hara'ayár Mose nee múk Farisayo awa hhaahafuuse, a tsaxwaahúng. Asma kuungá' afkú doó waawuti'iimár Mungú una tsegé' as muu miwa dáh. Gím kuungá' kilá' a ak data'aaká, slám mukdá' daráh u ak geemeera'aaká iwa dahi. [

Luka 12:20

Ala heé aáng kuri báy nee Mungú, ‹Kuúng a daktani. Xweerakaá laarihe kuúng a gwá'. Nee muruudá' taa amohhe'eemaamís oo heemá?›

1 Timoteo 6:9

Ala múk daqaari'iimár leelehhiít, inooín ta dah baraá iiara'at, kuri uhín nee tsaaxwel, asma ilatleerír yaariir ar tlakw nee ar daktu'uuma. Ilatleerirí muu gu /aytís baraá hhitiru'uuma nee qwanaay.

Tito 1:11

Mukwí masók ku afe tseek. Asma inooín múk maraá muu ngun sageeqwaareemisiyá' as intsaahhasár lama ngiwa intsaahhatimisiya' ar mure wasl, as inooín slaasláw kawa slay.

2 Petro 2:14

Inooín ilaaín in tawo waseeliná' ilatleerir tsaatu'uumaro, slám i hhe'eesiaaká tlakweemaawo. Nee múk tununuú/ baraá haratlintaaooro ngun qwaareemisiyá'. Inooín a múk ló'wa peésár slaá'. Gawaá adoorihe inooín kaa lu'ús nee Mungú.

2 Petro 2:3

Inooín ta haats ilatleerír peesaaro. Lameemá tawo kin tawó tlaaq as peésa ngiwa slaya' dirhúng wa ale. Ala iimír aange sakwasleemar'ín kaa qaroó tsaát, nee inooín amór i kaya' a baraá qwanaay.