YEREMIA 16:16 - Biblía Axweesantá Hhohho' ar Mungú 2004

¹⁶ AAKOÓ MUNGÚ i kaahi, «Ga/aaweek, aníng múk yaariír oo siyoó ohiím ngu tleés as mukwí nguwa ohin. Aluuwo slakaatuusér yaariir ngiri tleés, ar mukwí gu slakaat gawaá umuú tloomaro, nee gawaá umuú gongoamaawo, nee baraá mar'ór tla/uuwo.

YEREMIA 16:16 Iomraidhean Croise

IIMU/UUNGW 10:9

Inós a slakaatusmoó ilakaahaár dír geeraá AAKOÓ MUNGUHE. An gár muu is kaahi, «A adór Nimrodi, slakaatusmoodá' ilakaahaár dír geeraá AAKOÓ MUNGUHE.»

ISAYA 2:21

Inooín nin dahiyá' baraá guruú mar'ór tla/u, nee baraá pa/eeraá tla/u, geeraá dae tlaquú AAKOÓ MUNGÚ nira hardihiiká, nee xirfuú waawuti'iimarose, qoomár birna tláy as yaamu ngiwa dae tsati.

ISAYA 7:19

Inooín nin hardihiyá' xatstadá' gaa wasl ngiri al'iwiitiyá', nee baraá mar'ór tla/u, nee gawaá laqaya' sleémeero, nee gawaá qawtanaay sleémeero.

YEREMIA 25:9

aníng daxta xoordu sleémeero awa /iikú dahhá', dinkwa nee sagadiyusmooeé' Nebukadnesa, waawutmoó Babuloni, ngin huúw as yaamuuká' ngiwa ii haraatlaya' nee múk baraakií dirií', dinkwa nee xoordaá inslaawaay sleémeero. Inooín aníng in hhaamiís ló'wa alé, nee ngiri gár dae tlaaq tleéhh, kiri waaniqín, nee kiri waaqaqaa' ay alhhe'eesay wasle.

YEREMIA 4:29

Qoomár afór slaqwaruusér aa tsa/aan gawaá faras nee ar maheeraá tlaquút birnga axaasiyé', umuú heewo iri ta'aaín. Bahh'alé tari dah baraá xwaansloó giíw, bahh'alé tari tsa/án gawaá tlaa/aá uren, umuú gixsaro in tawo mét, tam heé baraadá' hoót i kaahh.

YEREMIA 49:5

AAKOÓ MUNGÚ Aleesleemusmo i kaahi, ‹Ga/aawaak, dae tlaqa ngu gawaahúng i huúw umuúqo barto baraá inslaawayhunge. Kuungá' tundun ar tláy, umuúqo heewo loohirós gan ar oh. Heé múk aa /akumiit gu burumbuúr i kaahh.

YEREMIA 6:9

AAKOÓ MUNGÚ Aleesleemusmo i kaahi, «Panoó múk Israeli kudá' aa meet burumburaare', adór múk sabiíbuú burumburiím i /imamisi, adoodá' múk sabiíbu daber'ín ngir malé baraá haleemaá sabiíbúr waarahhamaamisiya'.

WA/AA/I 4:18

Wakusmo tina digir deliít, hi'iitanór baraá lohduurén kari harslaaqataán, alhhe'eesayrén niri tseewúy, deeloorén faaro gari ya/aán, asma alhhe'eesayrén naa hardáh.

WA/AA/I 4:19

Múk taa eehar ku ló'wa insláhh ta gwersuuwo, atén tina guús ay gawaá tlom'i, tay gigidiné' baraá darmuú wa alé.

HOSEA 10:10

Aníng a daqáw amór mukwí nee nguri muúx. Xoordu nin burumburitiyá', inooín kiri i haratláy, kiri muux as tlakweemaaín kudá' naa harwaraahhiye'.

AMOS 4:2

Aakoó MUNGÚ kudá' hhoohhoó' lo'o gaa /aáy, «Qaytsité', qooma i xeér ar kuungá' tunduwa uruuxun ar him'e, tari adór siyoó gawaá baraatsufáy wa tarereamiít.

AMOS 5:19

Deeloorí dirhunge a adór heé aa dirángw wa goow tiri doogiyé' nee duúbu. Laqaá adór heé aa dah baraá do', dakós gway qaás gawaá baqa, kuri kiihh nee dayshamo.

MIKA 7:2

Heé inkihhím i kaahh baraá ayaawihe, Heé gan'amuú tlehhiít i kaahh. Umuúqo heewo gár i leelehhiiti a hee nguwa gaasi. Umuúqo heewo hhiyaawós gun tsaaxweelír i qamín.

SEFANIA 1:12

Qoomaadae gixsár Yerusalemu an tsaa'astár tsee/aariím, nee mukdá' aa baraá horondoó buurárí wahhadiit un sakwasleemuút, Mukdá' baraaíní káh, ‹AAKOÓ MUNGÚ gár i tleehhi i káhh ta ka hhoó' laqaá ta ka tlaákw.›

1 SAMUELI 24:11

Baabuúeé' qaytsiít, pasltá inqwaarirók i gawaá dakw'eé', barnaxes pasltá inqwaarirók ana tsaát, kuúng uri gaasiiká, ka xú' nee ka tsáhh adór dabaaeé' kir hhohhó', tam /aymuú kuúng uwa sadakuús i kaahh, ala kuúng án ina slakaamaamít as iwa gaasár wa sla'.

1 SAMUELI 26:20

Gím daxta mi geexawaar nari gwaá' baraá yaamaá ayaá hee, dír nee AAKOÓ MUNGÚ tiwa harasawén. Asma waáy kuúng waawutmoó múk Israeli mas slafingw'eé' leelehhít, slaqás adór heé xooyángw slakaát gawaá tloomár wa ale.»