YEREMIA 17:1 - Biblía Axweesantá Hhohho' ar Mungú 2004

¹ Tlakweemaá múk Yuda kaa gooín ar kalaámuú muqsli, kaa gooín ar parhhamtá miisli ar afa ngwáts, baraá muner'íní ale, nee gawaá xareemaá kiteeri'ín kudá' ta ilahhooár wa hanmaamisi.

YEREMIA 17:1 Iomraidhean Croise

AXWEESANOÓ SAGALOOA 3:3

Hhooeema nee inkihhimu mi kwahhaar. Na dahaaseek gawaá istók í ale, nee gooimeek baraá muunaáwók i alé.

AXWEESANOÓ SAGALOOA 7:3

Gawaá ditsaawók ti tsek, baraá muunaáwoge gooimeek.

ISAYA 49:16

Ga/aawaak, aníng kuungá' naa gooiím baraá tsa/oó dakw'eé', koo/ír gixsarhúng i dír geeraaeé' daqisleém.

YEREMIA 11:13

Múk Yuda, munguiihúng ki yaariir adór gixsaduhúng. Nee kiteeraá ilahhooarhúng ki yaariir adór lohdaá Yerusalemu, kudá' taa tlehhé' as mureekesayduú Ba'ali kuwa ilahhooár mooyángw tsuúií da/a/aanda'.

YEREMIA 2:22

Tam tu hamaátl ar na/dí nee saabuúnoó tsumtá tu/uuma, mulkoó tlakweemaawók in meet dír geeraaeé'. Anuú AAKOÓ MUNGÚ tí ngina oó'.

YEREMIA 31:33

Alaá deeloorihe alqadoorí an oó' dír múk Israeli, aníng daber'eé' an baraaínií qaás, nee an gooiím baraá muner'ín, aníng tari Munguúín nee inooín tari muk'eé'. Anuú AAKOÓ MUNGÚ tí ngina káh.

YEREMIA 4:14

Kuungásingá' Yerusalemu, tlakweemaá baraá munerhúng hhohhoeesaak as tunduwa ba/amisi. Ay xaylá muruú tlákw ku aldakwaakuta' baraá munerhunge?

HOSEA 12:11

Tam hamí munguaá hatlá' ki sluufmiis baraá Gileadiro, mukdá' sleémeero gi sluufmiís ku hhaamiis. Ala tam hamí damaay ki ilahhooár muruú ta tsú/í hanmiis baraá Gilgaliro, ala kiteeridaá ilahhooa ki ufér tlaa/e tleehh baraá hha'aá qamuuwo.

HOSEA 7:2

Inooín tam tsaahhár niiná ngi kon'aaká, adór aníng tlakweemaaín ngir xuú', ala inooín kaa nagwaáhh nee tlakweemaaín badu sleémeero, tlakweemaaín sleémeero aníng i ga/áw.

HOSEA 8:11

Asma múk Israeli kiteeraá yaariir awa ilahhooa kawa hanmiisi kina tleéhh as tlakweema tlehhit. Tiri didaádá' i dogiitiyá' as tlakweema tlehhit.

TLAHHOÓ LAÁWI 4:25

Kaahamusmo tseere gari bahh taataahh gari tikiis ar diitsarós, gari gawaá xareemaá kitángw ilahhooár dá/tár sliik, nee tseereedá' aa met ngi ku'uusi dír gwe'eedaá kitángw ilahhooár da/a/aangw.

SEKARIA 7:12

Muner'ín ngina gawdemisiyé' adór tlaa/a as hara'ayár anuú AAKOÓ MUNGÚ Aleesleemusmo mingiwa axaasiyé', nee axweesante'eene tidá' naa ya/aáw ar qeeruueé' ar loohír aaruuseedár geera. Gawaá adoorihe, xarasleemaá yaariir awa anuú AAKOÓ MUNGÚ Aleesleemusmo niri hardihiyé'.

2 korinto 3:3

Asma a gár geehhoo' adór kuungá' tar barwaárén ar amór Kristó daahh. Barwaárí kana gooín ar gadiyeérén. Kaa gooínká ar wiíno, ala kana gooín ar Qeeruú Mungú kudá' slaáf. Kaa gooinká gawaá parhheemaá tlaa/e, ala kana gooín gawaá /aare'eeraá fu'unaay, an baraá munér muu.