YEREMIA 16:21 - Biblía Axweesantá Hhohho' ar Mungú 2004

²¹ AAKOÓ MUNGÚ i kaahi, «Gawaá adoorihe ga/aaweek, aníng in intsaahhatís, qoomaarihe aníng inooín in /uuruueé' xu'utís, nee aleesleemueene, inooín ngiri tsaahhiyá' adór umuueé' tar AAKOÓ MUNGÚ.»

YEREMIA 16:21 Iomraidhean Croise

WARA'AMI 83:18

Ngi tsaahhiye' adór kuúng AAKOÓ MUNGÚ, kuúng kilók tar Munguú úr baraá yaamu sleémeero.

WARA'AMI 9:16

AAKOÓ MUNGÚ taa geehhoeés, sakwasleemarós gaa boo/eés, tlakuuse gaa óh ar gadiyér dabaaín.

TI'INAANGW 14:4

Aníng muunuú Farao u gawdeés, inós niri eeharín aluuhúng wa ale. Farao nee slaqwaruuseerós aníng i xirfúr ayá', nee múk Misri gari xuu' adór aníng tar AAKOÓ MUNGÚ.» Naagáy múk Israeli adoodá' kari tleéhh.

TI'INAANGW 15:3

AAKOÓ MUNGÚ an migusmoó slaqwara, umuuwós an AAKOÓ MUNGÚ.

TI'INAANGW 6:3

Nee aníng tina gehhooatís dír Abrahamu nee Isaka nee Yakobo, tawa adór Munguú Aleesleemuú koóm, ala umuueé' kwí tiwa babay AAKOÓ MUNGÚ ugwa dir'iní xu'utisiiká.

ISAYA 43:3

Asma aníng a AAKOÓ MUNGÚ, Munguúhúng, Kudá' Hhoohhoó' oo Israeli, ba/amusmoohúng. Yaamaá Misri afkuhúng nguna /ayiyé', yaamaá Kushi nee Seba ina kuungár waa'aláh.

YEREMIA 33:2

AAKOÓ MUNGÚ kudá' yaamu gaa tleehh, nee kudá' iihhafirír yaamu ga kumiitiís, kudá' umuuwós ta bay AAKOÓ MUNGÚ, inós aníng iri báy,

ESEKIELI 24:24

Anuú Esekieli an slaqsaay dirhunge, umuú gár naa tleehhi kuungá' an tlehhá'. Qoomár muruuwí sleémeero bira boó/, daqaní kuungá' a tsahhá' adór inós tar Aakoó MUNGÚ.»

ESEKIELI 24:27

Baalaarír kilae afkók iri gweeriit, kuúng nee panmoodá' tari axweesá'. Gawaá adoorihe kuúng tari laya dir'ine, nee inooín ngiri tsaahhiyá' adór aníng tar AAKOÓ MUNGÚ.»

ESEKIELI 25:14

Muk'eé' oo Israeli un aleesleemuú i haniís oo li/ay nguwa buiya' dír múk Edomu, inooín adoodá' buhhtaaeé' i dirii'iya' ngi tleehhiyá' dir'ín i alé. Múk Edomu ilooeemaá li/aydá' aníng ni buu' giri tsaahhh. Anuú Aakoó MUNGÚ tí ngina oó'.»

ESEKIELI 6:7

Kudá' ta tsu/i ta huhu'ún baraá tla/angwhúng, kuungá' kari tsahhá' adór aníng tar AAKOÓ MUNGÚ.

AMOS 5:8

Kudá' tsatsee/ír Kilimía nee ar Orióni gaa tleehh. Kudá' ma/ami gaa matlaatle tleehh. Kudá' tlatla/aangw gwaa giwti tleehh. Kudá' ma'aá tlawi gaa burumbuur dinkwaárí ale giri ku'uús gawaá daanduú yaamu, umuuwós an AAKOÓ MUNGÚ.